انا بدوي واعشق حياة البداوه

البدانه , انا , تدني , حياة , واعشق

انا بدوي واعشق حياة البداوه

أنا بدوي واحـب طـاري البـداوه && يامعذربين البدو مافيكـم إحسـاس

قالو بدو قلـت الصفـى والنقـاواه && يازين شوفتهم على الضوء جـلاس

قالو بدو قلـت الكـرم والنخـاوه && وأفعالهم فى ذمتى ترفـع الـراس

قالـو بـدو والبـر فيـه الشقـاوه && قلت الوناسه عندهم فوق الاطعاس

قالو بدو ونشـوف فيهـم قسـاوه && قلت الخشونه يامعذرب لهم سـاس

ابن البداوه صلف ما بـه رخـاوه && اليا زهمته جاك ماهـوب يحتـاس

بينه وبين الاش حـرب وعـداوه && وحلفه مع أهل الطيب والاش ينداس

شف لك من البدوان واحد وخـاوه && حتى تفرق بيـن مطلـق وعبـاس

وان كان ما صدقـت عالـج وداوه && قلبك مريض وفيه حقـد ٍ وسـواس

فى مجلس البـدوان تلقـا حفـاوه && وترحيبهم لضيوفهم مالـه اقيـاس

ويقدمون الطيب من عـود جـاوه && في سلمهم طيب ومعـزه ونومـاس

هذي فقط نبذه عن أهـل البـداوه && حبيت اوصلها لاجل تاصل النـاس

قالت ترى منت بحلو قلت رجـال

والزين ماهو من شروط الرجولـه

الزين يلقى عنـد لباسـة الشـال

والرجل زين ان كان زانت فعولـه

********

قالت علامك تلبس شماغ وعقـاال

انت بدوي؟ قلت بدوي ومن حموله

ما ألبس بناطيل لها الوان واشكال

وامتر الشارع بعرضـه وطولـه

********

قالت اجل راعـي معاميـل ودلال

شرب القهاوي تحسبونـه بطولـه

كيفي يابنت الحضر دلـه وفنجـال

وحليب خلفـه بالمـراح معقولــه

وحب الكرم والجود وعلوم الابطال

مغروس فينا من زمـان الطفولـه

********

قالت ترى بنت البدو حظهـا مـال

قلت احذري حذرا تكوني جهولــه

بنت البدو يابنت مضرب للامثـال

فوق الجمال وطاعة الله خجولــه

ماحطة اصباغ ولا حطـت ظـلال

ولا سيرة بالسوق سيـر مهبولـه

هي مهرة تصعب على كـل خيـال

وانتي ومثلك عسفهن بالسهولــه

********
قالت تغزل بي وشف حبة الخــال

ناظر عيوني والرموش الكسولــه

قلت العفو مايجتمع حـب وهبـال

ولكـل ذوق فالمزاييـن جـولـه

عشقت القمر حيث القمر ينبعث به نور


..................واخص الليالي البيض تزهاه ويزهنه


واحب الهوى لاهب من خايع ممطور


...................وريح النفل حيث النفل طيب الخنه


واحب الجمالة والجمالة عمل مبرور


....................واحب الغناه وعز نفسي عن المنه


واحب الصراحة والصراحة بها مسرور


..................حيث أن الصراحة تقطع الشك والظنه


واحب الكريمه اللي يفرج عن المعسور


.................اليا من عطى حتى اهله ما دروا عنه


احب الرجال العارفه واكره المغرور


.................من اغتر في بعض المظاهر يغرنه


سقا الله ليال ماضية قبل هدم السور


................نحفر العدود ونشرب الماء من الشنه


نشوف البنات اليا اوردن كنهم الحور


...............مهار مشاويلن بالاعياد معتنه


على الماء تشوف بيوتهم كنهن القور


...............كثير القبايل تقطن العد بالكنه


على البال ذكراها ياليت الليالي دور


...............ياليت الليالي ما خذنه يجيبنه


تذكرت شيبان لنا يوم حنا بزور


...............يحثوننا بالطيب والفرض والسنة


لو عاشوا حياة قاسية في بحر وبرور


..............عسى الله يعوضهم بما فات بالجنة


لو دورن مضى من بينهم وين ذاك الدور


.............مان مضى له ذكريات يحلنه


يوم الذهب ما يلبسونه بدون خصور


............جمال النسا ما هو من السوق يشرنه


فقدنا حياة البدو مع شوفة المظهور


............ولا عاد به بدو ولا الطرش له حنه

وجودي على بيت الشعر عقب بيت الطين
وجودي علـى شـوف المغاتيـر منثـرّه
وجودي على خوّة هل الموتـر المقفيـن
وجودي على شوف السهل من ورى الحرّه
اليا حلوّا العربان وصـاروا علـى بيتيـن
ومن كان له خـلٍ مـعَ ذاك مـا غـرّه

