 |
 |
| |
آخر 10 مشاركات
|
 الإهداءات | |
 |
| | LinkBack | خيارات الموضوع |
05-10-2014, 02:26 PM
| #2 | |
 |  رد : مسلسل باب الحارة الجزء السادس باب الحاره " الجزء السادس " " الحلقه الاولى " المشهد الاول / التخلص من مامون بيك " الملازم نمر " بعد ان قام اهل الحاره بقتل مامون بيك وحمل جثته الى خارج الحاره !! تقدم كل من معتز وابو ذياب في وسط الجموع !! وقال ابو دياب : يا رجال !! وهلا صار لازم نروح نخلص عمي ابو عصام من الاسر !! وانا بعرف انه عمي ابو عصام غالي عليكم كلكم !!وياللي ما بيحب ابو عصام نحنا مو بحاجه لاله !! وتاكدوا انه كل واحد بدو يجي معنا يروح يودع اهله لانه يمكن ما يرجع !! فاللي خايف بلا من جيته ! معتز : واللي مفكر يرجع بدون ابي كمان بلا من جيته !! نحنا رايحين على الموت يا رجال !!لا بنرجع ومعنا ابي !! او منموت كلياتنا !! وهنا يصرخ رجال الحاره وتعلوا هتافاتهم وعزمهم بالقدوم والمشاركه !! ويرفع ابو حاتم سلاحه ويقول : قولوا الله يا رجال !! " وتنطلق زغاريت النساء ترافقها صيحات الرجال " ابو حاتم : يا رجال !! هلا بدنا نروح عالغوطه جماعة ابو احمد ورجال حارة الماوي وابو النار والمسكي عم يتظرونا هنيك !! ويوجه كلامه لا ابو ديبوب فيقول له : ابو ديبو !! انت وابو شاكوش وحدو !بلا ما تطلعوا معنا !! ابو ديبو : ليش يا عمي ابو حاتم !!شو ناقصنا !! ولا مالنا قد هالمهمه !! ابو حاتم : يا باااطل !! قدها وقدود يا ابو ديبو ! بس انتوا عليكم مهمه هلا ولازم تنفذوها وعلى الحارك !! ما لازم يطلع الضو على النمس !! ابو ديبو : صار عمي ابو حاتم صار !! وينطلق رجال حارة الضبع الى الغوطه !!للاستعداد لتحرير ابو عصام !!فيم يتوجه كل من ابو شاكوش وابو ديبو وحدو الى النمس بغية قتله !! عصام يتوجه لفريال خانوم !! عصام : مرت عمي !! خلي لطفيه تنام عندك الليله !!ما منعرف شو رح يصير معنا !! وهلا ببعث فايزه وهدى عند امي فريال : الله يحميكم وينصركم يا حق !!ويرجعكم سالمين المشهد الثاني / النمس وتفكير عميق في بيته !! جلس النمس في مخباه واخذ يفكر !! ويقول : العمى !! هلا بكونوا اهل حارة الضبع شختوه لمامون بيك !! واكيد بكونوا عرفوا اني كنت بعرف كل شي !!ولييييييييي!! والله رحت فيها يا نمس !! وبعد صمت لبرهة من الوقت !! يقول : أي لا !!كيف بدهم يعرفوا مكاني !! هالمكان ما بيعرفه حد غيري انا وابو شاكوش !! " ويصمت فجأه وكانه تذكر شيئا " : ولي ابو شاكوش !!شو بيضمنلك يا نمس انه ابو شاكوش ما يحكيلهم عن مكانك؟؟ المشهد الثالث / مكتب الكوموندان !! جاء احد الجنود للكوموندان واخبره بان الملازم نمر تم قتله على ايدي رجال حارة الضبع !!الكومندوام تظهر ملامح الغضب عليه ويقول: توقعت هالشي ! لانه هاد نمر طلع واحد غبي !! خساره !! خساره كبيره !! كنا راح نتخلص من الشي اللي اسمه حارة الضبع ويتابع : اسمع شو بدي احكي !! نادي على الملازم فادي وجهز قوة عسكريه كبيره وخليها مستعده !! الجندي : امرك سيدي !! المشهد الرابع / هروب النمس !! جاء كل من ابو شاكوش وابو ديبو ومعهم حدو الى مخبأ النمس !! وكانوا يحملون الخناجر بايديهم !!! دخلوا على مخبأ النمس فلم يجدوه !! بينما كان النمس يرقبهم من بعيد وقال في نفسه : له يا ابو شاكوش !! شو عليه !!دواك عندي !! وانتوا يااهل حارة الضبع !! بدكم تخلصوا مني؟؟؟ ولكون انا النمس ياللي ما بتسوا عنده فلس !! المشهد الخامس / حارة الضبع ابو بدر : شيخي !! ليش الشباب ما اخدونا معهم !! الشيخ عبد العليم : اولا يا ابو بدر انت بعمرك ما حملت سلاح !! تاني شي الحاره لازم يضل فيها رجال !!ما بصير نترك الحريم لوحدهم !! وما منعرف شو راح يصير مع شباب الحاره ابو بدر : وليي!! " ويبدا بالبكاء " ويقول : يعني شباب الحاره راح يموتوا ما راح يرجعوا؟ الشيخ عبد العليم : تف من تمك يا ابو بدر !! بعون الله بيرجعوا كلهم سالمين ومعهم ابو عصام !! ابو بدر : شو عمتخربط شيخي !! ابو عصام مات !! شو بدو يرجعوا معهم؟؟ الشيخ عبد العليم : ابو بدر؟؟ وبعدين معك !! شو نسيت انه ابو عصام لساه عايش وموجود هلا بالاسر ؟؟ ابو بدر يشعر بخيبته ويقول : ايوا !! اتذكرت !! هلا عرفت ليش الشباب طلعوا من الحاره !! وهنا يعود ابو ديبو ومن معه !! الشيخ عبد العليم : الحمد لله على السلامه يا رجال ابو ديبو : الله يسلمك شيخي !! ويتابع : النمس هرب !! ما لقيناه !! الشيخ عبد العليم : لا حول ولا قوة الا بالله !! وفي هذه اللحظات تصل قوات الدرك للحاره بقيادة الملازم فادي !! الشيخ عبد العليم يخاطب من بقي حوله من الرجال : اسمعوا يا رجال !! اوعى حدى يجيب سيره او يحكي كلمه عن شباب الحاره ووين راحو !! المشهد السادس / وصول الشباب الى الغوطه !! جلس بعض من شباب الحاره على شكل دائره وكان معتز قلقا !! ابو حاتم : شبو العقيد !! قلقان مشان بكره !! معتز : يعني مو كتير !! بس بالي مشغول على الحاره من بعد ما قتلنا مامون !! وخوفي يصير شي بهالفتره اللي رح نغيبها عن الحاره !! ابو حاتم : وكل الله ابو العز !! الحامي الله !! باذن الله ما بصير الا كل خير !! عصام يتكلم بمشاعر فياضه : معقول؟؟ !! معقول بكره احضن ابي ؟ يضع ابو دياب يده على كتفه مبتسما ويقول : ان شاء الله يا عصام !! باذن الله وبهمة الشباب راح تكحل عيونك انت وشباب الحاره بشوفة الحكيم !! وان شاءالله بكره بيرجع معنا سالم ومعافى !! !! ابو حاتم : المهم يا رجال !! خلينا نحط خطه لنخلص ابو عصام بكره !! المشهد السابع /دخول الدرك لحارة الضبع الدرك يملاء حارة الضبع وقد اخرجو كل من بقي من رجال الحاره من بيوتهم !! الملازم فادي : شيخ عبد العليم !! وين رجال الحاره ؟؟ الشيخ عبد العليم : ما بنعرف عنهم شي !! الملازم فادي : ممممم !! ليش قتلتوا مامون بيك !! الشيخ عبد العليم : هذا مصير كل واحد بيدخل داسوس على الحاره ! وما تتوقع منا اننا نرحب فيه او نضيفه بعد كشفه ع حقيقته !! الملازم فادي : اها !! يعني بتعترفوا بانكم قتلتوه !! الشيخ عبد العليم : هاد مو اعتراف !! هاد شي بنفتخر فيه !! وهنا يكرر فادي سؤاله : للمره الاخيره شيخ !! وين شباب الحاره ؟؟ الشيخ عبد العليم : بعد ما قتلوا مامون كلهم طلعوا من الحاره وهنا يوجه الملازم فادي كلامه لمن حضر من الرجال : وين شباب الحاره ؟؟ امتنع الرجال عن الكلام ولم يجيبوه باي حرف !! يشير الملازم فادي الى عناصره بان يقوموا باعتقال كل من ابو بدر وابو ديبو وابو شاكوش وكذلك ابو خاطر ومعم حدو ! ياخذوهم ومن ثم يخرجوا من الحاره !! المشهد الثامن / الاستعداد تمركز شباب حارة الضبع ومن اتى لمساعدتهم في موقع ستمر منه القافله التي تحوي معها ابو عصام !! واخذ كل الرجال مواقعهم استعدادا للحظة الحسم !! ابو حاتم : يا رجال !! وقت اللي بتظهر الدوريه اوعكم حد يصوب على الدوريه اللي فيها ابو عصام !! ابو النار : وشلون بدنا نعرف ابو عصام باي دوريه ؟؟ ابو دياب : انا بعرف كيف بتكون الدوريه اللي بسرجنو فيها المحابيس !!بمجرد ما توصل بنبهكن عليها !! ابو حاتم : عشت يا ابو دياب عشت !! يا رجال ما حد يضرب اي رصاصه قبل ما اعطي الامر !! المشهد التاسع / التحقيق !! وقف الملازم فادي وبجانبه الكومندان !!ومن امامهم معتقلي حارة الضبع !! وبدا الملازم فادي بالاستجواب !! وين شباب الحاره يا ابو خاطر!! ابو خاطر : ما بعرف !! فادي : له يا ابو خاطر !! معقول ابنك برات الحاره وما بتعرف وينه؟؟ ابو خاطر : ابني خاطر ما عاد ولد صغير لاساله وين رايح ومن وين جاي !! الملازم فادي : اممم شو يا ابو ديبو !! بعدك مصمم تضل ساكت ؟؟ ابو ديبو : اللي عندي حكيته !! ينظر الملازم فادي لابو شاكوش !!ويقول له : وانت !! شو اسمك ؟؟ ابو شاكوش : انا ابو شاكوش !! فادي : وانت شو جابك على حارة الضبع بهالوقت ؟؟ ابو شاكوش : خود واعطي !! خود واعطي !! وهنا يضرب الكومندان الطاوله بيده " وكان يحضر التحقيق "ويقول بعصبيه" : هون ما في خود واعطي !! هون بدك تحكي كل شي عندك !! وين شباب الحاره ؟؟ ابو شاكوش يرتبك ويقول : خلص انا راح اعطي وما بدي اخذ !! انا كنت بزياره لقريبتي !! متزوجه هون بالحاره !! وهنا ينظر الملازم فادي الى الكومندان فيشير اليه بتهديد ابو بدر!! يقترب الملازم فادي من ابو بدر ويشهر سلاحه ويضعه على راسه !! فيقول له : ابو بدر !! بتحكي وين راحو شباب الحاره ولا شو؟؟ ابو بدر يبدا بالعويل : والله والله ما بعرف !! والله ما بعرف !!! فيشحن الملازم فادي سلاحه موهما ابو بدر بانه سيطلق عليه النار !! ابو بدر " يصرخ " : راح بحكي ! بحكي يا سيدي راح احكي !! ابو خاطر صارخا : لا يا ابو بدر!! اوعك تحكي شي !! اوعك !! الملازم فادي : احكي يا ابو بدر لا ترد على حدا !! وان حكيت راح تطلع فورا وارجعك لبيتك !! ابو بدر " يتردد وهو خائف " : شباب الحاره راحوا !! راحوا ليخلصوا !! فادي" بالحاح " : يخلصوا شو احكي !! ابو بدر : راح يخلصوا على النمس !!!! فادي : ومنو هادا النمس !! ابو بدر : ما بعرف ! سمعتهم بدهم يروحوا يقتلوا واحد اسمه النمس وما بعرف مين هو !! ينظر الكومندان الى فادي بتعابير غير مقتنعه !! المشهد العاشر / تخليص ابو عصام !! وصلت القافله العسكريه التي تقل ابو عصام !! فيشير ابو دياب للرجال الى الدوريه التي تقل ابو عصام !! لحظات ويقترب الموكب !! فيعلن ابو حاتم النفير ويصرخ باشارة البدء !! تبدا المعركه واطلاق النار المتبادل وسط ارتباك الدرك الفرنسي !! يسيطر الرجال على الموقف وقد استشهد كل من ابو احمد وسمعو وبعض من الرجال !! بالمقابل قتل من قتل من الدرك الفرنسي والبقيه القوا سلاحهم معلنين الاستسلام !! اقترب الرجال من الدوريه التي تقل ابو عصام !! وكان اول من وصل اليها كل من معتز وابو دياب !! يرى معتز اباه في الدوريه وقد كان مقيدا وقد كبرت لحيته !! ابو عصام : معتز ؟؟؟؟؟؟؟؟؟؟؟؟؟؟ معتز وسط حالة من المشاعر المختلطه يبدا بالبكاء ويحضن اباه بشده !!ومن ثم يبدا العناق " ابو دياب / عصام / بقية الشباب " ابو حاتم : يلا يا رجال خلونا نتحرك بسرعه قبل ما تجي المسانده !! ينقسم الرجال قسمين !! قسم يذهب الى الغوطه بقيادة ابو دياب وحاملين معهم الشهداء والجرحى !! والبقيه يعودون للحاره بقيادة ابو حاتم ومعتز !! المشهد الحادي عشر / حالة نساء الحاره !! ام عصام ببيتها وحولها بناتها !! ام عصام " قلقه " : يا ربي !! شو صار مع الشباب !! شو صار مع ابوكم !! معتز !! عصام !! دلال : طولي بالك يا امي !! ان شاء الله ما بتلاقيهم الا راجعين وكلهم سالمين !! ام عصام : والله بالي مشغول كتير !! وخايفه كتير !! بوران : يا امي روقي شوي !! والله حالنا متل حالك !! ان شاء الله رح يرجعوا بالسلامه !! ام عصام : ما في حدى حاله متل حالي !! اللي شفته واللي بحس فيه ما في حدى جربه ولا راح يحس فيه !! دلال : يامو !!ان شاء الله الليله الحاره راح تتزين بوجودهم !! ام عصام : ولي يامو !! الحاره ؟؟؟ بوران : شبك يامو ام عصام : يا خوفي الدرك يكونوا بالحاره واذا ابوكي قدر يفلت من الاسر يلاقوهم عم ينتظروهم بالحاره !! دلال : لا يامو !! لا تحكي هيك !! بعون الله ما بصير شي من اللي بتحكيه !! ام عصام : ان شاء الله يا رب !! ان شاء الله !! المشهد الثاني عشر / مكتب الكومندان جاء هاتف لمكتب الكومندان الكومندان : الو !! شووووووووووو !! شو عم تحكي ؟؟؟ ابو عصام ؟؟ ويغلق الهاتف بعد غضب شديد " وبعد تفكير يطلب الملازم فادي" يدخل فادي على الكومندان ويلقي التحيه !! الكومندان : اسماع يا فادي !! بتخلي سبيل رجال حارة الضبع وبتخليهم يروحوا للحاره !! فادي : شو السبب سيدي!! شو صار ؟؟ الكومندان : اعمل متل ما عمقلك !! انا عرفت وين راحوا شباب حارة الضبع !! فادي : وين سيادة الكومندان ؟؟ الكومندان : شباب الحاره !! راحوا ليفكوا اسر ابو عصام !! ويبدو انهم نجحوا بهذا الامر !! فادي : ابو عصام ؟؟ مين ابو عصام؟؟ الكومندان : مو مهم تعرف !! المهم اعمل اللي قلتلك عليه !! فادي : سيدي نبعت قوه تكمن لشباب الحاره جوا الحاره او قريب منها !! الكومندان : لا يا فادي !! ما بدي حدى يتعرض لشباب حارة الضبع اثناء عودتهم !! بدي اياهم يدخلوا للحاره بشكل طبيعي !! فادي : السبب سيدي ؟؟ الكومندان :بدي احاصرهم جوا الحاره واهدم الحاره عليهم كلهم !! فادي : سيدي !! جربنا الحصار من قبل وما نفع معهم !!فالافضل ننتظرهم قبل ما يرجعوا !! الكومندان : لا فادي !! يمكن نخسر خساره كبيره لو عملنا هالشي !! لكن بالنسبه للحصار فنحنا تعلمنا من المره الاولى !! وراح نقوم بتسكير كل ممر وكل قرنه بيدخل هوا منها للحاره !! نفذ فورا !! المشهد الثالث عشر / قلق فريال خانوم !! كانت فريال خانوم ببيتها قلقه ومعها ام زكي !! فريال : ولي على حظي !! انا فريال خانوم بنت الحسب والنسب يصير فيي هيك ؟؟ اتجوز واحد داسوس وخاين؟؟ ام زكي : طولي بالك فريال خانوم !! مو بس انتي اللي انضحك عليك !! كل الحاره انضحك عليها من كبيرها لصغيرها !! فريال : بس مو كل الحاره تجوزته !! انا يا ام زكي انا !!! وين بدي ودي وشي من الناس؟؟ ام زكي : طولي بالك !! خلص هو انكشف وانتي اللي قوستيه بايدك !! وبعدين ما حد بيسترتجي يحكي عليكي أي كلمه !! فريال : صحيح مامون مات !! بس خايفه هالقصه ما تمر على خير !! المشهد الرابع عشر / عودة ابو عصام كان ابو بدر والشيخ عبد العليم وكذلك من بقي من رجال الحاره ينتظرون على مدخل حارة الضبع وكلهم قلقين على مصير شباب الحاره !! وفي لحظه جاء حدو مسرعا !! وقال : الشباب رجعوا يا شيخ عبد العليم !! رجعوا سالمين ومعهم ابو عصام يغمرهم شعور بالفرحه ويدخل رجال الحاره وسط صيحات وزغاريت وفرحه غامره !! وتبدا لحظات الاستقبال الحافل والتسليم على ابو عصام !! ابو عصام يتامل الحاره وقد اغرورقت عيناه بالدموع واقترب من احد جدرانها وقام بتقبيله ومن ثم بكى وسجد على الارض !! ابو حاتم : يا رجال خلو ابو عصام يروح يرتاح ببيته اكيد بكونوا الأهل ناطرينه على نار !! يذهب ابو عصام وابنائه الى البيت والفرح قد عم الجميع !! الشيخ عبد العليم : ابو حاتم !! شو بدي اقلك ! ابو حاتم : تفضل شيخي !! الشيخ عبد العليم : الدرك كان هون بالحاره واعتقل الشباب !! وبعدين فرجوا عنن بدون أي سبب !! ابو حاتم : يا لطيف !! وشو كانوا بدهم ؟؟ الشيخ عبد العليم : سألوا عن مامون وعنكم !! ابو حاتم : وشو عرفهم باللي صار لمامون !! الشيخ عبد العليم : ما بعرف !! بس العيون الفرنساويه كتيره !! ابو حاتم : والله انا مو مرتاح للي صار بنوب !! شية انه ياخدوهم وبدون سبب يفرجوا عنهم هاي مو لـ الله !! حاسس انه الفرنساوي مخبيلنا شي وما راح يمرق هالليله على خير !! وينادي ابو حاتم على ابو ديبو : ابو ديبو !! ابو ديبو : امرك عمي ابو حاتم !! ابو حاتم : اصرف ابو فارس وخليه يتيسر لبيته !! ابو ديبو : خير عمي ابو حاتم !! شبو ابو الفوارس؟؟ ابو حاتم : ما بو شي !!! بس خايف الفرنساوي اليوم يعمل شي عمله !! مشان هيك بلا ما يتورط معنا بأي شي وخليه يتيسر لبيته !! وبس يطلع من الحاره بتسكروا باب الحاره وما تفتحوه لاي مخلوق يخلق !! ابو ديبو : امرك عمي ابو حاتم !! ابو حاتم : عبدو !! ياتي عبدو مسرعا : امرك عمي ابو حاتم !! ابو حاتم : بتخلي الشباب جاهزين وكل واحد معه سلاحه !! ما بدي حد يبات ببيته الليله ! حاس انه الفرنساوي ما راح يمرقها على خير !! وخلي عيونكم مفتحه على عشره الليله عبدو : صار عمي ابو حاتم المشهد الخامس عشر / ابو عصام يدخل بيته !! دخل ابو عصام بيته بعد فراق طويل وكان بجانبه كل من معتز وعصام !! ابو عصام تبرق عيناه فيما انطلقت بناته اليه في لحظة من اطفاء الشوق الملتهب في الضلوع لسنوات طويله !! ام عصام تنظر اليه وتبادله النظرات وبحر من الدموع يفيض من عينيها !! ويتم اللقاء المنتظر !! المشهد السادس عشر / مكتب الكومندان !! جاء احد جنود الدرك للكومندان ! الدركي : سيدي !! الكومندام : شو في احكي !! الدركي : ابو جودت مسؤول الاربع حارات قدم استقالته !! الكومندان : ابو جودت ؟؟!! خساره !! على كل منيح اللي اجت منه !! لانه الحارات صار بدها واحد تاني غير ابو جودت !! صار لازم حارة الضبع تتمنى لو ضل ابو جودت بمركزه !! ويتابع : بتقدر تروح على شغلك الدركي : احترامي سيدي !! المشهد السابع عشر / بيت ابو عصام !! ابو عصام : لك يحرق حريشك يا عصام !! تلاته مره وحده ؟؟ عصام خجلا : لا يا بي !! مو مره وحده !! يعني فيك تقول بالتقسيط !! " يضحك الجميع " فتقول هدى : والله يا عمي عصام مو موفيه معه تلاته !!وباينته عينه على الرابعه !! ابو عصام : لييييييك !! معقول يا بي؟؟ عصام : لا يا بي ! بس انا كنت عم كيدهم !! وفهمن ان وجعولي راسي رح جبلهم الرابعه !! ابو عصام : الله يرضى عليك يا ابني !!دير بالك على حريماتك !! ويتابع : أي ابو العز !! وانت شو عندك هلا ؟ معتز : والله يا بي انا ناطر ابني جود !! وباذن الله كم شهر وبيطل علينا !! ابو عصام : الله يتمم على خير يا بي !! بدي اياه يطلع زكرت وابضاي شيتك !! معتز : لكان يا بي !! زكرت وابضاي وسيد الرجال متل جده !! خيريه : أي عمي !! مو بس هيك !! كمان عقيد متل ابوه ابو عصام : عقيد متل ابوه ؟؟ شلون هاي؟؟ جميله : صحيح نحنا ما قلنالك بانه معتز صار عقيد الحاره ؟؟ ابو عصام يقف فجاه ومن ثم يقول : عقيد الحاره؟؟ شلون هي ؟؟ وابو شهاب؟؟