الإبل

والبل يداوي شوفها كل عله
ودوا من السكر وضغط الشرايين
والبل لها تاريخ جا في سجله
من خلقت الدنيا مع الأوليين
والبل يلا جات الشحايح ممله
وعند أهلها يشرونها بالملايين
ومن ترك البل ذاك كبه وخله
ولا تعشقنه يالبنات المزايين
ماتركوها ألا رجال المذله
باقي شرفها مع ملوك وصلاطين
ون شفتها في الغر لرفح مظله
طالع نباته مثل وصف البساتين
والبدوا بنوا في جديد المحله
متخالطه عيدانها تفتح العين
بين النشاما هرجهم ماتمله
ونسوانهم متصادقات على الدين
ياتيك برادن ويقفاه دله
ويندار من بين الرجال المسمين
ولاش مسوى حرمته في محله
يتروح الضيفه يدور لها وين
والنوم قسمه كل فرض يزله
ماقام تالي الليل سعف المصلين
هذاك من لنذال خله بغله
ضعيف عقله مايعرف القوانين
ون خيروني منزلن ينتزله
ودي بشوف البر في عافي الطين
ولا لي بمنزال العماره وفله
ومغلقه لبواب كنهم مساجين
ومشاهد القصه وشوف المجله
أخير لي منها هدير البعارين
وفرقت غنم وأبلن أصايل وقله
عند الزكاه أعداد خمس وثلاثين
ويالله يلي كل يابس يبله
أرحم بلادك والضعوف المساكين
بالساري الودان يمسي يهله
ويصبح مهجل بعد ماسال سيلين
على القعيميات يمطر يعله
اٌمين يارب الحجيج الملبين
وعلى الأخاشيم أدلهم ساريله
برقه ينوض وينزل الماء على الطين
ويالله يا مامر مكاييل يالله
اٌمر لنا بالخير وحنا مطيعين
وأحنا على نهج النبي مانزله
محمد حبيب الله خير النبيين

ثالثاً.. الدلة والقهوة


قم سو فنجال ونظف أدلاله
ريحه لراعي الكيف يجلي اعماسه
اشعل ولونه مثل دم الغزاله
لاذاقه الراقد يحارب انعاسه
في مجلس تدله الى جاء مجاله
اللي عن اللجات يقصر حساسه
والا ترا بعض المجالس عذاله
لا معشر طيب ولا فيه اناسه

الصقر

يارازق اللي ينتظر شوفة الطير=وعينه على الاحرار دايم شفوقه
الخير عندك وانت ماتذخر الخير=والعبد يسعى وانت تعطي حقوقه
وجدي على اللي يمنتنوه الصقاقير=مافيه طير بالوصايف يفوقه
ابيض وله عند الصقاقير تقدير=هو منوة الصقار عشقه وشوقه
صارم وجارح باللقا كنه الزير=له هدتن عند الرجال امعشوقه
مخالبه صلبه سواة المسامير=طير الحباري مايعيزه لحوقه
لو انها عن موتها ودها اطير=يجيبها الجارح ولوهي سبوقه
فعله وزينه زاد قدره عن الغير=غلاه في قلبي سكن في عروقه
حنا على شانه مشينا مداوير=والعين لاجله نومها ماتذوقه
جبنا الزريق امع الشبك دون تقصير=وجبنا له البرقع وجبنا سبوقه
ماودنا الا شوفته حزة اعصير=ويسوقه الله في شبكنا يسوقه
واحنا لنا بالصيد خبره وتفكير=نحرص عليه ولا يجي فيه عوقه
والريش نحرص مايجي فيه تكسير=خوفن عليه ايقل سعره بسوقه
وفيه انتباشر بعد كل المخاسير=بشرى السحاب اللي تلامع بروقه
عبرت ما بالقلب ياناس تعبير=يازين شوف الوكر والطير فوقه

ياحن قلبي حن ماكٍ مـع الطلعـات
لا عشقّـه بالعايـدي والدبـل جـرّه
جرمه ثقيل وحملّـوا فوقـه البيبـات
ويدعس عليـه أبنزينـه ولا سـرّه
أنا دمع عيني بالدقايق وبالساعـات
ولاهي على فرقا المحبيـن مستـرّه
هواجيس قلبي كل ما أقول راحت جات
تخالف علي باليوم خمسة عشر مرّه

نا بدوي راس مالي عصاتي ,,
أنا بدوي

يا بنت أنا لـلشمـس فـي جـــلــدي حـــروق

وعـلى سـمـــــــوم القــيظ تـزهـر حـيـــاتي

أطرد ســــراب الــلآل فــي مــــرتع النــــوق ومــن الــظــمــــــا يــجــرح لســـاني لــهــــاتي

عاري جــســد والــليـــل هـــتّان وبـــروق دفـــــاي أنـــا والــــبرد ســـمـــــــل الــعـــبــاتي

إن عذربوني بعض خلانـك .. صـــدوق

يا بنت أنـا عــشــــق الـخـــلا مــن صـفـــاتي

وشمٍ على رمـال (الـمتايـيــه) مـدقــــوق

لاشــــك مـــن مـنـــهم يـســــــوي ســــواتـي

أنا بدوي .. ثــــوبي عـ( المتن ) مـشـقـــــوق

ومــن الــجــــبال الســمـــــر صــبري ثبـــــاتـي

ومثل النخيـل خلقت أنـا و هــامـتي فـــــوق

وما إعتــدت أنا أحـني قـامــتي إلا فـصلاتي

ولا إفتخر بأفـعــــال يـمنــاه مــــخـلــــــوق

يـــا بـنـت أنــا فـــعــــلــي شــهــــــودة عــــداتــي

الله خلقني وكـــلمة الـحــق بــوفـــــــوق

وملكت الارض وراس مالي..عصاتي

تسسسلم يمانك يا الكفوووو
الله يعطيك العافيه
على كل هذه الروائع الادبيه
ابيات سبك و حبك ومتانه و رصانه
و يقابل كل ذلك صدق توصيف و تصوير غير عادي
واصل مسيرتك الابداعيه
و تذكر ان هناك من يتابع كل جديد تطرحه
فلا تبخل علينا
و تقبل مني خالص الود و التقدير