| |
 |
|
05-10-2014, 02:26 PM
| #3 | |
| رد : مسلسل باب الحارة الجزء السادس أحداث حلقة (2) لمسلسل باب الحارة الجزء 6 ابو عصام : لا حول ولا قوة الا بالله !! رحمة الله عليك يا ابو شهاب !! معقول !! ابو دراع ؟؟؟ عصام : أي والله يا ابي !! ابو دراع !! ابو عصام : بس شلون !! شلون ابو دراع قدر يقتل خالك ؟؟ معتز : اخده غدر يا ابي !! بعدين ابو دراع كان مغوطن ومو دريان على حاله !! ابو عصام : واش كان يا بي !! لك خالك ابو شهاب كان يحس على النمله لو قربت منو !! شلون ما بدو يحس بوجود ابو دراع ؟؟ لا وشو كمان سكران؟؟؟ معتز : شو قصدك يا بي !! ابو عصام : والله هالقصه ما خرطت مشطي بنوب !! أي والله !! المهم !! احكولي شو صار بالحاره كمان وكيف عشتوا كل هالمده بغيابي ؟؟ المشهد الرابع / الدرك يحاصر حارة الضبع توافدت قوات كبيره من الدرك الفرنسي وقاموا بمحاصرة حارة الضبع !! اخذ كل رجال الحاره مواقعهم بامر من ابو حاتم واحكموا اغلاق الحاره !! كان ابو عصام ببيته مع عائلته وفجأه طرق احدهم الباب ام عصام : خير مين عم يخبط على الباب هيك ؟؟ معتز : يا لطيف لشو كل هالتخبيط !! ابصر شو صاير !! ابو عصام : الله يرضى عليك يا بي معتز قوم افتاح الباب وشوف مين !! يذهب معتز ناحية الباب ويفتح الباب !! معتز : عبدو ! خير شو في ؟؟ لشو كل هالتخبيط !! عبدو : لا تواخذني ابو العز ! الدرك محاوط الحاره من كل الجهات !! وابو حاتم بعتني بلغك انت وعصام والوالد !! معتز : العمى !! وشو بدنا نعمل هلا ؟؟ عبدو : ما بعرف بس ابو حاتم بدو اياكم تيجوا لتحضروا الاجتماع ضروري !! معتز : ماشي ماشي عبدو !! تيسر انت هلا !! لاحقينك !! المشهد الخامس / ابو عصام وابناؤه يستعدون ام عصام : ولي على حظنا !! لسه ما لحقت تاخذ نفسك ولا لحقنا نتهنى بشوفتك!! صرت بدك تطلع من البيت؟ " وتقولها بحزن " ابو عصام : وكلي الله سعاد !! هادا قدرنا شو نعمل !! ام عصام : يبعتلهم حمى شو بدهم فينا !! يتركونا بحالنا ؟؟ معتز : روقي يامو !! ان شاء الله ما راح يطلع بايدهم أي شي !! وباذن الله راح نقلعهم !! خيريه : والله انا خايفه كتير !! انت محكوم عليك اعدام !! وعمي هربان من السجن !! يعني شو بدو يصير فيكم؟؟ معتز وبنظرة غضب : خيريه !! شو حكينا ؟؟ خيريه : امرك ابن عمي !! يرتدي ابو عصام ملابسه ويجهز نفسه ويقول : يالله يا بي " مخاطبا معتز وعصام " خلونا نتيسر!! المشهد السادس / الخبر يصل لابو النار ابو النار في بيته وياتيه ابو الحكم وقد قام بطرق بابه بشده يفتح ابو النار الباب ابو النار : العمى ضربك لشو كل هالتخبيط ؟؟ خير شو صاير؟؟ ابو الحكم : مصيبه يا عقيد مصيبه !! ابو النار : لك ليش انت في وراك غير المصايب؟؟ شو صاير؟؟ اوعك تقلي الدرك اجو على حارة الضبع ابو الحكم : مزبوط هي اللي صار !! بس انت من وين عرفت !! ابو النار : توقعت هالشي !! ابو الحكم : وهلا شو بدنا نعمل !! ابو النار : اسماع شو بدي قلك !! بتروح لشباب الحاره ياللي طلعوا معنا لتحرير ابو عصام !! وما بتخلي أي واحد فيهم يبات ببيته " لنشوف شو بدو يصير " ابو الحكم : وانت عقيد !! بدك تترك البيت؟؟ !! ابو النار : لكان !! بس انا بدي روح لعند ابو صياح مختار حارة الماوي !! المشهد السابع / اجتماع حارة الضبع !! اجتمع كبار حارة الضبع في المضافه لمناقشة التطورات الاخيره ابو حاتم : بنعتذر منك اخي ابو عصام !! ما كان لازم نشغلك بهالقصه وانت يا دوبك راجع للحاره بعد سنينن من العذاب؟؟ بس الامر ضروري ابو عصام : ولو !!لك اذا الواحد فينا ما ضحى كرمال بلده وحارته لشو بدو يعيش !! شو لزومه بالحياه؟؟ ابو بشير : الله يعزك يا ابو عصام !! طول عمرك كبير !! ابو حاتم : المهم يا جماعه !!مثل ما بتعرفوا الدرك محاوط الحاره !!وهلا لازم نفكرمع بعض لنشوف شو بدنا نعمل !! ابو بشير : بالنسبه لفوتة الدرك للحاره فهاي مقدورعليها !!الشباب قدها وقدود ما راح يسمحولهم !! بس المشكله بتضل بالاكل والشرب !! شو بدنا نعمل لو طول الحصار ؟؟؟ ابو مرزوق : متل ما عملنا باول مره !! عن طريق قنوات جر المي !! ابو خاطر : ليش ضل فيها قنوات جر مي ؟؟ بكون هلا العسكر سكروها !! ولو ما سكروها بكونوا حاطين حراسه ومحتاطين لهالشي ؟؟ الشيخ عبد العليم : يا جماعه !! لازم تعرفوا انو الفرنساوي منو غبي !! اكيد بكونوا حفظوا الدرس من المره الماضيه !! يعني قبل ما نفكر بالاكل والشرب لازم نفكر شو عم بدور بعقل الفرنساوي !! عصام : اكيد ما في غيرها !! بدهم يركعونا !! بس ما فشروا !! الشيخ عبد العليم : شو بضمنلكم انه الفنرساوي هالمره يكون تفكيره غير شكل !! ويقوم بقصف الحاره بالمدافع !! معتز : لو الفرنساوي بيفكر يقصف الحاره كان عملها بالمره الماضيه ابو حاتم : بس يا عقيد !! لا تنسى انو بالمره الماضيه كان الفرنساوي خايف على الاسرى ياللي كانوا عنا !! وهالمره ما في ولا واحد اسير معنا ابو بشير : والله كلام ابو حاتم مزبوط !! وهالنقطه بالذات راح تخلي موقفنا ضعيف قدامهم ابو جاسم : لا تنسوا يا جماعه !! عنا مخرج وحيد من بيت ابو ممدوح ياللي بيطل على حارة المسكي !! ابو حاتم : شو بيضمنلنا انه الفرنساوي ما عرف هالشي !! انتو نسيانين انهم حاولوا يدخلوا الحاره منه ؟؟ معتز : معناها ما في قدامنا الا الممر اللي فتحناه من بيت الادعشري !! ابو حاتم : اهم شي يا جماعه نعرف شو في برات الحاره ووين بيتمركز الفرنساوي !! ابو بشير : بالنسبه لمدخل الحاره عن طريق السلم !! وما بظن فينا نعرف شي متل اول !! لانه بيت ابو تيسير الله يرحمه كان متنفس النا ولو بعده ابو تيسير عايش كان عرفنا منه كل شي ابو عصام : يا جماعه لازم تحطوا ببالكم شي واحد بس !! انه كل اللي فكرتوا فيه بكون الفرنساوي عمل حسابه من بعد المره الماضيه ابو حاتم : وشو العمل يا ابو عصام ؟؟ ابو عصام : انا برايي الخطه تكون مختلفه عن المره الماضيه !! يعني كل شي عملتوه بالمره الماضيه ما لازم تعملوه هاي المره ابو بشير : شلون يعني؟؟ ابو عصام : يعني بالاول شغلة انو شباب الحاره يوقفوا على الاسطح العاليه والسلم هاي ما لازم تفكروا فيها بنوب !! ابو جاسم : ليش يا صهري؟؟ ابو عصام : انا بعرف الفرنساوي منيح !! بخاف انهم يكونوا كامنين للشباب ويقوصوهم !! وما بدنا نخسر اي واحد !! ابو مرزوق : بس هيك ما بنعرف شو في برات الحاره !! ابو عصام : حتى لو !! المهم ما نخسر حدا !! برايي لازم نفكر بطريقه تانيه تكون اضمن !! وما نعرض شباب الحاره للخطر عصام : لقيتها !! ابو جاسم : احكي عصام شو عندك ؟؟ عصام : بيت مامون فيه تلفون ولو قدرنا نجيب رقم تلفون المختار ابو صياح بحارة الماوي بنقدر نعرف منه كل شي ! ابو حاتم : صحيح والله !! عشت يا عصام !! والله فكره حلوه !! ابو خاطر : ومن وين بدنا نجيب تلفونه لابو صياح ؟؟ ابو جاسم : محلوله !! ابو عناد !! صبحي ابنه للادعشري كان بيشتغل عند ابو صياح !! واكيد بيعرف تلفونه معتز : مزبوط !! بذكر بالمره الماضيه بعتنا صبحي لعند ابو صياح ليتصل على الكراكون !! ابو عصام : خلص !! ما عاد في وقت !! هلا على الحارك بتجيبوا صبحي وبتحكوا مع ابو صياح !! المشهد الثامن / حارة الماوي ! دخل ابو النار عند المختار ابو صياح ابو النار : السلام عليكم ابو صياح : اهلين ابو النار !! تفضل ارتاح !! ابو النار : عرفت باللي صار ؟ ابو صياح : أي عرفت وهلا اهل حارة الضبع حكوا معي ؟؟ ابو النار : حكوا معك؟؟ شلون ؟؟ ابو صياح : عن طريق التلفون اللي ببيت مامون !! ابو النار : والله عفارم عليهم ! وشو الاخبار عندهم ؟؟ ابو صياح : الدرك محاوطهم من كل الجهات !! وهنن عم يطلبوا منا معلومات عن حركتهم وعن تواجدهم برات الحاره !! ابو النار : بسيطه !! اتروك هالموضوع علي !! بس ما عرفت شو اوضاعهم ؟؟ محتاجين شي ؟؟ ابو صياح : اذا قصدك المونه لسه ما حكينا بهالشي !! بالاول لنعرف حركة الفرنساوي وبعدها بنقرر شو بدنا نعمل وكيف ندخللهم المونه !! المشهد التاسع / النمس بدا السرور واضحا على النمس من الخبر الذي انتشر بحصار حارة الضبع وقال في نفسه : أي شو عليه !! القوا يا اهل حارة الضبع !! اجى مين يذلكم !!ان شاء الله ما بتطلعوا منها سالمين !! ويلتفت للجهه المقابله ويتابع: بس والله منهم قلال حارة الضبع ! بجوز يفلتوا منها !!متل المره الماضيه !! " ويضحك بسخريه " بس المره الماضيه اجاهم واحد اسمه مامون بيك وخلصهم من اللي كانوا فيه !! وهلا ما في مامون بيك بح !! وهنن اللي جنوا على حالهم !! بس شو !! واذا كان يعني !! والله حارة الضبع منن هينين !! شو عليه !! اذا كان اهل حارة الضبع قدروا يخلصوا من الفرنساوي فما راح يخلصوا مني !! والايام بيناتنا يا اهل حارة الضبع المشهد العاشر / اجتماع مصغر وقف ابو حاتم وابو عصام ومعهم الشيخ عبد العليم امام المسجد ! ابو عصام : اخي ابو حاتم!! مشان المونه يا ريت تعمموا على الجميع قد ما فيهم يخففوا من استهلاك المونه !! ما بنعرف لوين راح توصل هالقصه !! الشيخ عبد العليم : معك حق يا اخي ابو عصام !! لازم الناس تحاول توفر قد ما تقدر !! لانه بنخاف الشغله تطول !! ابو حاتم : وانتوا قلتوها !! هلا على الحارك بعمم على الجميع !! والله يمرق هالقصه عل خير المشهد الحادي عشر : مضافة ابو صياح جاء ابو النار الى ابو صياح وكانت ملامحه لا تحمل الخير ابو صياح : خير عقيد !! والله باين بوشك انه الاخبار منا حلوه ابو النار : أي والله يا عمي ابو صياح !! الدرك محاوط الحاره من كل الجهات !! نسمة هواء ما بتمر للحاره بدون علمهم ابو صياح : العمى !! وحارة المسكي ؟؟ ابو النار : الفرنساوي آخذ احتياطاته !! والدرك معبي كل قرنه بتطل على حارة الضبع ابو صياح : وشو بدنا نعمل هلا !! بنخاف اذا الشغله طولت تخلص المونه عند الجماعه !!شلون بدنا نتصرف !! ابو النار : والله هي اللي شاغل بالي !! طول الطريق عم فكر بطريقه لنقدر نساعدهم وما قدرت اوصل لشي!! ابو صياح : بسيطه عقيد !! الا ما نلاقي حل !! هلا لازم نتحرك لنشوف الوجاهات والعشائر وكبارية حاراة الشام !! بلكي طلع معنا شي ابو النار : وانت قلتها !! لازم كل حاراة الشام تضوج !! اهل حارة الضبع اهلنا وما لازم نتركهم لوحدهم المشهد الثاني عشر / النظاره في الكاراكون والذي كان يتراسه ابو جودت !! كان يقبع في النظاره كل من ابو دراع وابو شاكر !! ابو شاكر : شو يا ابضاي ؟؟ لايمت بدك تضلك ساكت !! ابو دراع : وشو بدك مني؟؟ ابو شاكر : ولو !! ما في حدى غيرنا بهالنظاره !! يعني فوق الحبس قلة نفس؟؟ ابو دراع : مو جاي على بالي احكي شي !! ابو شاكر : ابو دراع !! انت شو عملت ليلحشوك بالنظاره هون ؟؟ ابو ذراع : قتلت واحد !! ومو فرقانه معي هلا لو قتلت التاني!! ابو شاكر يضحك : هههههه وانا كمان قتلت واحد !! لالالا ليش الكذب !! قتلت تنين ! بس مني مستعد اقتل التالت !! ويتابع : دخلك !! قتلت مين؟؟ ابو دراع : العقيد ابو شهاب !! عقيد حارة الضبع !! ابو شاكر : العمى !! ابو شهاب مره وحده؟؟ ابو دراع : ليش انت بتعرفه؟ ابو شاكر : لا ما بعرفه بس سمعت عنه كدير !! واللي بعرفه انه ما كان هين وما كان واحد بالشام كلها بيقدر يعلم عليه !! بس شلون قتلته؟؟ ابو دراع ينظر بغضب الى ابو شاكر !!ويقول : بتحب فرجيك كيف؟؟ ابو شاكر : لالالا حقك علينا عمي !! سامحنا اذا ازعجناك !! المشهد الثالث عشر /اعتراض قامت ام عصام وبناتها بتجهيز الغداء وحضر ابو عصام واولاده لتناول الغداء ابو عصام : " وباعتراض شديد " !! شو هاد يا سعااااد ؟؟ ام عصام : خير ابن عمي !! الاكل مو عاجبك ؟؟ ابو عصام : لك لشو كل هااااااد !! ام عصام : خير ابن عمي !! ابو عصام : شو انت مابتعرفي الوضع اللي نحنا فيه ؟؟ نسيانه انه الحاره تحت الحصار ؟؟؟ لشو كل هالبعزقه بالاكل ؟؟ ام عصام : والله يا ابن عمي !! قلت صرلك مده طويله ما اكلت متل الناس !! واشتهيتلك هالطبخه !! يعني كتير عليك؟ ابو عصام : أي كتير !! والله عاااال !! عم نقول للناس يوفروا بالاكل ونحنا عم نبعزق !! ام عصام : سامحني ابن عمي !! والله حبيت غديك منيح ابو عصام : مو هلا يا سعاااد مو هلا !! لبين ما الله يفرجها!! من بعدها سوي اللي بدك اياه !! ويتابع : ارفعي نص الاكل هاد وبناكله بكره !! المشهد الرابع عشر / اجتماع كان اهل حارة الضبع بنفير عام وحركه دؤبه !! خرج الجموع من الصلاه ووقف ابو عصام مع ابو حاتم ابو عصام : ابو حاتم !! ابو حاتم : امور اخي ابو عصام !! ابو عصام : لازم نعمل اجتماع للعضوات وعلى الحارك !! ابو حاتم : خير ابو عصام !! شو في؟ ابو عصام : في شي براسي ولازم نتفق عليه !! وضروري!! ابو حاتم : ولا يهمك ابو عصام !! هلا بجمعهم وعل الحارك !! انت فوت اسبقنا على المضافه المشهد الخامس عشر / المضافه اجتمع عضاوات الحاره في المضافه بطلب من ابو عصام !! ابو جاسم : خير صهري !! شو في شي جديد ؟؟ ابو عصام : يا جماعه !! انتوا عرفانين وضع الحاره والحصار اللي نحنا فيه !! وما حد بيعرف لايمت راح تطول هالشغله وعلى شو راح تنتهي ! ومتل ما بتعرفوا الاخبار اللي اجتنا من ابو صياح ما بتطمن بنوب واذا ما درنا بالنا منيح !! والله ما بنصمد الا كم يوم !! ابو بشير : لوين بدك توصل اخي ابو عصام ؟؟ ابو عصام : متل ما بتعرفوا ما فينا ندخل أي حبة قمح او شي خضره من برات الحاره !! الفرنساوي مخنق علينا !! صحيح نحنا طلبنا من الجميع انه يوفر بالاكل بس ما بنعرف كل بيت شو بيعمل وهل الكل بوفر ولا لا؟؟ ابو مرزوق : وشو المطلوب ابو عصام؟؟ ابو عصام : انا برايي لازم نجمع كل حبة قمح وكل شي بيتاكل من كل بيت ؟؟ ابو مرزق: شووووووو !! يعني ما بدنا نخلي ولا لقمة اكل بالبيوت؟؟ ابو عصام : هاد هو عمي !! الشيخ عبد العليم : والناس شو بدها تاكل يا ابو عصام؟؟ ابو حاتم : بس ليش بدنا نعمل هيك شو راح نستفيد !! ابو عصام : يا جماعه !! ما راح نقطع حدا من لقمة الاكل !! بس لازم نحنا نوزع الاكل للناس وكل واحد على قد حاجته !! مشان نضمن انه ما يصير تبذير واسراف بهالموضوع !! الشيخ عبد العليم : والله كلامك مزبوط يا ابو عصام !! الامر هاد ضروري ابو حاتم : انا معك يا ابو عصام !! واللقمه اللي بتكفينا اليوم لازم نقسمها لتكفينا لبكره !! ويثني الحاضرين على هذا القرار !! ابو عصام : معناها لازم نعمل قائمه بكل العيلات ونشوف كل عيله شو بتحتاج مونه كل يوم !! وهالشي طبعا بعد ما نجمع كل المونه اللي بالبيوت !! المشهد السادس عشر / اعتصامات بعد الحركه المكوكيه التي قام بها ابو صياح وابو النار على وجهاء الحارات واكابرية الشام وكبار العشائر قامت اعتصامات واحتجاجات في مختلف مناطق الشام تطالب بفك الحصار عن حارة الضبع !! وتخلل بعض منها على حدوث اشتباكات مع قوات الدرك !! المشهد السابع عشر / مكتب الكومندان رن الهاتف في مكتب الكومندان الكومندان : وي !! " ويقف " احترامي سيدي !! نعم !! نعم !! الحصار لا زال مستمرا !! نحن نسيطر على كل شيء !! سيدي !!هذا شيء متوقع !! ولكنا نسيطر على هذه المظاهرات !! وكل اعمال الشغب !! حاضر سيدي !! حاضر!! حالا !! " وتنتهي المكالمه " ويقوم بالمناداة : ملازم فادي !! يدخل فادي : احترامي سيادة الكومندان !! الكومندان : بتجهز دوريه وحراسه !! انا رايح لمكتب المندوب السامي !! فادي : خير سيادة الكومندان !! الكومندان : ما بعرف !! جناب المندوب السامي طالبني بمكتبه وعلى الفور !! يبدو انه الامر بيتعلق بحارة الضبع المشهد الثامن عشر / بيت ام زكي كانت ام جوزيف في بيت ام زكي !! فقد فرض الحصار على الحاره وما زالت هي هناك !! ام زكي : شايفه يا اختي ام جوزيف !! عاجبك اللي نحنا فيه !! ام جوزيف : يعني شو ناطره من الاحتلال !! حالكم متل حال حارات الشام كلياتها !! ام زكي : أي ما حكينا شي يا ام جوزيف !! بس والله اللي عم يصير فينا ما صار بحدا قبلنا ولا بعدنا !! يعني الواحد ما ضل ببيته لقمة اكل !! ضروري عضوات الحاره ياخذوا كل شي بالبيوت !! ام جوزيف : بتعرفي يا ام زكي ؟؟ والله ابو عصام عمل زينة العقل !! لكان !! ان ما عملوا هيك ما بعود بالحاره مونه !! والظرف عصيب كتير !! واذا ما صبرنا شلون بدنا نقلعهم من هالبلد!! ام زكي : الهي !! الهي يبعتلهم قريضه تاخذهم ان شاء الله !! ياللي تركونا بالجوع والقله !! الله يفرجها علينا ويريحنا منهم يا حق المشهد التاسع عشر / بيت ابو بدر ابو بدر : فوزيه !! شو ما جهز الغدا؟؟ والله مصارين بطني بتضرب علي؟؟ ام بدر : نعم يا بعدي !! شو نسيان انه البيت ما فيه ولا حبة برغل؟؟ ابو بدر : شلووووووووون ! يعني ما مخبيه شي هون ولا هون؟؟؟ ام بدر : " وبعصبيه ": شو بدك اياني اكذب على عضاوات الحاره؟؟ شو انت مو حاسس باللي نحنا فيه ابو بدر : امبلا ! بس والله جعت كثي ؟؟ ام بدر : بدك تتحمل !! ما ضل كتير !! تكه وبيدق الباب وبجيبولنا الاكل !! المشهد العشرون/ عند المندوب السامي كان الكومندان في مكتب المندوب السامي ودار هذا الحديث بينهم حول حارة الضبع الكومندان : في هذه المره لن ينجو سكان حارة الضبع من الحصار فنحن قد احكمنا اغلاق كل المنافذ ولن تدخل اليهم أي حبة من القمح دون علمنا المندوب السامي : لا لا !! الكومندان : سيدي !! هل عندكم شك في الخطه التي مشينا بها ؟ المندوب السامي : بعد التجربه اتضح لنا ان حارة الضبع بالذات لا ينفع معها القوه !! الكومندان : اخشى ان لا اكون قد فهمت مقصدك يا سيدي! المندوب السامي : يجب ان نقضي اولا على من يقف وراء حارة الضبع ومن يلتجئون اليه في ازماتهم !! الكومندان : هللا اوضحت لي اكثر يا سيدي المندوب السامي : رجال الغوطه !! هم من يساندون حارة الضبع وكذلك العكس ! وايضا كل محكوم ومجرم من حارة الضبع يفر اليهم !! و لو اننا قمنا بالقضاء على الغوطه ! فسنكسر شوكة حارة الضبع وبذلك نكون قد ضربنا عصفورين بحجر واحد الكومندان : ولكن يا سيدي كثيرا حاولنا وفشلنا ! فكما تعلم فان الغوطه كلها بساتين واشجار ويصعب علينا الدخول الى هناك دون ان يعلم المخربون بقدومنا المندوب السامي : لا تقلق فلدينا خطه ستستهل علينا القضاء على ثوار الغوطه
| |
|
آخر تعديل بواسطة أبو سامي ، 05-10-2014 الساعة 02:29 PM |
|
05-10-2014, 02:28 PM
| #4 | |
|
| رد : مسلسل باب الحارة الجزء السادس ما شفته مسلسل صوت وصوره بشوفه قراءه ... عالعموم الله يقويك في ناس تحبه وتحب تقراه وكاني سمعت خبر يقولو ان في ممثل مات منهم عشان كذا ما رح يكملو المسلسل .. قواك الله
| |
| |
|
05-10-2014, 02:32 PM
| #5 | |
| رد : مسلسل باب الحارة الجزء السادس احداث الحلقة الثالثة لباب الحارة الجزء السادس (مشاهد) المشهد الاول / في مكتب المندوب السامي المندوب السامي : يجب ان نقضي اولا على من يقف وراء حارة الضبع ومن يلتجئون اليه في ازماتهم !! الكومندان : هللا اوضحت لي اكثر يا سيدي المندوب السامي : رجال الغوطه !! هم من يساندون حارة الضبع وكذلك العكس ! وايضا كل محكوم ومجرم من حارة الضبع يفر اليهم !! لو اننا قمنا بالقضاء على الغوطه ! فسنكسر شوكة حارة الضبع وبذلك نكون قد ضربنا عصفورين بحجر واحد الكومندان : ولكن يا سيدي كثيرا حاولنا وفشلنا ! فكما تعلم فان الغوطه كلها بساتين واشجار ويصعب علينا الدخول الى هناك دون ان يعلم المخربون بقدومنا المندوب السامي : لا تقلق فلدينا خطه ستستهل علينا القضاء على ثوار الغوطه ويتابع : اما بخصوص حارة الضبع فيكفي ان نشغلها بمشاكل داخليه بحيث لا يفكر اهلها باي شي اخر سوى تلك المشاكل !! الكومندان : وما هي خطتكم يا سيدي ؟؟ المندوب السامي : قبل ان اخبركم بتفاصيل خطتنا يجب ان نحل مسألة عالقه !! الكومندان : وما هي سيدي ؟؟ المندوب السامي : هناك عدة شخصيات اثارت البلبله والمشاكل في حارات الشام وبالاخص في حارة الضبع !! يجب ان تعود هذه الشخصيات الى الحارات باي شكل كان !! فوجودها سيسهل من مهمتنا !! المشهد الثاني / مكتب الكومندان جاء الكومندان بعد ان كان في مكتب المندوب السامي الملازم فادي : شو كان بدو جناب المندوب السامي سيادة الكومندام !! الكومندان : ملازم فادي !! فادي : امرك سيادة الكومندان !! الكومندان : المندوب السامي امر إنا نتفاوض مع حارة الضبع ؟؟ فادي : من شان شو؟؟ الكومندان : منشان نفك الحصار عن اهالي الحاره !! فادي : نفك الحصار؟ مقابل شو؟؟ الكومندان : خلينا بالاول نحكي مع حارة الضبع !! ومن بعدها بتعرف فادي : بس بتظن اهل حارة الضبع بيرضوا يحكوا معنا؟؟ الكومندان : لازم يرضوا !! والا بكونوا هم الخسرانين !! على كل اذا كان معنا مختار حارة الماوي بكون الموضوع اسهل !! المشهد الثالث / النظاره ابو دراع : دخلك !! قتلت مين ولشو ؟؟ ابو شاكر !! اي ها !! والله كنت عرفان انك ما راح تضل ساكت !! يا اخي الحبس مر !! ولازم الواحد يفضفض شوي عن حاله ابو دراع لا يعجبه الكلام : أي حقك علينا !! انا غلطت اني حكيت معك !! ابو شاكر : لا ولوو !! لا تزعل عم امزح معك !! انا قتلت واحد اسمه ابو طاحون والعريف نوري !! بس مشان شو !!فهادا الشي ما بيخصك !! ابو دراع : شغلتك كبيره !! وعلى هالخبريه راح يحولوك للمحاكمه ومو بعيده يعدموك !! ابو شاكر " يتكلم بثقه عاليه " : لا ما حزرت !! انا مو مطول هون !! كلها كم يوم !! بس يعينوا مسؤول جديد للكاركون وبعدها بطالعوني !! ابو دراع : يطالعوك !! ما تحلم كتير !! أي انا قضيتي اسهل من قضيتك ويمكن شي تلث شهور وبطالعوني !! وانت قاتل تنين وبيناهتم دركي وبدك تطلع ؟ !! بعدين شو يعنيو مسؤول جديد للكاركون !! ليش ابو جودت وينه؟؟ ابو شاكر : يضحك ساخرا !! ابو جودت ؟ ليش انت ما بتعرف انه قدم استقالته؟؟ وعن قريب راح يعينوا واحد جديد؟؟ ابو دراع : معقول ؟ !! من ايمت هالحكي؟؟ ابو شاكر : صباح الخيرات عمي !! شو باينتك ما بتعرف شو عم يصير حواليك !! المشهد الرابع / الغوطه وقف رجال الغوطه بحيرة من امرهم بعدما وصل اليهم خبر حصار حارة الضبع !! ابو دياب بدوه اصبح قائدا لثوار الغوطه وقال : يا رجال !! مو حلوه بحقنا نترك اهلنا بحارة الضبع تحت الحصار !! ونضل مكتفين ايدينا ونحنا عمنتفرج عليهم وهنن بهل المحنه هي ! احد الرجال : وشو طالع بايدنا نعمل !! ابو دياب : لا عمي !! نحنا بيطلع بايدنا كتير كتير !! لازم نعمل غارات يوميه على الدرك حولين الحاره وبكل مكان !! لازم نفرجيهم اننا مو ساكتين ومو رضيانين عن الوضع اللي عم يصير !! المشهد الخامس / مضافة ابو صياح !! كان ابو صياح في مضافته يعطي بعض التعليمات لاحد رجاله بما يخص بعض المعونات الخيريه لبعض العائلات في حارة الماوي !! وفجاه دخل عليه الكومندان برفقة الملازم فادي !! ابو صياح " مذهولا " : حضرة الكومندان ؟؟؟ الكومندان : شو مختار ابو صياح !!ما في اهلا وسهلا؟؟ ابو صياح : خير شو في !! شو سبب هالزياره !! الكومندان : كمان ما في تفضل ؟؟ مو مهم !! كل خير !! ويتابع : ابو صياح !! بدي فوت على حارة الضبع ! ابو صياح : شو امرت ؟؟ تفوت على حارة الضبع؟؟ وانا شو دخلني !! هي الحاره قدام منك روح فوت عليها !! الكومندان : ابو صياح !! انا بدي فوت على الحاره لاحكي مع رجال حارة الضبع وبس !! ومن بعدها بطلع !! ابو صياح : وانا شو المطلوب مني؟؟ الكومندان : بدي تشرف معنا لتقنع اهل حارة الضبع لنحكي معهم !! ابو صياح : بس ما بظن اهل حارة الضبع يخلوكم تفوتوا للحاره!! الكومندان : مشان هيك نحنا جينا لعندك !! بعدين بدي اياك تطمن اهل حارة الضبع بانه ما راح يدخل الحاره الا انا شخصيا !! ومعي الملازم فادي !! المشهد السادس / حارة الضبع كانت حارة الضبع بنفيرها المعتاد في كل ازقتها وبالتحديد على بوابتها !! وفي المضافه اجتمع العضوات !! ابو عصام : يا بي عصام !! هلا على الحارك بتوزعوا المونه على كل البيوت !! وكل واحد حسب الحصه المخصصه اله !! عصام : امرك يا بي !! الشيخ عبد العليم : يا جماعه المونه اللي باقيه عنا ما بتكفي الا ثلاث ايام بالكثير!! شو راح نعمل بعدها !! ابو عصام يصمت !! ويتنهد ومن ثم يقول : الا ما نلاقي حل !! بيهونها ربك !! وفي هذه اللحظه يدخل عبدو المضافه وفي جعبته امر هام !! ابو عصام : خير عبدو !! في شي !! عبدو : باب الحاره !! ويقف الجميع هنا !! فيقول ابو حاتم : شبو باب الحاره !! عبدو : الكومندان على الباب ومعه ابو صياح مختا حارة الماوي !! ابو بشير : ابو صياح والكومندان ؟؟ خير!! شو بده الكومندان وجايب معه ابو صياح !! ابو عصام : اللهم اجعله خير !! شرفوا يا جماعه لنشوف شو القصه ويتجه الجميع نحو باب الحاره يقترب ابو عصام من الباب ويقول : مين وراء الباب ؟؟ ابو صياح : انا ابو صياح ومعي الكومندان !! ابو عصام : خير ابو صياح !! شبو الكومندان !! ليش جاي وجايبك معه؟؟ ابو صياح : الكومندان بدو يتفاوض معكم ولاجل هالشي جابني لهون ؟؟ ينظر الجميع لبعضهم باستغراب !! ويوميء ابو حاتم لابو عصام !! ابو عصام : أي مو مشكله عمي !! بس الكومندان بفوت لوحده معك اخي ابو صياح !! ابو صياح : ما حد راح يفوت الحاره غيري وغير الكومندان والملازم فادي !! يلتفت ابو عصام الى الشيخ عبد العليم !! فيشير اليه براسه بعدم وجود مشكله في ذلك !! ابو عصام : فتحي عبدو ! افتحوا الباب !! ويوجه كلامه للجميع !! خليكم مستعدين يا رجال !! يفتح فتحي وعبدو الباب !! يدخل ابو صياح اولا ومن ثم الكومندان ومعه الملازم فادي !! يدخل الجميع وتكون الاسلحه مصوبه نحوهم !! ابو عصام : من بعد امرك عمي ابو صياح ما حد بيدخل الحاره بسلاحه !! يظهر على الملازم فادي عدم الرضا فيشير اليه الكومندان بانه لا مانع !! وبعد ان يسلم الكومندان والملازم فادي سلاحهم !! يقول الكومندان : مسرور بشوفتك يا ابو عصام !! " ويقول ساخرا " الحمد لله على السلامه " ابو عصام : بدون حكي زايد !! احكي اللي عندك !! الكومندان : احنا جينا نتفاوض معكم لنحل هالمشكله !! ابو حاتم : اللي بدو يتفاوض ما بيجي بسلاحه وبيحاصرالحاره !! الكومندان : بظن انه ما بصيرنحكي هون بنص الحاره !! ابو حاتم : اذا كان عندكم شي تحكوه فقدام الجميع !! الكومندان ينظر لابو صياح !! يقترب الشيخ عبد العليم من ابو عصام ويقول : اخي ابو عصام !! بفضل ناخذ الجماعه على المضافه !! انت عارف الشباب دمها فاير !! ما بدنا يصير شي !! الافضل نروح للمضافه !! ابو عصام : وانت قلتها شيخي !! ويتابع ابو عصام كلامه مخاطبا ابو صياح ومن معه : معناها خلونا نروح للمضافه لنشوف شو في عندكم !! المشهد السابع / رجال الغوطه وبعض العمليات !! قام رجال الغوطه بقيادة ابو ذياب بالهجوم على بعض مراكز الدرك !! وكذلك الهجوم على القوات المحاصره لحارة الضبع !! وذلك باللحظه التي كان فيها الكومندان مجتمعا مع حارة الضبع !! المشهد الثامن / المفاوضات كان كبار حارة الضبع والكومندان ومرافقيه في المضافه ابو حاتم : مثل مانك شايف يا سيادة الكومندان !!اذا احنا سكتنا فرجال الشام وابضايتها ما راح يسكتوا !! وحتى لو حاولتوا تذلونا " وما راح تقدروا " ففي مين اللي يذلكم ويحطكم عند حدكم !! الكومندان : لازم تعرفوا شي يا حارة الضبع!! انو الحكومه الفرنسيه بوقت سابق قامت بالعفو عنكم والغاء حكم الاعدام بحق كثير من رجالكم !! بشرط انكم ما تدخلوا بالمشاكل !! ابو بشير : بس حكم الاعدام كان كله على بعضه ظلم بظلم !! ابو خاطر : دخلك !! شو بدك ايانا نعمل مقابيل بطشكم وقتلكم لاخوانا واهلنا ؟؟ ابو جاسم : احنا بطبعنا مسالمين وما بنحب المشاكل !! بس ياللي بيتعدى علينا ما راح يسلم منا !! الكومندان : كل شي كان ماشي عال العال !! بس انتوا غلطوا لما قتلتوا الملازم نمر وكمان هجمتوا على دوريه للدرك وخلصتوا ابو عصام !! ابو حاتم يقف معترضا : شوف الوقاحه لوين وصلت !! واحد داسوس ودخل لينخرببيوتنا واهلنا !! شو بدك ايانا نعمل فيه؟؟ نقله تفضل اعمال شو ما بدالك؟؟ وهنا تتعالى الاصوات والضجيج داخل المضافه !! يقف الكومندان ويقول : انا جاي لهون بطلب من المندوب السامي ! واللي صار بالفتره الاخيره ما بيرضينا ولا بدنا الوضع يتازم !! مشان هيك جيت لاتفاوض معكم ابو جاسم : المسأله مو بحاجه لمفاوضات ولا شي !! كل ما في الامر اسحبوا جنودكم وكفوا بلاكم عنا !! ويا دار ما دخلك شر!! الكومندان : هيك ما بيمشي الحال !! لازم اعرف مع مين احكي !! مين كبيرالحاره !! يقف ابو حاتم ويقول بكل ثقه : ابو عصام !! ابو عصام هو كبيرنا !! واللي بيامر فيه بيمشي علينا كلنا !! يشعر ابو عصام بالخجل ويبدو عليه التواضع بينما يصاب كل من معتز وعصام بحالة من السعاده والفخر لما سمعاه من كلام ابو حاتم المشهد التاسع / النظاره من جديد ابو ذراع : دخلك ابو شاكر !! برأيك مين راح يعينوا بدل ابو جودت !! ابو شاكر : وانا شو بيعرفني !! بس اللي انا متاكد منه انه ما راح يكون واحد مثل ابو جودت !! ابو ذراع : شلون يعني ؟؟ ابو شاكر : يعني بالفتره الاخيره ابو جودت ما قدر يسيطر على الحارات الاربعه !! وصار الوقت ليجي واحد يحط حد لكل هالكركبه !! ابو ذراع : الله يستر !! ابو شاكر : ودخلك من شو خايف انت !! شو فرقانه معك ابو جودت ولا غيره !! ابو ذراع : يعني ابو جودت فينا نتفاهم معه !! بس ما بنعرف رئيس الكاركون الجديد شو بكون !! بعدين انا وراقي خلصت ضايل بس يرحلوني على المحكمه !! وشهرين بالكثير بخرج !! بس بخاف هالرئيس الجديد يخرب كل شي !! ابو شاكر : أي لا تخاف !! شغلتك ناكته !! دام اهل القتيل اسقطوا حقهم فقضيتك خالصه ابو ذراع : دخلك !! مين هلا ماسك الكاركون؟؟ ابو شاكر : بظن انه رستم !! هو ماسك الكاركون مؤقتا !! لبين ما يعينوا رئيس جديد !! المشهد العاشر / شروط المفاضات استمر الاجتماع بالمضافه بين كبار حارة الضبع والكومندان ومن معه !! الكومندان : ابو عصام !! لازم تعرف انه المندوب السامي قرر انه يفك الحصار عن الحاره !! يظهر السرور على الجميع ولكن ابو عصام يقول بحديه : ومقابل شو هالشي !! الكومندان : حلو كثير !! يعجبني انك عارف يا ابو عصام انه كل شي اله ثمن وما في شي ببلاش !! ابو عصام : وشو الثمن ياللي قرره المندوب السامي مقابل فك الحصار عن الحاره !! الكومندام : هن ثلاث شروط !! الاول : انه باب الحاره ما يتسكر ويضل مفتوح !! ابو عصام : والثاني ؟؟ الكومندام : الثاني انه اهل حارة الضبع ما يتدخلوا بالمشاكل ولا يتعاونوا مع المخربين بالغوطه او باي مكان ثاني !! ابو عصام : بس !! قبل ما تكفي !! اول اثنين بنحكي فيهم بس مو قبل ما نعرف شو مصير شباب ورجال الحاره !! الكومندان : اذا قصدك حكم الاعدام فبحب اطمنك انه راح يتم العفو عن كل شباب الحاره اذا تم تنفيذ الشروط !! ابو عصام : والشرط الثالث ؟؟ الكومندان : انه يتم فتح كاركون داخل الحاره !! ويكون تابع اداريا لرئيس كركون الحارات الاربعه !! وقف الجميع في حالة اعتراض وتوالت الاصوات شوووووووووو !! كاركون بالحاره لاااااااااااا !! مستحيل نقبل !! هي اللي كان ناقص !! الموت ولا انا نقبل بهالشي !! ابو عصام : بسس !! سمعونا يا اخوان ؟؟ يصمت الجميع !! ويتابع ابو عصام : دخلك !!لشو هالشرط الاخير !!؟ الكومندان : الحاره الها سوابق كثير !! وعلشان نضمن انه الحاره تمشي مثل ما بدنا لازم يكون فيها كاركون !! ابو حاتم : ما حزرتوا بهاي ابو عصام : اهدا اخي ابو حاتم !! ويتابع : يعني انتوا عم تفرضوا شروطكم علينا واحنا ما النا أي شروط؟؟ الكومندام : لا تنسى يا ابو عصام انه الحاره تحت الحصار وكثير منكم محكومين اعدام !! يعني لازم ما تضيعوا هالفرصه من بين ايديكم !! ابو عصام : خلينا نتشاور وبكره بنردلكم خبر !! الكومندان : ماشي!! بس ما تتاخروا !! ونصيحه !!نصيحه تقبلوا بالشروط هاي لانه احنا حاليا بس اكتفينا بالحصار !! واذا نوينا ندخل الحاره بندخلها بالطريقه اللي بنشوفها مناسبه !!وسلامة فهمكم !! ويمضي الكومندان خارجا من الحاره ومعه ابو صياح والملازم فادي !! المشهد الحادي عشر /دكان ابو النار كان ابو النار قلقا في دكانه ويفكر بحارة الضبع ومصيرها !! ابو الحكم : عقيد !!اعملك كاسة شاي ابو النار : مو جاي على بالي ابو الحكم : خير عقيد !! مالك على بعضك!! ابو النار غاضبا : لك مين اللي على بعضو هااا !! لك اخوانا بحارة الضبع محاصرين واحنا واقفين بنتفرج عليهم !! ابو الحكم : يعني شو طالع بايدنا يا عقيد !! المره هاي الفرنساوي مشدد كثير مو مثل المره الماضيه ابو النار : حتى لو يا ابو الحكم !! لازم نعمل شي !! والله بالي مشغول كثيرعلى اهل حارة الضبع !! المشهد الثاني عشر / اختلافات بالراي !! استمرت النقاشات في المضافه بما يخص الشروط الثلاث التي طرحها الكومندان على اهل حارة الضبع لفك الحصار وبدا الكثيرمعارضين لهذه الشروط ابو جاسم : انه الباب يضل مفتوح وما نتدخل بالمشاكل على حسب قول الكومندام هاي مقدور عليها وبنقدر نتلافاها !! لكن انه يفتحوا كاركون بالحاره هاي ما راح نقبل فيها !! ابو حاتم : كلام ابو جاسم مزبوط !! هاي اهانه بحقنا !! عصام : ما بنخليهم يفتحوا كاركون لو على قطع روسنا !! ابو بشير : شبك ابو عصالم ساكت !!احكيلك كلمه !! ابو عصام : بهالطريقه هاي ما راح نوصل لحل !! الشيخ عبد العليم : يا جماعه احنا قررنا انه ابو عصام يحكي باسمنا !! وهو هلا زعيم الحاره وكبيرها !! واللي بيقوله ابو عصام هواللي لازم يصير!! تتعالى الاصوات بالتاكيد على زعامة ابو عصام وثقتهم فيه ابو عصام : استغفر الله يا جماعه !! انا اصغر واحد فيكم ! وما الي راي بعد رايكم !! ابو بشير : اخي ابو عصام !! انت كبيرنا واللي بتقوله بيمشي على الجميع !! يصمت ابو عصام قليلا ومن ثم يقول : يا جماعه !! اللي راح احكي بعرف انه ما راح يعجب كثير منكم !! لكن انا برايي انا نوافق على شروط الكومندان !! يعرب الجميع عن عدم رضاهم واقتناعهم !! الشيخ عبد العليم : وحدوا الله يا جماعه !! خلوا ابو عصام يكمل حكيه ابو عصام : يا جماعه !!الحاره تحت الحصار وما فينا ندخل ولا حبة قمح الها !! وان رفضنا الشروط فمصير الحاره هو الموت من الجوع !! هذا اذا الفرنساوي ما قصف الحاره بالمدفعيه !! ابو حاتم : الموت ولا الذليه يا رجال !! ابو عصام : الشغله ما بتنقاس بالعواطف !! لازم نحكم عقلنا !!اللي بالحاره مو بس رجال !! الحاره فيها شيوخ وحريم واطفال !! شو ذنب هدول الناس يموتوا من الجوع !! بعدين خلونا نحسبها منيح !! شو بدو ياثرعلينا كاركون بالحاره؟؟ لو نيجي للواقع فالفرنساوي محتل كل سوريا وكل بيت !!يعني وقفت على انه يفتحوا كاركون بالحاره؟؟؟ بعدين الكاركون فيه ابو جودت !! وابو جودت بنعرفه منيح وما بيسترجي يلوي ديله معنا !! يصمت الجميع بعد هذا الكلام ويقول الشيخ عبد العليم : انا من راي ابو عصام !! ما في قدامنا غيرهالحل !! ابو بشير : وانا مع ابو عصام والشيخ عبد العليم !! ولا تنسوا انا حطينا امرنا بايد ابو عصام !! وافقنا على كل شي بيحكيه !! ابو خاطر : طب يا جماعه ما فكرتوا بشي ابو مرزوق : شو هو اخي ابو خاطر!! ابو خاطر : وين بدو يكون الكاركون؟؟ وين راح يفتحوه بالحاره!! ابو عصام : مو وقتها هلا !! بنحكي فيها بعدين !! الاهم هلا انه نفك الحصار عن الحاره !! الناس ضاجت كثير وما راح يتحملوا اكثر من هيك !! المشهد الثالث عشر/ بيت ابو عصام معتز : ليش يا بي !! ليش يا بي وافقت على شروط الفرنساوي؟؟ ابو عصام : بترضى يا بي امك وزوجتك واخواتك يموتوا قدام منك من الجوع !! او !! او من القواص؟؟ معتز : لا يا بي ما بيرضيني!! بس احنا راح نحميهم يا بي؟؟ ابو عصام : بشو يا بي؟؟ بكم باروده وكم فشكه؟؟ انا بعرف الفرنساوي منيح !! مستعدين يهدوا الحاره فوق روسنا وما يهتموا لهالشي !! معتز : بس يا بي!! ابو عصام : عندك حل ثاني !! ما في حل غير هيك !! احمدوا الله انها الشروط وقفت عل كاركون بالحاره ! وما طلبوا راس حدا فيكم !! المشهد الرابع عشر/ مره اخرى الكومندان عاد الكومندان الى الحاره لمعرفة جواب اهل الحاره على شروط الفرنسيين !! ابو عصام : يا حضرة الكومندان !! احنا موافقين على شروطك !! الكومندان : برافو !! هاد الشي اسلم الكم ابو عصام : بس احنا النا شرط الكومندان : شرط ؟؟؟ من ايمتى السجين بيفرض شروطه على السجان !! ابو عصام : هاد الشرط لا بد منه الكومندان : شو هو !! عم اسمع ابو عصام : ارض الوقف !! الكومندان : شو مالها ارض الوقف؟ ابو عصام : ارض الوقف من حق الحاره واهلها ولازم ترجعلهم!! الكومندام : لا تخاف !! احنا ما النا مصلحه بارض الوقف !! بس بالاول لازم حارة الضبع تثبت حسن نواياها !! وبعدين لما يتم هالامر بنرجع ارض الوقف ابو عصام : ماشي !! ايمتى راح تفكوا عنا ؟؟ الكومندان : بكره الصبح !! بس نعمل اتصالاتنا ونرتب الشي المشهد الخامس عشر /ابو شاكوش كان ابو شاكوش في منزله !! وطرق احدهم الباب !! ذهب ابو شاكوش ناحية الباب !! وقال : مين بيخبط !! وفتح الباب !! النمس ؟؟؟؟ النمس : شو ! ما في تفضل !! اهلين وسهلين؟ ابو شاكوش : لك الله ما كان جاب الغلا !! والك عين تبين يا واطي !! النمس يظهرسكينا ويهدد فيها ابو شاكوش ! ابو شاكوش : له يا نمس !! خود واعطي خود واعطي !! النمس : لك انت خليت فيها اخد وعطى !! عم تخوني يا ابو شاكوش !! ابو شاكوش : لا يا نمس !! انا ما بخون !! بعمري ما كنت خوان !! بس انت خنت بلدك واهلك !! النمس : اعوذ بالله !! ليش انا كنت بعرف انه مامون بيك هو ضابط فرنساوي !! ابو شاكوش : لكان !! النمس : انا كنت اجدب مثلك !! فكرته واحد نصاب !! قلت باخذلي كم قرش من وراه !! ابو شاكوش : طب نزل هالسكين من ايدك وخلينا نتفاهم !! النمس : يكون بعلمك انا مو جاي لاذيك ّّ انا جاي انصحك ابو شاكوش : تنصحني بشو؟؟ النمس : يعني مثل ما بتعرف !! الملازم نمر كان ضابط فرنساوي !! وانت تسببت بقتله لما خبرت عنه اهل الحاره !! ابو شاكوش : أي !! وشو يعني !! النمس : فكرك الفرنساوي راح يتركك بحالك ؟ ابو شاكوش يرتعب !! شو شو شو !! شو قصدك بهالكلام :؟؟ النمس : يعني الفرنساوي بس يخلص من حارة الضبع راح يتفضالك !! انت وابو ياسر!! ابو شاكوش : وليي !! وشولازم اعمل ؟؟ النمس : نصيحتي انك تهرب من هالبلد انت وابو ياسر!! يعني اسلملك !! ابو شاكوش : وانت !! فكرك اهل حارة الضبع راح يتركوك ؟؟ النمس : هذا اذا حارة الضبع ضلت على حالها وتركها الفرنساوي !! بعدين انا ما علي شي !! انا كنت مخدوع مثلك !! وبكره بحكي لاهل الحاره الحقيقه وبيتركوني !! اما الفرنساوي فاكيد بيعرف اني برات الموضوع كلياتو !! ابو شاكوش : والله معك حق !! انا من بكرههالصبح لازم اطلع برات البلد !! النمس في سره : أي لكان !! اطلاع من هالحاره ومن هالبلد !! ما بدي حد يزعجني بشغلي الجاي !! المشهد السادس عشر / انسحاب القوات الفرنسيه في الصباح الباكر انسحبت القوات الفرنسيه من محيط حارة الضبع !!عمت الفرحه ابناء الحاره !! وبدأ الجميع بتبادل التنهاني ابو مرزوق : صباح الخيرات اخي ابوحاتم !! ابو حاتم : يا صباح الورد !! ابو مرزوق : الحمد لله خلصنا من شرهم !! ابو حاتم : الحمد لله !! بس الله يستر من الجاي!! دخلك !! على وين !! بشوف بدك تخرج من الحاره ابو مرزوق : أي والله !! بدي جيب شوية خضره للدكان !! ما عاد فيها شي!! ابو حاتم : أي شو عليه !! هلا فيك تعبي دكانك وما تهتم لشي !!الدكان رجعتلك وصارت ملكك !! ابو مرزوق : أي الحمد لله ابو حاتم : اوعك بيوم تفكر تبيعها !! ابو مروزق : لا ولو !!الواحد بيتعلم من غلطه وما راح فكر بيعها لو شو ما صار !! ابو حاتم : أي مهونه سيدي !! الله معك !! وهنا ينادي ابو حاتم على ابو ديبو !! يا ابو ديبو !! ابو ديبو : امرك عمي ابو حاتم ابو حاتم : برضاي عليك شوف شو ناقص القهوه من شاي وسكر وبن !! ورح جيب !! ابو ديبو : صار عمي ابو حاتم !! ابو حاتم : من بعد امرك برجعتك دقدسلي على النمس وشوفلي وين اراضيه ابو ديبو : امرك عمي ابو حاتم !! المشهد السابع عشر / الحاره تعود لطبيعتها اكتظت الحاره بساكينيها واخذ الجميع يمون بيته ومحلاته من احتياجاتها !! مر ابو بشير من وسط الحاره عائدا من مخبزه بعد ان اوصى ابو طه بشراء الطحين وما يلزم للفرن !! وصل لقهوة ابو حاتم ابو بشير : صباح الخير اخي ابو حاتم ابو حاتم : لك اهلين اخي ابو بشير !! شلون شايف الوضع ابو بشير : الف الحمد لله !!ان شاء الله تضل الحاله رايقه وما نعود نشوف الدرك !! وهنا يلتفت ابو حاتم لدكان ابو عصام ويوميء لابو بشير بالنظر لدكان ابو عصام !! ابو بشير : منوره اخي ابو عصام !! والله الحاره كلها منوره برجعتك ابو عصام : صباح الخيريا رجال !! ابو حاتم : شووو !! ما بدك ترتاح شوي؟؟ لشو نازل على الدكان من بكرة الصبح ؟؟ ابو عصام : والله اشتقت للحاره واشتقت للدكان كثير !! ابو بشير : شوو !! وين ابو شوكت !! اله بالعاده هو يفتح الدكان !! ابو عصام : ما بساير اخي ابو بشير !! خليه يرتاح شوي مع نسوانه !! بعدين انا حبيت افتح الدكان بايدي ! اشتقت للمحل كثير !! ابو بشير : بالتوفيق اخي ابو عصام !! والله لا يحرمنا هالصباح بجيرة الله !! يفتح ابو عصام دكانه ويبدا بالنظر لاركانه وكل مقتنياته !! ويبدا بتحسس كرسي الحلاقه والدمعه في عينيه ويقول : اييييييييه والله زمااان !! زمان يا هالكرسي ويجلس عليه ويرخي نفسه عليه !! يدخل احدهم !! صباح الخير عمي ابو عصام !! ابو عصام : اهلييييين اخي صافي !! نورت والله صافي " شخصيه جديده من اهل الحاره قام بدوره الفنان " عبد المنعم عمايره " : الحاره كلها منوره برجعتك عمي ابو عصام !! ابو عصام : شوو !! وين ايامك اليوم؟؟ بعدك بالمطحنه؟؟ صافي : لكان عمي ابو عصام وين بدنا نروح !! بدنا نضل لزقانين بهالشغله لبين ما الله يسر احسن منها !! ابو عصام : دخلك !! ابو بدر بعده بيشتغل معك ؟؟ صافي : لكان عمي ابو عصام : ابو بدر ركن من اركان المطحنه !! ابو عصام : أي امرني عمي !! صافي : ما يامر عليك ظالم !! بس قلت بقش دقني قبل ما اتيسرعلى شغلي !! شو باينته ابو شوكت منه هون !! ابو عصام : أي وشو يعني !! انا بقشلك اياها !! ولا مفكر اني نسيت الكار !! صافي : ولو عمي ابو عصام !! بيحصلي الشرف !! اني كون اول واحد بيقش دقنه عندك بعد طول غياب !! ابو عصام : أي شرف عمي !! المشهد الثامن عشر / حارة ابو النار !! جلس ابو النار في دكانه واخذ يحتسي كاسا من الشاي !! ابو النار : ابو الحكم !! دير بالك على المحل ! ابو الحكم : خير عقيد لوين بدك تتيسر !! ابو النار : بدي شق على حارة الضبع واهني اهلها بالسلامه!! ابو الحكم : مهونه عقيد !! وفي هذه اللحظه ياتي ابو ديبو !! ابو ديبو : صباح الخير عمي ابو النار !! ابو النار : اهليييييييين !! يا صباح الخيرات !! والله نورت !! ابو ديبو : منوره بوجودك عقيد !! ابو النار : الف الحمد لله على السلامه!! والله دوبني بدي اجي للحاره عندكم لاطمن عليكم ابو ديبو : اصيل يا عقيد والله اصيل !! ابو النار : أي شرف شرف اخي ابو ديبو اشربلك كاسة شاي !! ابو ديبو : معلش اخي ابو النار !! بس جيتك لاسالك هالسؤال !! ابو النار : تفضل ابو ديبو قول !! يقترب ابو ديبو من ابو النار : دخلك !! ما شفت النمس شي؟؟ ابو النار : لا والله !! من مده طويله ما شفته !! خير شو في؟؟ ابو ديبو : انت بتعرف شو كانت علاقته بالخاين مامون !! ومن لما عرفنا الحقيقه صار راسه مطلوب !! بس تقول فص ملح وداب !! ابو النار : والله انا مثلك عبدور عليه بس ما بحسن الاقيه !! ابو ديبو : ماشي عمي !! سامحنا اذا عطلناك عن شغلك ابو النار : لا ولو !! على شو !! بعدين انا بدي روح لحارتكم !! خدني معك ! المشهد التاسع عشر /بيت ابو عصام !! ام عصام : يما دلال !!ما خلصتي نشر الغسيل ؟؟ دلال : تكه يامو وبخلص !! ام عصام : أي يلا يامو بسرعه بدنا نلحق نجهز الغداء قبل ما يرجع ابوكم !! وهنا يطرق الباب !! ام عصام : هدى !! شوفي مين على الباب !! تذهب هدى وتفتح الباب فتجد ام زكي !! ام زكي : والله ما صدقت وهو الحال يهدى مشان اجي واهنيكم برجعة ابو عصام بالسلامه !! ام عصام : مين يا هدى !! هدى : هاي خالتي ام زكي !! ام عصام : أي اهلين ام زكي شرفي !! ام زكي : شلونكم يا جماعه !! والله اشتقنا لقعدات زمان !! ام عصام : تشتقلك العافيه !! ام زكي : شو بشوف البنات اليوم كلهم عندك !! ام عصام : أي والله يا ام زكي !! البنات اليوم حابين يكسروا السفره مع ابوهم !! ام زكي : أي ها !! هي الحكي المزبوط !! خلي البنات يفرحوا بابوهم !! والله جايه لاهنيك بسلامته !! ام عصام : الله يسلمك والله صاحبة واجب يا ام زكي !! ام زكي : ايوا هيك بدي اياك!! والله زمان ما شفت وجهك منور !!ومن ثم توجه كلامها الى جميله !! : لك جميله ! فومي اعمليلنا فنجان قهوه خلينا نروق!! جميله وكالعاده بضجر : حاضر خالتي ام زكي !! المشهد العشرون /دكان ابو عصام ابو عصام : ابو العز !! معتز : امور يا بي!! ابو عصام : تعى جنبي !! بدي احكي معك جوز كلام !! معتز : لعيونك يا بي !! امور ابو عصام : بدي اسالك !! هلا انت حكيت انه ابو ذراع كان جاي ليعترف بجريمته وقتله لابو شهاب !! معتز : مزبوط يا بي !! ابو عصام : وهو اللي حمى عنك يوم قوس عليك الفرنساوي !! معتز : أي يا بي !!هي اللي صار !! ابو عصام : غريبه والله !! معتز : شو في يا بي!!حاسك مقروق من شي !! ابو عصام : لا بس عم فكر باللي صار !! يعني انت قلت انه ابو ذراع كان مع مسدس وقت اللي اتلقى عنك الرصاصه !! معتز : صحيح !! كان معه مسدس !! ابو عصام : العمى !! واحد معه مسدس !!ليش يرمي حاله قدام القواص؟؟ ما كان اسهل عليه يقوص الدركي قبل ما يقوص عليك !! معتز : هااااااا !! والله كلامك مزبوط يا بي !! ابو عصام : بعدين اش كان هو جاي ليعترف باللي صار !! ليش كان معه مسدس ومتخفي عن العيون ؟؟
| |
| |
|
05-10-2014, 02:35 PM
| #6 | |
| رد : مسلسل باب الحارة الجزء السادس باب الحاره " الجزء السادس " " الحلقه الرابعه " المشهد الاول / دكان ابو عصام معتز : شو في يا بي!!حاسك مقروق من شي !! ابو عصام : لا بس عم فكر باللي صار !! يعني انت قلت انه ابو ذراع كان مع مسدس وقت اللي اتلقى عنك الرصاصه !! معتز : صحيح !! كان معه مسدس !! ابو عصام : العمى !! واحد معه مسدس !!ليش يرمي حاله قدام القواص؟؟ ما كان اسهل عليه يقوص الدركي قبل ما يقوص عليك !! معتز : هااااااا !! والله كلامك مزبوط يا بي !! ابو عصام : بعدين اش كان هو جاي ليعترف باللي صار !! ليش كان معه مسدس ومتخفي عن العيون ؟؟ معتز : والله مزبوط كلامك يا بي !! ليش كان متخفي ومعه مسدس؟؟ والله ما خطر ببالي هالشي !! بس يا بي ؟؟ شو في براسك؟؟ ابو عصام : ما بعرف يا بي !! في سر بالموضوع ولازم اعرفه !! ويتابع : ابو ذراع هلا وينه؟؟ معتز : بالنظاره عند ابو جودت !! ابو عصام : يا بي !! ديرو بالكم على المحل !! انا رايح مشوار وراجع !! معتز : ماشي يا بي !! مهونه المشهد الثاني / بيت ابو عصام ام زكي : لكان !! والله البيت بدون رجال ما بيسوى شي !! ام عصام : وانتي يا ام زكي !! ما بدك تتزوجي ويصير عندك رجال ؟؟ ام زكي : اعوذ بالله !! بعد اللي صار بفريال خانوم !! مستحيل افكر بهالشي لو شو ما صار !! ام عصام : مسكينه فريال !! والله اللي صارلها ما صار لحدا من قبل بوران : دخلك يا ام زكي !! بعدها مناخيرها بالسماء ولا شو !! ام زكي : ولي عليها !! والله حالتها بتبكي !! الله لا يذوق حدا اللي ذاقته بوران : أي معلوم !! وحده كانت على ذمة داسوس !! يا محلاها وهي رافعه راسها بعد هالشي ! ام عصام : بوران ! عيب هالحكي ما بصيرتحكي علمخلوقه هيك !! بوران : أي شو حكينا !! ما جبنا شي من دار ابونا !! المشهد الثالث / قهوة ابو حاتم !! وصل العقيد ابو النار لحارة الضبع وجلس في القهوه بصحبة ابو خاطر وابو حاتم ومعهم ابو جاسم !! ابو النار : والله من لماوصلني الخبر فرحتلكم كثير كثير ابو جاسم : تسلم يا عقيد !! والله انك اصيل واخ عزيز !! ابو النار : والله طول ما هي الحاره محاصره وانا حاس حالي مربط !! ما حسنت اعمل شي !! ابو حاتم : كفو يا ابو النار !! وقفاتك مع الحاره واهلها ما بننساها !! وبعدين مين قلك انك ما عملت شي !! هو احنا بننسى حركتك انت وابو صياح على الوجهات وتحريك الراي العام !! ابو النار : عمي !! منيتنا على حالنا !! هذا واجبنا !! ويتابع : بس غريبه !! شو اللي صار !! ليش الفرنساوي فك الحصار عن الحاره ؟؟ ابو خاطر : المظاهرات اللي عملوها اهل الشام والاحتجاجات اثرت على الفرنساوي فكان ما قدامهم حل الا يفكوا الحصار !! ابو النار : أي الحمد لله !! بس معقول هيك بكل سهوله ؟؟ ابو جاسم : لا والله يا اخي ابو النار !! الفرنساوي فرض علينا ثلاث شروط مقابل انه يفك الحصار !! ابو النار : ثلاث شروط ؟؟ وشو هاي الشروط؟؟ المشهد الرابع / النمس مره اخرى النمس في مخباه الجديد يحدث نفسه : وهي حارة الضبع طلعوا منها زي الشعره من العجينه !! بس شو عليه ! اجى دورك يا نمس !! بس شو بدي اعمل وحارة الضبع طالبين راسي ؟؟ شو بدك تعمل يا نمس شووو !! لقيتها !! الشيخ عبد العليم المشهد الخامس / الكاركون !! جاء ابو عصام الى الكاركون !! دخل الى المكتب الخاص بابو جودت !! ووجد رستم جالسا هناك ! ابو عصام : السلام عليكم رستم : وعليكم السلام !! بشو بقدر اخدمك عمي !! ابو عصام : شو وينه ابو جودت ؟؟ رستم : والله ابو جودت قدم استقالته من فتره !! وانا حاليا بشغل مكانه لبين ما يعينوا رئيس جديد للكاراكون ! ابو عصام : شوووووو !! ابو جودت قدم استقالته؟؟ العمى !! هاي ما كنا حاسبين حسابها !! رستم : خير عمي في شي ؟؟ ابو عصام : اناالداعي ابو عصام من حارة الضبع !! رستم : اهلين تشرفنا عمي !! ابو عصام : عندكم مسجون اسمه ابو دراع !! فيي شوفه؟؟ رستم : خير بدك منه شي ؟؟ ابو عصام : لا ما في شي !! بس جاي لاطمن عليه !! رستم : أي تكرم عيونك !! ينادي رستم على الدركي الموجود خلف الباب ويطلب منه ان يحضر ابو ذراع !! رستم : تشرب شي عمي ؟؟ ابو عصام : كثرالله خيرك ما بدي عزبك !! بدي بس اطمن على ابو ذراع واتيسر على شغلي !! لحظات وياتي ابو ذراع !! ابو ذراع يرى ابو عصام ويصاب بالذهول ويقول : بسم الله الرحمن الرحيم !! عمي ابو عصام؟؟ ابو عصام : شلونك ابو ذراع !! ابو ذراع: معقول !! انت ابو عصام ؟؟ شلون وكيف ؟؟ ابو عصام : والله قصه طويله بعدين بحكيلك اياها !! ابو ذراع : يعني انت بعدك عايشوما متت ؟؟ ابو عصام : اي يا ابو ذراع !! شوفة عينك !! ليكني قدامك ما بني شي !! أي اخي ابو ذراع !! طمنا عنك !! ابو ذراع : والله حالي ما بسر!! وما بعرف وين بدي خبي وشي منك !! رستم : طب يا جماعه !! خدوا راحتكم !! انا بستاذن منكم !! ابو عصام : أي اخي ابو ذراع !! شلون قتلت العقيد ابو شهاب !! يطاطيء ابو ذراع راسه ويقول : ما حكولك بالحاره شلون؟؟ ابو عصام : امبلا حكولي !! بس ما خرطت مشطي كل هالقصه !! يتلبك ابو ذراع ويقول : شلون يعني ؟؟ ابو عصام : يعني شيت انك قتلت ابو شهاب وانت سكران هاي ما صدقتها !! ابو ذراع : يعني انا بكذب ؟؟؟ شو بدو يخليني احمل دم واحد انا مالي ذنب فيه؟؟ هو انا مجنون ؟؟ ابو عصام : ما حكيت هيك !! في سر بالموضوع !! انك كنت سكران !! هاي ما بتمشي علي !! لاني بعرف انك صرت رجال وزركت وتركت كل الحرام من بعد ما اخدت بنته للادعشري الله يرحمه !! ولو بدي صدق هالشي فما بصدق انه واحد سكران يقدر ياخذ العقيد غدر !! ابو ذراع : شلون يعني ؟؟ ابو عصام : يا ابو ذراع !! انت بتعرف العقيد منيح !! ولو قربت شي دبانه صوبه بيحس فيها !! فكيف ما بدو يحس عليك لما جيت لتقتله؟!! بعدين شو جاب ابو شهاب لبيتك ؟؟ ابو ذراع يتلبك ويقول : كانت الدنيا عتمه وو !! كان !! كان ابو شهاب متسطح ببيتي !فا !! فا !! انا فكرته حرامي قمت قتلته بالسكين !! ابو عصام : ابو ذراااع !! شو بدك تجدبها علي ؟ حرامي ومتسطح بالبيت اللي بده يسرقه؟؟ ابو ذراع : لا لا لا !! مو هيك !! بس انا لاني كنت سكران فكرته حرامي !! بس يظهر هو كان متخبي ببيتي من الفرنساوي !! ابو عصام : واش كان !! واحد هربان من الفرنساوي بيقوم بيسطح ببيت منو بيته !! وحتى لو بيته دام انه ملاحق فما بيركن بمطرح؟؟ يصمت ابو ذراع لبرهه ويقول : والله هي اللي عندي يا عمي ابو عصام !! وبعدين ! انا ماني مجنون لاحمل دم انا بريء منه !! ومو أي دم !! دم العقيد !! ابو عصام : اسمعني ابو ذراع !! هو واحد من اثنين !! اما انك قتلت العقيد لسبب منو معروف !! وهالشي بستبعده لانه ما كان بينك وبين العقيد أي شي !! والشي الثاني انه يكون العقيد انقتل من طرف واحد ثاني وانت عم تتستر عليه لاي سبب كان !! ابو ذراع : لا لا !!مو صحيح هالكلام !! انا قلت الصدق !! وهي اللي صار ابو عصام : دخلك !! ليش كنت حامل مسدس لما جيت للحاره لتعترف بهالشي؟ ابوذراع : هاااااااا !! أي أي !! كنت بدي احمي حالي !! ابو عصام : من مين ؟؟ وبعدين لما شفت معتز !! وهنا يقطع ابو ذراع الكلام على ابو عصام ويقول : بعتذرمنك عمي !! اللي عندي قلتلك اياه !! وما في شي احكيه اكثر من هيك !! ابو عصام ينهض ناويا الذهاب ويقول : براحتك عمي !! براحتك ابو ذراع : سامحني عمي ابو عصام !! سامحني !! ابو عصام : الله يسامحك !! ابو ذراع : الي عندك طلب !! ابو عصام : احكي شو هو !! ابو ذراع : بتمنى ما حد يعرف اني حميت عن معتز واتلقيت الرصاصه بدل منه !! ابو عصام : ليش؟؟ ابو ذراع : خلاص ما بدي حد يعرف شي عن الموضوع !! ويا ريت تنبه على كل واحد عرف بالقصه انه ما يجيب سيره لاي مخلوق !! المشهد السادس / حارة الضبع دخل ابو جودت حارة الضبع وكان بلباسه الغير رسمي !! ياتي ابو مرزوق مسرعا لعند ابو حاتم ويقول : جاري !!جاري !! شوفلك هالشوفه يلتفت ابو حاتم لابو جودت!! ويقول : معقول !! ابو جودت؟؟ شو ليش منو لابس لبسه العسكري !! يقترب ابو جودت من القهوه : صباح الخير يا رجال !! ابو حاتم : اهلين !! الله ما كان جاب الغلا !! ابو جودت : له يا ابو حاتم !! انا جاي ضيف ماني جاي بمهمه عسكريه او شي !! ابو حاتم : ضيف !! ضيف ولا جاي تدور على قرنه جديده الك بالحاره !! ابو جودت : حلوه هاي قرنه !! والله بيحصلي الشرف اني اسكن عندكم بالحاره !! ابو حاتم : بعيد عن عينك !! غير مكتب ما الك عنا !! ابو جودت : ما فهمت عليك !! بس مقبول منك !! بس لازم تعرف يا ابو حاتم اني تغيرت !! وليك شايف شو لابس ! ابو مرزوق : يعني اذا غيرت حلاسك !معناها تغيرت؟؟ ابو جودت : أي لا !! بس الشي اللي ما بتعرفوه اني استقلت من الدرك !! وبدي عيش حياتي زي أي واحد فيكم !! ابو حاتم : شوووووو !! استقلت؟؟ ابو جودت : أي ابو حاتم !! وعن قريب راح يعينوا رئيس كاراكون بدل مني !! ابو حاتم : العمى !! والله هالخبريه ما كانت على البال !! ويتابع : ودخلك !! مين راح يعينوا بدل منك !! ابو جودت : راح تعرفوا عن قريب !! بس صدقني يا ابو حاتم راح تترحموا على ايامي !! ابو حاتم : أي لا !! دخيلك انا !! تقول كنت مغنمها للحاره ومعيش اهلها بنعيم !! ابو جودت : انت غلطان يا ابو حاتم !! صدقني كنت رايد الخير لاهل الحاره !! يمكن انا زودتها شوي عليكم !! بس ومع ذلك راح تترحموا على ايامي !! ابو مرزوق : شو قصدك بهالكلام ابو جودت ؟؟ ابو جودت : اللي بدي قلك اياه يا ابو مرزوق انك راح تتمنى يجي رئيس الكاركون الجديد لعندك عل الدكان وياخذ شوية خضره وفواكه وما يدفع حقهم !! بس يكف بلاه عنك !! ابو مرزوق : يا لطيف !! ابو حاتم : ابو جودت !! انت حسنت تعرف مين راح يعينوا بدل منك !! ابو جودت : أي لكان !! ما في اقول الا الله يعينكم ويتلطف فيكم !! ابو مرزوق : العمى للهدرجه ؟؟ ابو جودت : الرئيس الجديد ضلايلي وما بخاف الله !! وراح اقلك ايها بالالم نشرح !! الرئيس الجديد لو بدو يستنطق الحجر راح يخليه ينطق !! ابو مزوق : ولي !! شو هالمصيبه هاي !! ابو جودت : أي ابو مرزوق !! وانت قلتها مصيبه !! وياللي بيشوف مو مثل اللي بيسمع!! ابو حاتم : دخلك !! شو اسمه هاد الرئيس الجديد؟؟ ابو جودت : الملازم ابو عزمي !! ويتابع : ماشي !! بستسمح منكم بدي روح سلم على ابو عصام !! المشهد السابع/بوايكية ابو شهاب عبدو : فتحي !! بدي تفضيلي مكان بالبوايكيه !!جايتني طلبية برغل وقمح !! فتحي :امرك معلم عبدو !! بس ايمت راح تيجي؟؟ عبدو : اليوم بعد العصر ان شاء الله!! وفي هذه اللحظات ياتي صافي !! صافي : السلام عليكم معلم عبدو !! عبدو : اهلين صافي !! شو !! عجيبه جاي لعنا !!شو ما عندك شغل اليوم بالمطحنه !! صافي : أي لكان !! وانا جاييك مشان الشغل عبدو : امور اخي صافي !! صافي : انا حكيت للمعلم عنك وعن شهامتك وقرر انه يتعامل معك !! عبدو : والله انك اصيل يا صافي !! صافي : ولو معلم عبدو !! احنا من حاره وحده !! واذا ما خدمنا بعض لشو احنا اخوان؟ عبدو : عشت يا صافي عشت !! والله انك اعز من اخ ما في كلام !! أي مرني بشو بقدر اخدمك صافي : المعلم بدو حمولة قمح !! عبدو : أي على عيني !! بس بدك تتحملني لبكره !! لانه اليوم جايتني طلبية قمح !! وان شاء الله بكره الصبح بتكون لعند منكم !! صافي : ماشي معلم عبدو !! اللي بتشوفه مناسب !! ويتابع : صحيح بدي اسالك !! ما بدنا نفرح فيك !! والله طولت جوازتك !! عبدو : لك شو اعمل يا صافي!! ما انت شايف بعينك كل ما نقول يا هادي بيتلخبط كل شي !! بس خلاص !! قربت ان شاء الله !! المشهد الثامن / دكان ابو عصام عصام يحلق لابو جودت شعره عصام : هلا معقول يا ابو جودت انت تركت المغفر !! ابو جودت : أي مانك شايف شو لابس !! عصام : بس بيقول المثل ديل الكلب بيضل اعوج !! وهنا يصرخ ابو عصام بعصام : عصاااااااام !! ابو جودت : لا تلومه يا ابو عصام !! انا قسيت كثيرعلى الحاره !! بس صدقني ومثل ما قلتلك !! انا ولا شي قدام اللي جاي عصام : نعيما ابو جودت !! ابو جودت : الله ينعم عليك !! ويمد يده لجيبه !! ويقول : شرف يا ابني !! ابو عصام : خليها علينا ابو جودت !! ابو جودت : لا والله !! ما بصير !! اذا ما بتاخذ اجرتك ما بعود ارجع عندك ايوا !! عصام مذهولا : العمى معقول !! ابو عصام : يا بي عصام !! بزكاتك كاستين شاي من عند عمك ابو حاتم عصام : امرك يا بي ابو عصام : أي ابو جودت ما حكيتلي !! ليش انت قدمت استقالتك !! ابو جودت : بدك الصراحه يا ابو عصام !! صرت احس انه الموت قريب مني ! وانه المصايب عم تحوم حوالي من كل ناحيه !! وبالذات بعد كل شي عمله هاد اللي اسمه مامون!! فقلت خلاص يا ابو جودت ما عاد فيها !! بلا من هالشغله ووجع الراس !! ابو عصام : أي وهلا شو ناوي تعمل ؟؟ ابو جودت : معي قرشين بدي افتح فيهم شي مصلحه واعيش مثلي مثل أي واحد بالشام !! بركي الله بيغفرلي عن كل شي ساويته بحق الحاره وغيرها من الحارات الثانيه ! ابو عصام : معقول !! معقول انت ابو جودت !! ابو جودت : الايام راح تثبتلك صدق كلامي يا ابو عصام !! وحسن نيتي ويتابع : بس انت ما حكيتلي !! شو راح تعمل بالحاره !! ابو عصام : ما فهمت عليك !! ابو جودت : انا سمعت انه رجال الحاره بدهم ينصبوك زعيم عليها !! بس انت رافض هالشي !! ابو عصام : لكان اخي ابو جودت !! انا اصغر واحد باهل الحاره وفي احق مني بالزعامه !! بعدين ما فيي اتخيل حالي قاعد مكان الزعيم !! لك مين انا لاحل محل الزعيم ابو صالح ابو جودت : بدك نصيحتي يا ابو عصام !!لازم تقبل بزعامة الحاره !!لانه الحاره بحاجه لزعيم ! يكون زكرت وابضاي وحكيم شرواك ! وبالاخص بوجود الرئيس الجديد للكاركون " ابو عزمي " ابو عصام : اوف اوف !! للهدرجه !! لك لا يكون عم تبالغ يا ابو جودت !! ابو جودت : صدقني يا ابو عصام ان ما كنتوا قد حالكم فهذا ابو عزمي راح يبلعكم ويبلع الحاره ببيوتها وكل ما فيها !! المشهد التاسع / خطة النمس وقف النمس خارج حارة الضبع متحينا الفرصه التي يخرج فيها الشيخ عبد العليم من الحاره !! ولم يدم انتظار النمس طويلا !! وظهر الشيخ عبد العليم خارج الحاره !! اقبل النمس عليه مسرعا وركع بين رجليه على ركبتيه !! النمس : انا دخيل عليك يا شيخي !! يستر على حريماتك تساعدني !! الشيخ عبد العليم : النمس هاد انت !! والك عين تفرجينا وشك بعد كل شي عملته !! النمس : والله انا مظلوم يا شيخي !! مظلوم !! الشيخ عبد العليم : لا حول ولا قوة الا بالله العلي العظيم !! قوم قوم وقف على رجليك !! ويتابع : ليش عملت هيك يا نمس ليش؟؟ النمس : والله انا مظلوم يا شيخي !! انا غلطت وطمعت بالمصاري !! بس صدقني ما كنت اعرف انه مامون هو ضابط فرنساوي وداسوس !! كنت مفكر انه واحد نصاب !! فقلت باخذلي قرشين منه وبستفيد !! بس والله ما كنت بعرف انه داسوس الشيخ عبد العليم : استغفر الله العظيم :!! ويعني الشي هاد بتظن انه قليل النمس: انا بعرف اني غلطت بس مو لدرجة انه اهل حارة الضبع يقتلوني !! انا مستعد للي بدكم اياه بس الله يخليك يا شيخ تقلهم ما يقتلوني !وجاهز للحكم اللي بتحكومه علي !! الشيخ عبد العليم : لا حول ولا قوة الا بالله !! أي تعى !! تعى معي لنشوف شو بدنا نعمل المشهد العاشر / مكتب الكومندان كان الكومندان في مكتبه واثناء جلوسه في مكتبه رن الهاتف الكومندان : الو !! اهلين !! الحمد لله على السلامه !! انا زعلان منك كثيركثير !! ويتكلم بحديه : كان لازم تخبرنا بنية اهل حارة الضبع بقتل الملازم نمر !! ما بعرف هاي مشكلتك كان لازم تتصرف !! اوكي اوكي !! مو مشكله !! اسماع شو بدي قلك !! بدي اياك تفتح عينك منيح !! وبتركز بمراقبتك على ابو عصام وابو حاتم ومعتز !! أي شي مشبوه بتخبرني عليه فورا بس حسك عينك حدا ينتبه عليك !! وضروري !! ضروري تمر علي على المكتب !! لانه في مهمه كبيره وحساسه لازم تقوم فيها المشهد الحادي عشر / الشيخ عبد العليم وبرفقته النمس دخل الشيخ عبد العليم للحاره وبرفقته النمس !! حدو يرى النمس برفقة الشيخ عبد العليم فيدخل للقهوه مسرعا الى ابو حاتم حدو : عمي ابو حاتم !! عمي ابو حاتم !! ابو حاتم : خير حدو شو في !! حدو : النمس دخل الحاره مع الشيخ عبد العليم ابو حاتم يقف فزعا : شوووو !! النمس!! الحقني لاشوف !! تجمع الجميع حول النمس والشيخ عبد العليم !! واتى ابو حاتم ابو حاتم : شو بيعمل هالواطي معك جوات الحاره شيخي ؟؟ الشيخ عبد العليم : روقوا يا جماعه !! ابو حاتم : أي رواق يا شيخي !! هاد واحد خوان وجزاته الموت وبس !! فتتعالى الاصوات مؤيده لراي ابو حاتم الشيخ عبد العليم : وحدوا الله يا رجال !! العصبيه مو حلوه بنوب !! وهنا ياتي ابو عصام ابو عصام : خير يا جماعه !! شو يا شيخ عبد العليم !! شو عم يعمل هذا الواطي معك !! الشيخ عبد العليم : يا جماعه النمس جاي ليستسمح منكم !! ابو بشير : والله عال !! رقاب اهل الحاره كانت بين ايديه وعم يطلب السماح !! ابو جاسم : لا والله ما حزرت يا نمس يا واطي !! النمس : يا جماعه !! والله انا بريء !! انا ما كنت بعرف انه مامون بيك كان عميل للفرنساوي !! ابو حاتم يقترب من النمس وبنيته ضربه فيقول : ولسه بتقول بيك يا واطي !! ابو عصام : روق ابو حاتم روق خلينا نسمع الرجال ويتابع : احكي يا نمس !! احكي اللي عندك !! النمس : انا من وقت اللي عرفت مامون وكشفت هويته فكرته نصاب جاي ينصب على الحاره !! ما كان ببالي انه عميل للفرنساوي !! ابو بشير : دام كنت بتعرف انه نصاب ليش خبيت عن اهل الحاره؟؟ النمس: بصراحه انا طمعت وقلت بهدده بلكي يعطيني قرشين !! وتتعالى الاصوات !! ويتابع النمس : انا بعرف اني غلطت وغلطت كثير !! بس صدقوني ما كنت بعرف انه داسوس !! ويقترب النمس من ابو عصام ويجثو على ركبتيه ويقول : انا داخل عليك يا ابو عصام !! اعملوا في ياللي بدكم اياه بس لا تقتلوني !! ويلتفت ابو عصام الى الشيح عبد العليم فاشار اليه الشيخ عبد العليم بان " لا حول ولا قوة الا بالله "!! ومن ثم نظر الى ابو حاتم فهز ابو حاتم راسه بعدم الرضى ابو عصام : اسماع ولا نمس !!هالمره سماح !! وحسك عينك نشوف منك شي زاحله هيك ولا هيك !! النمس : الله يديمك !! الله يخليك يا كبير!! تفضلت على راسي من فوق !! ابو عصام : لسه ما خلصت كلامي !! احنا صحيح راح نصفح عنك !! بس !! النمس : بس شو ؟؟ ابو عصام : الحاره هاي ما لك فوته عليها بنوب بنوب تحت أي سبب كان ! واذا حصل ودخلت الحاره !! اتشاهد على روحك !! النمس يصمت قليلا ويقول : امرك عمي ابو عصام !! بوعدكم ما راح فرجيكم وشي بالحاره بنوب بنوب !! ابو حاتم : وهلا دربل من هون !! بسرعه يلا ما عاد بدنا نشوف خلقتك !! النمس : بس انا بخاف لا حد يعملي شي عمله!! ابو جاسم : ليييك هالواطي !! ابو عصام : اطمن ما حد راح يقرب صوبك !! الا اذا شافك جوات الحاره !! ويخرج النمس مسرعا من الحاره مع دعائه لابو عصام ولاهل الحاره !! الشيخ عبد العليم : الله يبارك فيك يا ابو عصام !! خير ما عملت !! معتز : والله يا بي كان لازم نشخته هون بالحاره !! ابوعصام : لا يا بي !! منا بحاجه لنقتله !! بعدين ما بدنا مشاكل !ومابدنا يصير شي مو بالحسبان !! المشهد الثاني عشر / خبث النمس بعد ان خرج النمس من الحاره ظهر عليه السرور والمكر الشديد وقال في نفسه : أي لكان !! شو عليه ما عاد فرجيكم وشي بنوب !!بس راح اقلبلكم الحاره فوقاني تحتاني !! وانا النمس !! يا قليلين الناموس!! المشهد الثالث عشر / حارة الضبع ليلا كان ابو فارس في محرسه امام باب الحاره وكان الباب مفتوحا حسب شروط الفرنساوي !! اخذ ابو فارس يتمشى ويتفقد ازقة الحاره !! وعلى غفلة منه دخل ملثم الى الحاره !! ذهب الملثم الى بيت ابو عصام !!وطرق الباب !! ام عصام : مين جاينا بهالوقت ابو عصام : الله يستر ! هلا بشوف مين !! ذهب ابو عصام ناحية الباب !! وقال : يلا يلا جاي!! فتح ابو عصام الباب !! الملثم : مساء الخير حكيم !! ابو عصام : اهلين عمي !! منو انت ؟؟ الملثم : انا جاييك من طرف ابو ذياب !!! ابو عصام يتفقد ازقة الحاره !! : أي فوت فوت عمي بسرعه!! ابوعصام : يلا يلا !! المشهد الرابع عشر / بيت ام زكي !! ام زكي : يعني مصره تتركينا بكره يا ام جوزيف؟؟ ام جوزيف : أي يا ام زكي !! ما بدي جيب وجع راس لاهل الحاره !!راح روح عند قريبتي !! ام زكي : والله اني متونسه فيك كثير !! ام جوزيف : هاد اللي كتبه الرب !! بس لا تخافي ابقى اشق عليكم بين كل فتره وفتره !! بكره الصبح لازم احمل درب طريقي واتيسر ام زكي : والله بخاف عليك لا يصرلك شي بالطريق ام جوزيف : وكلي الله ام زكي !! ما بصير الا اللي رايده الرب !! المشهد الخامس عشر/ بيت ابو عصام مرسال ابو ذياب : عمي ابو عصام !! بعثتني ابو ذياب لعندكم وهو بيسلم عليكم كثير كثير !! ابو عصام : الله يسلمك ويسلمه ! المرسال : وحكالي وصللكم بانه الجماعه بحاجه للمصاري منشان نجيب سلاح ! شوفوا شلون بتقدروا تساعدونا !! ابو عصام يصمت قليلا ومن ثم يقول : وكل الله عمي وان شاء الله ما بصير الا كل خير !! المرسال : أي وشو احكي لابو ذياب ؟؟ ابو عصام : اسمعني منيح !! بلغ ابو ذياب سلامي واحكيله خليه يجي بعد ثلاث ايام بالتمام لعند بيت ابو صياح مختار حارة الماوي !!واحكيله اني راح شوفه هناك بوضح النهار !! وانا برتب الموضوع مع ابو صياح المرسال : ماشي عمي !! يلا اسمحلي هلا ! ابو عصام : لحظه شوي شوفلك الطريق !! وبعد ان يتفقد ابو عصام زقاق الحاره !! يقول : تيسر عمي !!مهونه !! دير بالك على حالك ! المشهد السادس عشر /الكاركون !! كان رستم في المكتب بالكاراكون وفجاه فتح احدهم الباب بعنف !! رستم : مين انت !! وليش بتدخل بدون ما تدق الباب ؟؟ ابو عزمي : انا ابو عزمي " وقام بدوره الفنان صباح عبيد " رئيس الكاركون الجديد !! رستم يقف كالصنم : احترامي سيدي !! شرف شرف على مكتبتك !! ابو عزمي : شو اسمك ولا؟؟ رستم : خدامك رستم !! ويعاجله بسؤال غاضب : وشو كنت قاعد بتعمل هون ولا حيوان ؟؟؟ رستم : سيدي انا كنت قائم بمقام رئيس المخفر لبين ما تشرفوا حضرتكم ! ابو عزمي : ومين طلب منك تعمل هيك ولا بغل !! رستم وبخوف شديد : سيدي !!سيدي !! ابو عزمي : احكي ولا !! رستم : سيدي القياده طلبت مني !! ابو عزمي : ممم !! ماشي !! احكيلهم يجبوا كاسة شاي خليني اعدل دماغي !! رستم : امرك سيدي !! المشهد السابع عشر / دكان ابو عصام ابو عصام : يا بي معتز !! معتز : امور يا بي !! ابو عصام : بتروح على عضاوات الحاره وبتحكيلهم انه في اجتماع ضروري بالمضافه بعد الظهر!! معتز : امرك يا بي !! صار !! المشهد الثامن عشر/ مكتب ابو عزمي " الكاركون " كان ابو عزمي يشرب الشاي ويتفقد السجلات في الكاراكون !! وفجاه يشد انتباهه امر ما !! فيصيح : ولا رستم !! رستم الكلب !! يدخل رستم فزعا : احترامي سيدي !! ابو عزمي : بتروح على النظاره وبتجيب هاد اللي اسمه ابو ذراع لهون وفورا !! رستم : امرك سيدي !! "ويذهب " !! ابو عزمي : استنى عندك ولا !! يقف رستم وياتيه ابو عزمي فيصفعه على وجهه ويقول : ولااا !! ثاني مره ما بتتحرك الا لما انا اقلك فهمان ولا ؟؟ رستم : فهمت يا سيدي !! بنعتذرمنك !! ابو عزمي : يلا تحرك ولا بهيم !! يخرج رستم من المكتب ويضع يده على خده ويقول : العمى !!شو هاد ! لك يا حليله ابو جودت !! والله هاد عن 1000 واحد مثل ابو جودت !! ولي على هالقصه !! شو هالبلوه اللي وقعنا فيها هاي !! المشهد التاسع عشر / بيت ابو بدر جلست فوزيه مع ابو بدر فوزيه : يعني ليش المعلم بيحاسب صافي اكثر منك !! ما انت قبل منه بالشغل !! ابو بدر : يا فوزيه !!بعدين معك !! ما خلصنامن هالموضوع ؟؟ يعني 100 مره حكيتلك !!انه المعلم بحب صافي كثير!! وبعدين هو شغيل فوزيه : ولا ابو بدر !! يعني انت مو شغيل !! ابو بدر : أي لا مو هيك !! بس صافي بيضل يشتغل على نفس واحد !! وتقولي عنه حمار ما بيتعب !! فوزيه : حمار ؟؟ ولك ما في حمار الا انت !! ابو بدر : له يا فوزيه !! ليش تحكي عني هيك !! بعدين ديري بالك !! عمرك شفتي حمار تزوج وحده ؟؟ فوزيه : ولا ابو بدر !! شو قصدك ولا !! ابو بدر يضحك كثيرا ويقول : يعني الحمار ما بيتزوج الا حماره !!فتغضب فوزيه وتهم بضربه فيفر منها ابو بدر ضاحكا !! المشهد العشرون / الكاركون !! كان ابو عزمي ينتظر قدوم ابو ذراع !! طرق رستم الباب !! ابو عزمي : فوت !! رستم : سيدي !!المدعو ابو ذراع !! ابو عزمي : خليه يفوت !! دخل ابو ذراع الى مكتب ابو عزمي !! وكان مطاطيء الراس ! وما ان رفع راسه حتى راى ابو عزمي فاصابه الذهول !! ابو ذراع : الملازم ابو عزمي ؟؟؟؟؟؟؟؟؟؟؟؟؟ وهنا تنتهي هذه الحلقه
| |
| |
|
05-10-2014, 02:39 PM
| #7 | |
| رد : مسلسل باب الحارة الجزء السادس "باب الحاره "!! الجزء السادس !! " الحلقه الخامسه " المشهد الاول / الكاركون !! طرق رستم الباب !! ابو عزمي : فوت !! رستم : سيدي !!المدعو ابو دراع !! ابو عزمي : خليه يفوت !! دخل ابو ذراع الى مكتب ابو عزمي !! وكان مطاطيء الراس ! وما ان رفع راسه حتى راى ابو عزمي فاصابه الذهول !! ابو ذراع : الملازم ابو عزمي ؟؟؟؟؟؟؟؟؟؟؟؟؟ ابو عزمي يضحك بصوت مرتفع !! ومن ثم قال : والله واهلين بابو دراع !! ومن ثم يقول لرستم : اطلاع لبره وما تخلي حدا يفوت لهون !! رستم : امرك سيدي ابو عزمي : يلا تحرك !! ومن ثم يوجه كلامه لابو ذراع : اقعود ! اقعود لاشوف !! جلس ابو ذراع وقد بدى عليه الذهول والصدمه لرؤية ابو عزمي !! المشهد الثاني /حيرة رستم تملكت الحيره والدهشه فكر رستم واستغرب لما راه!! وقال في نفسه : العمى !! شو جاب ابو دراع لابو عزمي !! من وين ابو دراع بيعرف ابو عزمي !! يا ترى شو في بيناتهم !! والله شي بيحير!! بس لا !! اكيد في شي كبير!! اللي بيخلي واحد متل ابو دراع يعرف واحد متل ابو عزمي شي كبير وكبير كتير !! بس شو هو يا ترى ؟؟ الا ما اعرف !! المشهد الثالث / ابو عزمي وابو ذراع اخذ ابو عزمي يدور حول ابو ذراع !! فاقترب منه وقال : لك شوووووو هالمفاجاه الحلوه !! اكيد فرحت بشوفتي ما ؟؟" ويقولها بسخريه " ابو ذراع : بدك الصدق !! الموت اهون علي من شوفتك !! ابو عزمي : هههههههه !! الموت !! الموت ! يمكن حنيت لابو شهاب مو هيك ؟ ويتابع !! انت اللي حطيت حالك بهالموقف !! " ويمسك برقبة ابو ذراع ويقول : كان ضروري تنقل الجثه من بيتك؟؟ ليش تعمل هيك ليش؟؟؟ ابو ذراع : سبق وحكيتلك ليش ! وسبق ونهينا هالموضوع !! ابو عزمي : مزبوط !! بس انت تكلفت بمهمه وفشلت فيها !! لك تفو عليك !! شلون بتخلي واحد فصعون متل معتز يقوصك !! يكتفي ابو ذراع بالنظر لابو عزمي !! فيتابع ابو عزمي : ولا!!! ان شاء الله مفكر اني غبي !! ابو دراع : شو قصدك سيدي !! فياتي ابو عزمي لابو دراع ويمسك رقبته ويقول : انا بعرف انك حميت معتز !! ان شاء الله مفكرني اجدب !! لك على مين ولا؟؟؟؟ ويتابع : انا كنت راح دفعك تمن هالشغله غالي كتير !! ابو ذراع : تمن شو ؟؟ ابو عزمي : انت بتعرف شو قصدي !! ومو بحاجه لاذكرك ابو ذراع : لا دخيلك سيدي يستر على عرضك !! اعمول أي شي بدك اياه الا هاي!! ابو عزمي : معناها خليك عاقل ولا تضرني اعمل شي انت ما بتريده !! المشهد الرابع / مكتب الكومندان كان الكومندان في مكتبه وكان يتحدث على الهاتف الكومندان : واحد ملتم؟؟ شو فات يعمل بالحاره؟؟ ااااااااااه !! قلتلي عند ابو عصام ؟؟ ما عرفت مين هو وشو كان بده ؟؟؟ ماشي ماشي !! خليك مفتح عينك منيح !! المشهد الخامس /اجتماع في المضافه ابو عصام : يا جماعه انا جمعتكم هون لامرين مهمين كتير كتير !! ابو بشير : تفضل ابو عصام عم نسمعك !! ابو عصام : يا جماعه بالنسبه لصندوق الخير !! انا عرفت انه توقف !! الشيخ عبد العليم : والله مزبوط يا ابو عصام !! من بعد وفاة الزعيم ابو صالح توقف الصندوق !! وما عاد حد يهتم فيه !! ابو حاتم : بس يا شيخي انت شفت شو صار معنا وشو كان في مشاكل بالحاره !! يعني الله يلعن الشيطان !! ما كان بايدنا شي ابو عصام : حتى لو يا جماعه ! مهما كان لازم نرجع الصندوق ونرجع نلم مصاري لاعانة العائلات المحتاجه !! ابو جاسم : كلام صهري ابو عصام عين العقل !! في عيل كتيره اتضررت وبحاجه لمعونتنا !! وبالاخص عيلة ابو سمعو !! ابو بشير : كلام ابو جاسم مزبوط !! متل ما بتعرفوا ابو سمعو اتوفى من زمان وسمعو الله يرحمه ما اله مده طويله مستشهد !! وما بقيان للعيله حدا الا رب العالمين وبعض وجوه الخير بالحاره ! ابو عصام : لا يا جماعه !! عيلة ابو سمعو ما لازم ندفعلها شي من الصندوق !! ابو جاسم : ليش يا صهري ؟؟ ابو عصام : انا ما بنسى انه سمعو ضحى بروحه وفداني !! مشان هيك كل شي بتحتاجه عيلة ابو سمعو بتكون من مالي الخاص !! عيلة ابو سمعو اتركولي اياها !! الشيخ عبد العليم : الله يجيزك الخير يا ابو عصام !! والله ما بتقصر !! ابو عصام : ماشي يا جماعه وين بتحبوا نخلي الصندوق !! ابو حاتم : الصندوق من بعد اذن الجميع بيكون ببيتك ابو عصام !! انت هلا كبير الحاره واحسن واحد فينا يتحمل هالحمل !! ابو عصام : اللي بتشوروا عليه طابو بالنسبه الي !! وباذن الله راح كون على قد الثقه هاي !! ومن بكره يا جماعه بنعاود لم المصاري !! الشيخ عبد العليم : حكي ابو عصام مزبوط يا جماعه وخير البرعاجله !! ابو عصام : اتوكلنا على الله !! " ويتابع " :في شي تاني مهم لازم نحكي فيه !! ابو حاتم : قول ابو عصام عم بنسمعك !! ابو عصام : مبارح جماعة الغوطه بعتوا مرسال !!الجماعه بحاجه للمصاري ليامنوا سلاح !! ابو حاتم : نحنا عمرنا ما قصرنا من هالناحيه وباذن الله ما راح نقصر !! ابو خاطر : بس يا جماعه لا تنسوا انه الفرنساوي حط علينا شرط بانه ما نتعاون مع جماعة الغوطه !! ولا نسيانين ؟؟ ابو حاتم : لا ما نسينا !! بس نحنا ما راح نرد عليهم !! راح ناخذ حذرنا على اكمل وجه قبل ما نواتي باي حركه !! ابو بشير : انا برايي يا جماعه نتروى شوي !! ناجل موضوع الغوطه شوي لحد ما نشوف لوين بتوصل هالحاله !! ابو جاسم : بس الجماعه بحاجه لمساعدتنا هلا !! وما بيصير نتاخر عليهم !! ابو عصام : انا رايي من رايي ابو بشير !! نحنا ما راح نقطع صلتنا برجال الغوطه !! بس لازم هالمره نحسبها منيح !! ونتروى بزياده حبتين !! ابو جاسم : وشو بدنا نقول لرجال الغوطه ابو عصام : انا طلبت باني شوف ابو دياب بعد يومين عند ابو صياح !! والله يجيب اللي فيه الخير !! المشهد السادس / حارة ابو النار !! كان ابو النار في محله ومنهمك في عمله !! وجاءه النمس !! النمس : السلااااااااام عليكم !! ابو النار : وعليكم الس!!!! نمس؟؟؟؟؟؟؟ الله لا يسلم فيك مغز ابره !! شو عم تعمل هون يا واطي !! ويتابع : ابو الحكم اكمشه لا تخليه يهرب !! النمس : طول طول بالك عقيد شوبنا !! ابو النار : ولك بعدك عايش؟؟ والله ما يمسكوك حارة الضبع الا يقتلوك !! بس شو عليه انت جيت برجليك وانا دباحك !! النمس : بوس ايدك يا عقيد طول بالك !! خليني احكيلك كل شي !! ابو النار : ما عاد فيها حكي او كلام !! واحد واطي وخوان مثلك ما بينحكى معه !! ما بيحكي معك الا السكين !! النمس : وليي !! الله يخليك يا عقيد اسمعني !! ابو الحكم !! احكيلك شي كلمه !! ابو النار : احكي لاشوف خلصني !! النمس : انا رحت لحارة الضبع وحكيتلهم كل وشي واستستمحت منهم !! وهم سامحوني بس طلبوا مني ما ادخل الحاره !! ابو النار : وعم تكذب علي ولا !! النمس : الله وكيلك ما بكذب يا عقيد !! حتى اسال اهل حارة الضبع !! واش كان عم كذب عليك راح خليك تشختني وما افتح تمي باي كلمه !! ابو النار : أي وشو يعني !! اذا كان اهل حارة الضبع كريمين عليك فانا مو مثلهم ؟! النمس : الله وكيلك انت فهمان الموضوع غلط !! انا انضحك علي كمان ! ابو النار : ولا نمس ملعوب جديد من الاعيبك !! النمس : بترجاك يا عقيد بس اسمعني !! المشهد السابع /ابو ذراع مضطرب عاد ابو ذراع الى النظاره وكان باديا عليه القلق والصدمه !! وقال في نفسه : العمى !! من وين طلعلي هاد ابو عزمي !! شو جابه لهون !! حبكت الا يكون هو رئيس الكاركون الجديد ؟؟ هو راح يضل وراي وراي حتى هون ؟؟ ابو شاكر يقطع عليه تفكيره ويقول : شبك ابو دراع ؟ مانك على بعضك !! ابو ذراع يمسك بابو شاكر ويقول له : يستر على عرضك ابو شاكر ماني رايقلك بنوب؟؟ ابو شاكر : أي طول بالك !! شو كان بدو منك رستم !! ابو ذراع : قلتلي مستني الرئيس الجديد لتروح من هون ؟؟ أي شو عليه !! على شو مستعجل !! راح تتمنى الارض تبلعك ولا تشوفه !! المشهد الثامن / حارة ابو النار ابو النار : معناها اذا كان اهل حارة الضبع قلعوك !! وانا كمان راح قلعك من هون يلا امشي دربل من هون على السريع !! النمس يجثو على ركبتيه امام ابو النار ويقول : يستر على عرضك عقيد !!ما الي غيرك !! وقلتلك والله اني ندمان وما راح امشي الا مثل ما بدك ابو النار : قوم ولا !! قوم بلاش اغير رايي واشختك نصين !! النمس : ابو الحكم !! احكيلك شي كلمه ببوس ايديك !! ابو الحكم : خلاص عقيد امسحها بوشي هالمره !! المسامح كريم !! ابو النار : حسبي الله ونعم الوكيل !! ماشي قوم ولا نمس !! دربل على بيتك وما تورجيني وشك !! النمس : الله يديمك يا عقيد !! الله يديمك !! ويذهب النمس مسرعا الى بيته !! ابو النار : مزعتلي نهاري الله يمزع وشك !! ويتابع : ابو الحكم !! ساويلي كاسة شاي خليني روق !! ابو الحكم : صار عقيد !! صار المشهد التاسع / حمام ابو جاسم ! كان ابو عصام في الحمام !! وبعد ان خرج من الجواني جلس بصحبة ابو جاسم بعد ان قدم لهم صبحي الارغيله وكاسا من الشاي !! ابو عصام : شو بدي قول اخي ابو جاسم !! ابو جاسم : قول صهري شو في !! ابو عصام : ما شايف انه جوازة عبدو طولت كثير !! ابو جاسم : والله هالولد حظه معتر !! كل ما يجي يتجوز بتصير مشكله بالحاره !! ابوعصام : خلص عمي !! ما حله يستنه اكتر من هيك !! لازم نفرح فيه وعلى الحارك !! أي والله انا قلت برجعتي بلاقي عنده كومة عيال ! ابو جاسم : وانت قلتها صهري !! خلص !! شو رايك نعمل عرسه وعرس صبحي بليله وحده !! وخليها تكون الاسبوع الجاي !! ابو عصام : وهو كذلك !! خلي الحاره تفرح شوي !! ابو جاسم : يا صبحي !! صبحي : امور عمي ابو جاسم !! ابو جاسم : تعى يا ابني !! عمك ابو عصام بدو يحكي معك جوز كلام !! المشهد العاشر/ نهار حارة الضبع !! كالعاده وكاي صباح هاديء كانت الحركه تعم ارجاء حارة الضبع والجميع منهمك في عمله !! وكان خاطر منهمك في عمله في محل النحاسه !! وجاء اليه احد الزبائن !! الزبون : السلام عليكم !! خاطر: وعليكم السلام تفضل عمي !! الزبون : محسوبك ابو ناجي !! خاطر : تشرفنا عمي !! تفضل !! امرني !! ابو ناجي : مو هاد دكان ابو خاطر؟؟ خاطر : وصلت عمي !! ابو ناجي : دخلك وينه ابو خاطر ؟؟ خاطر : الوالد بعافيه شوي وما بيقدر ينزل للمحل !! وانا ابنه خاطر !! بتامرني شي عمي ؟؟ ابو ناجي : سلامته يا ابني !! انا تاجر نحاس واواني !! والي سفريات كثيره بالشام وبرات الشام !! وباحد السفريات بطرابلس التقيت بصهرك رياض !! واشتغلت معه وكان بينا شغل كتير !! وهو بيسلم عليك كتير كتير وبيطمنكم عن حاله !! خاطر : بجد !! يعني شفته لرياض !! ابو ناجي : أي وهو بخير وبيسلم عليكم ! وقلي اذا احتجت شي من الشام فما الك الا دكان ابو خاطر !! احسن واحد بكار النحاس !! ومشان هيك انا جيتك !! خاطر : وصلت عمي !! وصلت !! ابو ناجي : شوف يا ابني يا خاطر !! انا مضطر على طلبية كبيره !! فاذا فيك تعملي اياها في غضون اسبوعين قلي !! خلينا نتوكل عل الله !! وراح ادفعلك السعر اللي بدك اياه !! خاطر : وشو مطلبك عمي؟؟ ابو ناجي : بدي عشرين ابريق قهوه مع صوانيهم وفناجينهم وبدي شي 15 صحن وشوية ادوات نحاسيه !! خاطر: وايمت بدك اياهم عمي ؟؟ ابو ناجي : بعد اسبوعين !! خاطر : مو قليل عمي !! ابو ناجي : والله الوقت ديق علي ! وانا مضطر عليهم كتير !! فاذا كان ما بيطلع في ايدك تخلصهم قلي !! وبعد برهة من التفكير يقول خاطر : ماشي عمي !! باذن الله راح خلصهم !! ابو ناجي : شوف يا ابني يا خاطر !! اللي اوله شرط اخره نور !! انا راح ادفعلك رعبون بس بشرط يخلصو في غضون اسبوعين !! لكن اذا ما خلصتهم فراح تضطر ترجعلي الرعبون وفوق منه ثمن البضاعه !! لانه بهيك بكون انا تورطت ووقعت بمشكله كبيره !! خاطر : ماشي عمي !! باذن الله راح جهزلك اياهم !! ابو ناجي : بس الله يرضى عليك بدي شغل نخب اول !! وما تهتم للسعر !! خاطر : الك الا تكون راضي عمي !! ابو ناجي : وهي رعبون !! تحت الحساب !! وبس يجهزوا بدفعلك الباقي !! يلا بخاطرك !! وقبل ان يمضي بطريقه يقول : صحيح بدي اسالك !! ما بتعرفلي واحد بيبخ بيوت ؟؟ خاطر : والله بالحاره هون ما في !! لكن اذا فيك تروح لحارة ابو النار اللي جنب منا !! هناك بتلاقي واحد يبخلك البيت !! المشهد الحادي عشر / مكتب ابو عزمي !! طلب ابو عزمي من رستم ان يحضر له ابو شاكر من النظاره !! وبعد ان وصل ابو شاكر !! نهض ابو عزمي من مجلسه واقترب منه !!وقال له : شو اسمك ولا حيوان ؟؟ ابو شاكر يصعق من ذلك ويقول : خدامك ابو شاكر !! فيعاجله ابو عزمي بصفعة على وجهه ويقول له بغضب :انا سالتك شو اسمك ما طلبت منك تجاوب !! ابو شاكر يصمت ويكتفي بتحسس خده !! ابو عزمي : هلا جاوب شو اسمك ولا ؟؟ ابو شاكر : ابو شاكر سيدي !! ابو عزمي : لك اذا واحد عسكري من جنودي او من أي كاركون ثاني !! بينخدش !! بخرب الدنيا فوقاني تحتاني !! فكيف لما واحد ينقتل !! ابو شاكر وهو يرتجف : شو شو قصدك سيدي ؟؟ ابو عزمي يعاجله بضرب عن يمين وعن شمال ويقول له : وعم تتغابى علي ولا بغل !! ابو شاكر : سيدي طول بالك !! انا شو عملت ؟؟ ابو عزمي : ولسه بتسالني شو عملت ؟؟ ولك مين انت لتسالني !! مين ولا ؟؟ ليش قتلت العريف نوري !! احكي ولا حيوان " وكان يصرخ " ابو شاكر : سيدي !! خليني بس فهمك شي !! ابو عزمي : ولا !! شو !! شو !! شايفني غبي وبدك تفهمني !!؟؟؟؟ ابو شاكر : العفو سيدي بس ممكن اسالك سؤال !! وهنا يشتاط ابو عزمي غضبا ويقول : شو شو شو؟؟ تسألني؟؟ شو رايك تقعد محلي ؟؟ ابو شاكر : العفو سيدي !! ابو عزمي : لا !! بدك تقعد محلي على الكرسي وتسالني !! يلا لاشوف ابو شاكر : سلامة الكرسي وصاحبه !! بس بترجاك سيدي تسمعني !! ابو عزمي : احكي ولا احكي عم اسمعك !! ابو شاكر : سيدي بتعرف سيادة الكومندان؟؟ يتفاجا ابو عزمي من كلامه ويقول : ومنو انت لتسالني هالسؤال !! منو انت لتجيب سيرة الكومندان على لسانك ؟؟ ابو شاكر : سيدي انا كنت بشتغل في مكتب الكومندان!! ولما قتلت العريف نوري كنت بمهمه خاصه اوكلني فيها سيادة الكومندان !! بعد ان سمع ابو عزمي هذه الكلمات هدأ واتجه الى الهاتف فورا !! المشهد الثاني عشر / بيت ابو خاطر كان ابو خاطر وخاطر وزوجته يتناولون طعام العشاء ابو خاطر : يا بي ! بس الشغل هاد كتير وما فيك تخلصه خلال اسبوعين !! خاطر : والله بعرف يا بي !! ابو خاطر : لكان ليش تورط حالك هالورطه وتاخذ الرعبون ؟؟ الشرط اللي حطه عليك ابو ناجي كبير !! وهيك بينخرب بيتنا يا بي!! خاطر : يا بي !! انا فكرت بالموضوع منيح !! متل مانك شايف !! الشغل داقر !! وهيك فرصه ما لازم نضيعها !! ابو خاطر : طب شو بدك تعمل هلا؟؟ خاطر : ما بعرف يا بي !! بس عم فكر جيب شي واحد معلم ويساعدني بهالطلبيه !! ابو خاطر : مممممممم !! ليش ما تشوف صهرك ؟؟ خاطر : العقيد معتز ؟؟ ابو خاطر : أي معتز !! هو معلم بالكار وما راح يتردد يساعدك !! خاطر : بس يابي انا بخجل احكي مع معتز بهيك موضوع !! خوش هو هلا عقيد !! يعني مو حلوه بحقه !! ابو خاطر : يا بي !! العقيد ابو شهاب الله يرحمه كان يشتغل بعرق جبينه بالبوايكيه ولشو الخجل ؟؟؟ بعدين ليك شايف معتز عم يشتغل عطار مع بيه !! وبعد تفكير يقول خاطر : ماشي يابي !! بس ما راح جيب معتز ليكون اجير !! راح اعطيه نسبه على الطلبيه هاي !! زوجة خاطر : وليش لتعطيه نسبه !!الشغل الك !! اعطيه اجر أي شغيل !! خاطر وبغضب : ولييه !! من ايمت انتي بتدخلي بشغل الرجال؟؟ زوجة خاطر : بعتذرسامحني ابن عمي !! خاطر : يلا قومي تحركي وجيبي كاسة شاي !! العمى على هالقصه !! زوجة خاطر : حاضر ابن عمي " وتقوم من فورها " ابو خاطر : طول بالك يا بي !! شوي شوي على الحرمه ! خاطر : لا يابي !! هاي ما بينحكى معها الا بهالاسلوب !! ابو خاطر : لا حول ولا قوة الا بالله !! المهم يا بي !! لا تنسى بكره تشوف معتز !! واعمل اللي بدك اياه بخصوص حقه بهالطلبيه خاطر : امرك يا بي !! بكره ان شاء الله بشوفه المشهد الثالث عشر / دكان ابو النار وصل ابو ناجي في اليوم التالي لحارة ابو النار واتجه الى ابو النار !! ابو ناجي : السلام عليكم ابو النار : اهلين وعليكم السلام !! امور ابضاي !! ابو ناجي : سمعت انه بحارتكم في واحد بيبخ ناموس !! فيك توصلنا اله ! ابو النار : أي تكرم عيونك عمي !! " وينادي على ابو الحكم "!! ابو الحكم : امور عقيد !! ابو النار : وصل الرجال لبيت النمس !! ابو الحكم : امرك عقيد !! شرف ابضاي من هون المشهد الرابع عشر/محل ابو عصام كان ابو عصام في دكانه وجاءه احدهم !! السلام عليكم !! ابو عصام : وعليكم السلام اهلين عمي !! الرجل : بالله لو سمحت تحطلي شوية بابونج !! ابو عصام : لعيونك عمي !! ويقترب منه الرجل ويقول له : المختار ابو صياح بيقلك بانه رح يكون جاهز بالموعد اللي قلتله عليه !! ابو عصام : وهو كذلك ! سلملي عليه !! ومن ثم يرفع صوته : معافى عمي !! الله معك المشهد الخامس عشر / الكاركون نزل رستم الى النظاره حيث تواجد ابو ذراع !! رستم : ابودراع !! تعى لاقلك !! ابو ذراع : خير رستم في شي !! رستم : لا ما في شي !! بس بدي اسالك ابو ذراع : شو بدك قول؟؟ رستم : كاني حسيت انك بتعرفه لابو عزمي !! ابو ذراع : هااا !! لا لا !! من وين بدي اعرفه !! رستم : لا تجدبها علي !! ابو ذراع : رستم !! خليك بعيد ولاتفوت حالك بهيك قصص !! احسن الك !! رستم : انا بس حبيت اسال !! لانه غريبه واحد مثلك يعرف واحد مثل ابو عزمي !! ويمضي في طريقه !! ابو دراع : دخلك !! وين اخدو لابو شاكر !! رستم : ابو شاكر ؟؟؟ اخلوا سبيله!! ابو ذراع : العمى !! واحد قاتل اثنين وبينهم دركي ويخلوا سبيله !! رستم : أي لكان !! شو متخيل واحد داسوس للفرنساوي يضل محبوس هون !! ابو ذراع : شووووووووو ابو شاكر داسوس ؟؟؟؟ رستم : أي صباح الخيرعمي !! روح روح كمل نومتك !! المشهد السادس عشر /خاطر ياتي لمعتز معتز في دكان ابيه !! وقد اتاه خاطر خاطر : صباح الخير عقييد !! معتز : اهلين ابو الخواطر !! شلونك !! خاطر : والله بالف نعمه وفضل من رب العالمين !! شلونك عمي ابو عصام !! ابو عصام : اهلين عمي خاطر !! شرف لنشرب كاسة شاي سوا خاطر : معلش عمي بس في موضوع مهم حاب احكيه مع ابو العز !! ابو عصام : أي معلش عمي خدو راحتكم !!1انا واصل القهوه وراجع خاطر : لا معلش عمي !! الموضوع بدي احكيه قدامك لانه بيهمني موافقتك كمان !! ابو العز : خير خاطر شو في؟؟ خاطر : كل خير!! صهري !! مبارح اجاني زبون للمحل ووصى على طلبيه كبيره ولازم اسلمها بعد اسبوعين !! والرجال هاد كان اله شرط اذا ما خلصت الطلبيه بظرف اسبوعين لازم ادفعله قد سعرها على مرتين !! معتز : أي !! وليش لتدفعله؟؟ خاطر : هو هيك شرطه !! واللي اوله شرط اخره نور !! ويتابع" وبصراحه ما حبيت اضيع هالطلبيه من بين ايدي !! فوافقت على شرطه !! والرجال اعطاني رعبون !! والطلبيه هاي ما فيي خلصها لحالي!! مشان هيك جيتك على عشم تساعدني فيها !! معتز : عيوني الك بس !! ابو عصام : لا تقعد تبسبس !! روح مع خاطر وخلصوا الطلبيه سوا معتز : بس يابي المحل !! ابو عصام : ما بساير يابي!! انا واخوك مكفيين المحل وزياده !! بعدين انت عندك خبره بكار النحاس !! واذا ما وقفت مع خاطر مين بدو يوقف معو !! خاطر : تسلم يا عمي ابو عصام ! والله تفضلت على راسي من فوق ! ويتابع " بس يا اخي ابو العز انا عندي شرط !! معتز : شو هو !! احكي اخي خاطر ! خاطر : المربح بيتقسم ما بيني وبينك بالنص !! معتز : اعووووووووذ بالله لا والله ما بقبل !! خاطر : هذا حقك يا ابو العز !! !! معتز : لا والله !! محلاني وانا ماخذ النص خاطر : طب بلا من النص !! بعطيك الثلث !! معتز : لا ثلث ولا شي !! انا بشتغل معك فيها وما بدي منك شي !! خاطر : لا هيك والله انا ما بقبل !! على الاقل بعطييك اجرة معلم بالكار !! ابو عصام : خلصنا ليك !! خلاص ابو العز !! لا تعقدها !! اعتبر حالك اجير وسعرك بسعر أي شغيل بالمحل !! المشهد السابع عشر / مكالمه هاتفيه كان الكومندان يحدث ابو عزمي على الهاتف ابو عزمي : أي سيدي !! اليوم راح ادخل على الحاره !! الكومندان : عارف شو بدك تعمل هناك !! ابو عزمي : اكيد سيادة الكومندان !! راح اعمل جوله تفقديه واختار بيت مناسب ليكون كاركون بالحاره !! الكومندان : حلو كثير !! ليك شو بدي قلك !! ابو عزمي : تفضل سيادة الكومندان !! أي !! أي !! ابو عصام ؟؟؟ وشبو هاد؟؟ اها !! ماشي سيدي !! لالا ما راح ااذيه !! اوامركم راح تتنفذ بالحرف الواحد !! احترامي سيدي !! وينهي ابو عزمي المكالمه !! وينادي على رستم : ولا رستم !! يا رستم !! رستم : احترامي سيدي !! اسماع ولا !! انا راح اخذ بعض العناصر واوصل حارة الضبع !! دير بالك على المخفر !! رستم : امرك سيدي !! المشهد الثامن عشر/ النمس ببيت ابو ناجي !! كان النمس ببيت ابو ناجي حيث اتفق مع ابو ناجي بان يبخ له البيت !! النمس : يا لطيييف !! شو هاد يا ابو ناجي !! والله البيت مليان ناموس وهسهس !! شو هاد !! كانك ما بخيته ولا مره بحياتك ابو ناجي : لا مو هيك !! بس انا سفرياتي كثيره !! وقليل لاسكن بهالبيت !! ولاني بدي اقعد بالشام ش يشهر لانه علي شوي شغل فيها !! فقلت لازم بخه !! النمس : والله عين العقل !! لانه يا سيدي لو ما بخيته كان بتصيرالناموسه قد الجحش ! ويتابع !! بس عدم المؤاخذه البيت عندك بده ينبخ كمان مره !!ما بيكفيه مره وحده !! ابو ناجي : أي شو عليه بنبخه مره ثانيه !! النمس : عدم المؤاخذه مين دلكم علينا !! ابو ناجي : والله واحد اسمه خاطر من حارة الضبع !! الي معه شغل !! فسالته عن واحد بيبخ بيوت فدلني عليك !! النمس : ايوااا !! مو هاد النحاس !! ابو ناجي : ايوا هو !! النمس : ودخلك !!كيف شفتلي شغله؟؟ ابو ناجي : والله لسه ما شفت شغله !! بس انا وصيته على طلبيه كبيره على اساس يخلصها بعد اسبوعين !! ومن بعدها بنشوف !! النمس : وبلا صغره هو بيلحق يخلصلك اياها باسبوعين !! ابو ناجي : لا !!بدو يخلصهم !! بالاخص هو مجبور يخلصهم !! النمس : ما فهمت شلون يعني مجبور !! ابو ناجي : لاني حطيت عليه شرط !! النمس : شرط ؟؟ ودخلك !! شو هو هذا الشرط !! المشهد التاسع عشر /الكاركون ابو ذراع يطلب رستم !! ابو ذراع : رستم !! في اطلب منك طلب !! رستم : شو هو !! ابو ذراع : بدي تروح على حارة الضبع عند حمام ابو جاسم !!! رستم : أي ؟؟ ابو ذراع : بدي تشوف صبحي وتحكيله بانه صهرك ابو ذراع عاوزك ضروري ضروي !! وخليه يجي يزورني هون على الكاركون !! رستم : ماشي ! بس لا تخبر حد اني ساعدتك بهالشي !! ابو ذراع: لا ولوو !! روح الله يعمر بيتك !! المشهد العشرون / ابو عزمي يدخل حارة الضبع كان اهالي حارة الضبع منشغلون في اعمالهم كالعاده !! حتى وصل ابو عزمي بقامته الطويله وجسده الضخم !! دخل باب الحاره ووقف على البوابه !! هو ومن يرافقه !! واخذ ينظر الى الحاره بعيون ملؤها الحقد والجحيم !!
| |
| |
|
05-10-2014, 02:42 PM
| #8 | |
| رد : مسلسل باب الحارة الجزء السادس الحلقة السادسة : ظهر في الحلقة الماضيه بان الملازم ابو عزمي رئيس الكاركون الجديد على علم كامل بجريمة مقتل ابو شهاب !! ولكن لم يتضح بعد ما حقيقة هذا الامر !! كذلك جاء احد التجار لحارة الضبع ويدعى ابو ناجي وقد عقد اتفاق عمل مع خاطر !!وقد استعان خاطر بمعتز لاتمام هذا العمل بوقته وقد علم النمس بطبيعة الاتفاق بين ابو ناجي وخاطر حيث قرر ان يقوم بضربته الاولى وذلك بافساد الامر على خاطر !! فماذا سيفعل؟؟ وانتهت الحلقه بمجيء ابو عزمي لحارة الضبع حيث كانت هذه زيارته الاولى للحاره !! وقد قرر ان يختار بيتا ليكون مقرا جديدا لهم في حارة الضبع !! كيف ستكون هذه الزياره ؟؟ لنتابع معا " باب الحاره" " الجزء السادس " !! الحلقه السادسه !! المشهد الاول / ابو عزمي يدخل حارة الضبع كان اهالي حارة الضبع منشغلون في اعمالهم كالعاده !! حتى وصل ابو عزمي بقامته الطويله وجسده الضخم !! دخل باب الحاره ووقف على البوابه !! هو ومن يرافقه !! واخذ ينظر الى الحاره بعيون ملؤها الحقد والجحيم !! التفت اهالي الحاره اليه وترك كل منهم عمله واخذ يلتفت اليه !! تقدم ابو عزمي الى وسط الحاره وكان احدهم يمر امامه بعربته !! فدفشه بعنف وقال له : اسع هيك ولا حيوان !! هم معتز بالتدخل فاوقفه اباه !! ابو عزمي : وين كبير الحاره هون !! تقدم ابو عصام وقال : خير انت مين وشو بدك !! ابو عزمي : انا رئيس الكاركون !! انت ابو عصام ؟؟ ابو عصام : أي انا !! ابو عزمي : بدي اعمل جوله تفقديه بالحاره وبدي حد يجي معي !! تدخل ابو حاتم : ولشو هالجوله هاي ؟؟ نظر اليه ابو عزمي بامتعاض وهم ليضربه !! فصاح ابو عصام : عندك !! مين مفكر حالك انت ؟؟ بتيجي على الحاره باحترام وبتخرج منها باحترام يمتص ابو عزمي غضبه ويقول : ماشي ! بمرقها هالمره !! انا جاي لاختار بيت يكون مقر جديد النا بالحاره !! يعرب الجميع عن عدم رضاهم فيشير ابو عصام اليهم بان لا مانع وان هذا ما تم الاتفاق عليه مع الدرك الفرنسي ابو عصام : بس يكون بعلمك ؟ لاتفكر انك تحط عينك على بيت اهليته فيه !! ابوعزمي : من هالناحيه اطمن ! يلا لاشوف مين بدو يجي معي ؟؟ ابو عصام يشير لعصام بان يذهب معه !! المشهد الثاني / غضب من الرئيس الجديد يقترب ابو حاتم وبعض من كبار الحاره من بعضهم !! ابو حاتم : العمى !! شو هاد ؟؟ ابو عصام : الظاهر كلام ابو جودت مزبوط !! ابو بشير : هاد اللي كان ناقصنا !! ما كنا حاسبين هالشي !! ابو جاسم : يخرب بيته تقول ثور وهايج !! والله ياحليله ابو جودت !! ابو حاتم : ابو جودت بتهت عليه بكلمتين وبتحط بجيبه قرشين وبتوقفه عند حده !! بس هاد !! شو بدنا نعمل معه؟؟ ابو عصام : وكلوا الله !! الله يجيب العواقب سليمه !! المشهد الثالث /دلال قلقه !! ام عصام : شبك يامو مانك على بعضك !! دلال : يامو ! مرت عمي تاخرت كثير !! وخايفه يكون صايرلها شي ام عصام : لا تخافي يا بنتي !! الغايب حجته معه !!1 انتي بس وكلي الله دلال : ونعم بالله !! بس يامو لازم مرة عمي تكون هون من شي10 ايام !! والله بالي مشغول عليها كثير ام عصام : الله يطمنك عليها ان شاء الله يوم ولا يومين بتشوفيها رجعت !! المشهد الرابع / ابو عزمي ينهي جولته !! انهى ابو عزمي جولته في الحاره بصحبة عصام !! وقال : ابو عصام !! شرف معي على الكاركون !! معتز : وين يشرف معكم !! شو بدك فيه لابي ؟؟ ابو عزمي : هاد ابنك ؟؟ ابو عصام : أي ابني !! ابو عزمي : احكيله يضب لسانه بحلقه بلاش يصير شي ما بترضوه !! معتز : شو قصدك ولا !!!انت مين مفكر حالك ؟؟ يقترب ابو عزمي من معتز ويحدق الاثنان ببعضهما واعينهما تقدح شررا !! فيرفع ابو عزمي يده ويهم ليضرب معتز الا ان معتز يمسك يده بقوه ويقوم بانزالها !! معتز : ياللي بدو يرفع ايده علي غير ابي راح بقطعله اياها !! ياتي ابو عصام مسرعا ويحول بينهما ويقول: خلصنا ابو العز !! يتامل ابو عزمي معتز جيدا وكان غاضبا فقال : شو عليه !!بنتقابل يا ابضاي ! ابو عصام : خلصنا ابو عزمي !! انت شو اللي بدك اياه وليش بدك اياني اجي للكاركون !! ابو عزمي : لا تخاف ما راح نعمل معك شي !! هن كلمتين بدنا نحكيهم سوا !! ابو عصام : اوعك تفكر اني بخاف من حدا !! انا ما بخاف الا من اللي خلقني !! ابو عزمي : معناها شرف معي وبدون شوشره !! اهالي الحاره تتعالى اصواتهم : لوين ماخذينه !! شو بدكم منه !! شو عملكم هو !! ما عندكم ذمه ولا ضمير !! ابو عصام يقف ويقول لهم : بس يا جماعه !! ما راح يصير شي !! انت بس اهدوا!! وما راح يصير الا كل خير ! ابو عزمي : هاد هو الكلام !! هيك انت عملت عين العقل ! المشهد الخامس / ما بعد ذلك اهالي الحاره قلقون من اعتقال ابو عصام !! ابو بشير : وكل الله ابو العز وكل الله ابو شوكت !! ابوكم ما بينخاف عليه وان شاء الله ما بيطول وبيرجع !! معتز : اااااااخ بس!! والله لو بايدي لاشخته من النص !! ابو حاتم : روق عقيد!! روق !! دخلك ابو شوكت كيف شفتلي هالفتله تبع رئيس الكاركون !! عصام : سالني عن كل بيت بالحاره وركز بسؤاله على بيت الادعشري وعمته لابو النار !! كمان ابو بكر الطنبرجي وبيت مامون !! ابو جاسم : يعني فكركم راح يختاروا بيت من هالبيوت ؟؟ عصام : والله ما حدا عرفان شي !! المشهد السادس /قلق ام عصام !! وصل خبر اعتقال ابو عصام لام عصام !! ام عصام : العمى شو بدهم منو !! ما خلصنا من كل هالقصص ؟؟ عصام : شو بعرفني يامو !! ما حسنا نعرف شي ام عصام : وكيف تسمحولهم ياخذوا ابوكم قدام عيونكم معتز : يامو !! ابي منعنا نتدخل !! شو كان بايدنا نعمل !! ام عصام : ولي اذا ما رجعوه !! معتز : أي لاااااااا !! والله اذا غابت شمس اليوم وما كان ابي راجع الا احرق الكاركون باللي فيه !! ام عصام : يا ربي !! شو عملنا ليصير فينا هيك !! عصام : وكلي الله يامو !!ان شاء الله ما بتلاقيه الا رجع المشهد السابع /الخطه الاولى للنمس جلس النمس ببيته يفكر بعد الحديث الذي سمعه من ابو ناجي وقال : حلو كثير !! يعني هلا خاطر واقع بورطه ! هو لسه ما وقع !! بس اذا الاسبوعين خلصوا وما خلص الطلبيه !! بكون اتورط !! بس شلون!! شلون يانمس ؟؟ مممم معناها لازم ادخل للحاره وانزعله كل الشغل !! ويتابع : اااااااااه !! الحاره !! شلون بدك تدخل الحاره يا نمس وانت ممنوع من انك تدخلها ؟؟؟ المشهد الثامن / ابو عصام في الكاركون !! ابو عزمي : اسماع يا ابو عصام !! لازم تعرف انت ورجال حارتك بانه زمن اول حول !! ابو عصام : شو قصدك بهالكلام ؟؟ ابو عزمي : يعني العز اللي كنتوا عايشين فيه ايام ابو جودت ولى وراح بلا رجعه !! واذا كان ابو جودت كريم معكم وغطرش كثيير عن اشياء انتوا عملتوها فهذا الشي ما راح يكون عندي ولا معي !! ابو عصام : احنا طول عمرنا ماشين دغري !! وما غلطنا باي شي ابوعزمي : احنا هون بنقرر شو هو الصح وشو هو الغلط مو انتوا !!! لكان ليش احنا فاتحين كاركون ؟؟ ويتابع : وبدي تعرف شي وتحطه انت ورجال حارتك حلق باذنيكم !! ابو عصام : وشوهو ؟ ابو عزمي : لازم تعرفوا انه مصالح فرنسا وحمايتها هي من اولويات عملي وهاي بتكون بالمقام الاول وبعدين المحافظه على الامن في الحاراة الاربعه !! ابو عصام : طب انتوا عندكم كاركون !! واسم الله حوله كبير واسع !! لشو تفتحوا واحد بالحاره ؟؟ ابو عزمي : بظن هذا مو من شغلك ولا من حقك تعرفه !! ابو عصام : يعني هلا انت جبتني هون لتسمعني هالكلمتين ؟؟ ابو عزمي : أي لا !! انا جبتك هون لاخبرك بانه وقع الاختيار على بيت اللي اسمه الادعشري !! ابو عصام : الادعشري؟؟ ابو عزمي : أي !! لذلك ما بدنا مشاكل !! وقت اللي بنيجي نجهز المكان ونتمركز فيه اياكم ثم اياكم حد يعمل مشاكل والا راح تكون العواقب وخيمه عليك وعلى حارتك !! ابو عصام : ماشي !! في اروح هلا ؟؟ ابو عزمي : لا !! ما فيك قبل ما تجاوبني على هالسؤال ؟؟ ابو عصام : اللي هو ؟؟ ابو عزمي : من كم يوم اجاك واحد ملثم عل بيتك !! بنص الليل !! مين هو وشو كان بده ؟؟ ابو عصام يصعق لسماع ذلك ويقول : ملثم؟؟ ما في حد اجاني بهالوقت !! ابو عزمي : متاكد يا ابو عصام ؟ ابو عصام : معلوم متاكد !! الكلام اللي بتحكيه ما في منه بنوب !! ابو عزمي : يعني !! قلنا ممكن يكون واحد من المخربين دخل عندكم هيك ولا هيك ابو عصام : لالا !!! اللي نقلكم الخبر عم يتبلى علينا !! ابو عزمي يبتسم : ماشي ابو عصام !! بتقدر تروح على حارتك !! المشهد التاسع /عودت ابو غالب !! ابو النار في دكانه يتذمر من تاخر ابو الحكم !! وكان يتكلم مع نفسه بصوت مرتفع ويقول : لك تضرب يا ابو الحكم !! لهلا عم تجيب فحم !! العمى والله تاخرت !! اووووووف !! وذهب لبيت النار واخذ يعمل فيه !! وقف رجل على باب محله وقال : هذا ابو الحكم من يوم يومه !!هيك !! بيقعد 100 سنه ليجيب الغرض يلتفت ابو النار الى الرجل الذي كان على الباب ويقول : مش معقوووووووول !! ابو غالب؟؟؟ يا اهلين وسهلين !! والله نورت الحاره ابو غالب : الحاره منوره بعقيدها !! شلونك يا عقيد ؟؟ ابو النار : والله بالف صحه ونعمه من رب العالمين !! انت طمنا عنك !! وين هالغيبه وليش تركتنا ؟؟ ابو غالب : شو نعمل يا عقيد !! رزقتي ما كانت هون فخرجت من الحاره القط رزقي !! ابو النار : لك شو هاد !!مغير حلاسك !! شكلك عامل شغل منيح !! ابو غالب : والله هيك وهيك !! ابو النار : طب شو اللي رجعك لعنا !! يعني مو معقول اشتقتلنا !! ابو غالب : مو بالاول لنشرب كاسة شاي ؟؟ ابو النار : لك احلا كاسة شاي لاحلا ابو غالب !! نورت والله !! المشهد العاشر /في المضافه عاد ابو عصام من الكاركون وفرح اهل الحاره بعودته سريعا !! ودخل ابو عصام للمضافه في اجتماع مع نخبة من رجال وشباب الحاره !! ابو خاطر : يعني هلا هم حطوا عينهم على بيت الادعشري؟؟ ابو عصام : أي والله هيك الظاهر !! ابو بشير : بس والله شي بحير !! ابو عصام : شو في اخي ابو بشير !! ابو بشير : يعني مثل ما بتعرفوا بيت الادعشري جواة الحاره !! يعني اللي بدو يكون فيه ما بيعرف شو بصير بالحاره !! ليش الفرنساوي يختار بيت يكون بهيك وضعيه مع انه غرضهم يراقبوا الحاره ؟؟ يعني كنت بظن راح يختاروا بيت يكون كاشف الحاره وبالتحديد مدخلها !! ابو جاسم : والله ما بنعرف شو غرضهم من كل هالقصه !! هو بس ليذلونا ولا في شي ثاني براسهم !! عبدو : بيكون احسن !! هيك لو حدا دخل او خرج من الحاره ما بيحسوا عليه معتز : يا بي !! في شي مهم انتوا نسيانينه !! ابو عصام : شو هو؟؟ معتز : السلاح كله موجود ببيت الادعشري ابو عصام : شووووووووو ؟؟ ابو حاتم : صحيح والله كيف فاتتنا هاي؟؟ ابو عصام : معناها على الحارك هلا بتنقلوا السلاح !! ابو بشير : وين بدنا نروح بالسلاح؟؟ صافي : بنخرجه من الحاره على حارة المسكي !! ابو حاتم : صعب يا صافي !! الوقت ديق وبنخاف الفرنساوي يشتلق علينا !! هذا اول باشتان !! ثاني باشتان !! يوم يجي الفرنساوي وياخذ بيت الادعشري راح يكتشفوا انه كان فيه سرداب بالبيت !! وراح هالشي يوصلهم لحارة المسكي !! ومو بعيده يقلبوها فوقاني تحتاني ويخرجوا السلاح !! ابو عصام : انا بقول لازم ننقل السلاح لمكان ثاني ويكون امن !! صافي : معناها ما في الا حل واحد !! ابو جاسم : شو هو ؟؟ صافي : ننقل السلاح لبيتي !! خوش ما في الا انا بالبيت !! وبعدين بالبيت عندي مخبأ سري ما بيعرفوا حتى الدبان الازرق !! ابو عصام : شو رايكم يا جماعه ؟؟ الشيخ عبد لعليم : ونعم الراي !! بس ضروري تنقلوا السلاح الليله وما تخلوا أي واحد يحس عليكم !! ابو عصام : صافي عبدو ابو العز !! بتنقلوا السلاح !! وما بدي اي واحد مو موجود بهالاجتماع يدرى بشي او يحس باي شي مين من كان يكون !! صافي : معناها يا رجال اسمحولنا !!خلونا نروج نجهز المخبأ انا والشباب !! ابو عصام : تيسروا !! الله معكم !! وبعد ان يذهب الشباب يقول ابو عصام : يا رجال في شي ثاني مهم لازم نحكي فيه !! ابو بشير : خير اخي ابو عصام شو هو؟؟ ابو عصام : الحاره فيها داسوس !! يقف الجميع من وقع الخبر !! ابو حاتم : داسوس ؟؟ منو هاد !! وشلون؟؟ ابو عصام : هي اللي ما بعرفه واللي بدو يطيرلي ضمانات عقلي !! الشيخ عبد العليم : وانت كيف حسنت تعرف انه في داسوس بالحاره ؟؟ ابو عصام : مثل ما قلتلكم من كم يوم اجاني مرسال من الغوطه !! اليوم ابو عزمي سألني عنه ومين بكون!! ابو جاسم : العمى !! وشو عرف ابو عزمي بهيك موضوع ؟؟ ابو عصام : ما هاد هو السر !! لولا انه في داسوس بالحاره ولا كان ابو عزمي من وين بدو يعرف !! ابو بشير : معناها لازم ناخذ حذرنا منيح !! وبالذات انت اخي ابو عصام !! الظاهر هالداسوس حاطط عينه على بيتك !! ابو خاطر : طب يا جماعه اليوم الشباب راح ينقلوا السلاح كيف بدنا نضمن انه ما يكون حد مراقبهم وبالاخص هاد الداسوس ياللي بتحكوا عنه ابو عصام : انا برايي بالوقت اللي بيكون فيه عبدو وصافي ومعتز بينقلوا السلاح لازم قبل من هالشي وبعده يكون خاطر وبشير وابو ديبو وعصام يتفتلوا بالحاره ويراقبوا كل حركه فيها لبين ما يتم هالامر !! ابو حاتم : وهو كذلك المشهد الحادي عشر /قصة ابو غالب ابو غالب : ومن بعد ما استقريت بحلب فتحت محل حمصاني هناك !! والحمد لله اشتغلت منيح وضبيتلي قرشين !! ابو النار : وشو اللي رجعك للحاره دام انه شغلك ماشي بحلب؟؟ ابو غالب : اااخ يا ابو النار اااااااخ !! المثل بقول اللي ماله حظ لا يتعب ولا يشقى ابو النار : خير ابو غالب شو صاير معك؟ ابو غالب : الفرنساوي !! ابو النار : العمى على هالسيره شبو الفرنساوي ؟؟ ابو غالب : ما بعرف كانهم حاطين محطتي !! بالفتره الاخيره صاروا يديقوا علي !! ابو النار : كيف يديقوا عليك ؟؟ ابو غالب : يعني كل مره بيطلعولي بحجه لحتى خلوني اسكر المحل !! ابو النار : العمى على هالقصه وشو بدهم منك؟؟ ابو غالب : والله انا احترت كثير وما عرفت ليش بيعملوا معي هيك !! قلت خليني اغير هالقرنه وادور على شي مطرح ثاني !! انتقلت لحمص !! وفتحت محل هناك !! ولسه يا دوبني عم جهز بالمحل سكرولي اياه !! حتى بيتي صادرولي اياه وحكولي هذا ارض وقف للحكومه !! ابو النار : لك معقول اللي بتحكيه؟؟ ليش شو عاملهم؟ ابو غالب : والله ما بعرف !! لك عمري ما تدخلت بالمشاكل ولا اشتغلت مع الثوار ولا حتى دعمتهم بشي فرنك !! ليش يعملوا معي هيك ؟؟ ما حسنت اعرف !! ابو النار : لك لا يكون حد مستقصدك ؟؟ ابو غالب : فكرت بهالموضوع بس ما حسنت اعرف شي !! وهنا يصل ابو الحكم ومعه كيس الفحم ابو النار : شرف مين جاينا الله ما كان جاب الغلا !! ابوالحكم : والله يا عقيد اللي اخـ.... !! وينتبه لابو غالب فيصرخ : معقول ؟؟ ابو غالب؟؟ المشهد الثاني عشر /رستم يبحث عن صبحي جاء رستم الى حمام ابو جاسم !! رستم : السلام عليكم ابو جاسم : خير اللهم اجعله خير !! وعليكم السلام !! خير شو في؟؟ رستم : يا ترى صبحي هون؟؟ ابو جاسم : خير شو بدك منه !! رستم : لا يروح فكرك بعيد !! انا هون مو بمهمه رسميه !! انا جاي لامر خاص مع صبحي !! ابو جاسم : ايوا !! قلتلي خاص !! يا صبحي !! صبحي !! وجاء صبحي : امرك عمي ابو جاسم !! ابو جاسم : العريف رستم عاوزك بامر خاص !! صبحي : خير شو في ؟؟ يقترب رستم من صبحي ويقول له : صهرك ابو ذراع عاوزك بامر ضروري !! وقال بدو منك تجي تزوره عل الكاركون باسرع وقت !! صبحي : يا لطيف خير شو في؟؟ رستم : والله ما بعرف !! صبحي : ماشي كثر الله خيرك !! رستم : بس يستر على عرضك بلاش ابو عزمي يعرف اني جيتك !! صبحي : لا تخاف ولا يهمك !! وبعد ان يذهب رستم يقول ابو جاسم : خير ابو عناد !! شو كان بدو رستم؟؟ صبحي : ابو ذراع بدو اياني زوره بالنظاره!! ابو جاسم : ابو ذراع؟؟ وشو بدو هاد الثاني؟؟ صبحي : والله ما بعرف !! المشهد الثالث عشر / نقل السلاح قام كل من صافي ومعتز وعبدو بنقل السلاح من بيت الادعشري ووضعوه في مخبأ ببيت صافي !! بينما تكفل بقية شباب الحاره بمراقبة ازقة الحاره خوفا من ان تكون هناك عين ترصدهم !! وتم الامر على اكمل وجه وبدون أي مشاكل !! وبعدها قام الشباب بردم ما يستطيعون ردمه من السرداب المحفور ببيت الادعشري !! المشهد الرابع عشر / مساعده عاجله جاء رجل من حارة الماوي الى ابو عصام في دكانه السلام عليكم ابو عصام : وعليكم السلام اهلين عمي !! الرجل : بعثني المختار ابو صياح لعندك !! وهو تعبان كثير فلو تكرمت تيجي وتكشف عليه على الحارك !! ابو عصام : خير ان شاء الله خير !! يلا تكه بس اجهز شنطتي بجي معك ! ويتابع : يابي عصام دير بالك على الدكان !! انا واصل حارة الماوي لاشوف ابو صياح !! الظاهر انه تعبان عصام : مهونه يا بي !! المشهد الخامس عشر / الكومندان وابو شاكر ! الكومندان : انا كلفتك انت وابو الورد بحماية الملازم نمر !!وانتو فشلتوا فشل ذريع بهذا الامر ابو شاكر : سيدي رجال حارة الضبع كانوا شاكين فينا !! وبعدين من وين كنا بنعرف انه راح يطلعلنا واحد اسمه ابو دياب؟؟ هو اللي كشفنا !! الكومندان : ممم على كل !! انت هلا انكشفت !! وما بينفع ترجع للحاره !! لذلك انا راح اكلفك بمهمه ثانيه بمكان تكون بعيد فيه عن العيون !! المشهد السادس عشر /اللقاء بين ابو ذياب وابو عصام التقى ابو عصام وابو ذياب حسب الاتفاق فيما بينمها ببيت ابو صياح !!وذلك حتى يكونوا بعيدين عن الاعين !! ابو عصام : والله الك وحشه يا ابو ذياب !! ابو ذياب : انت اكثر عمي ابو عصام !! ابو عصام : شوف لاقلك ابو ذياب !! مثل ما انت بتعرف !! الحاره من وقت قصير خرجت من الحصار !! والفرنساوي حط علينا شروط من ضمنها انا ما نتعاون معكم وطبعا احنا ما راح نرد عليهم !! بس بالايام الجايه راح ناخذ حذرنا اكثر من اول لانه العيون علينا !! وخوش انه في داسوس جديد بالحاره ما بنعرف مين هو !! ابو ذياب : العمى !! داسوس ؟؟ لك شو هاد من وين بيطلعوا هدول ؟؟ ابو عصام : عمي دام انه البلد محتل فالعواينيه كل يوم بينولدوا !! بس كمان طول ما البلد محتل فالرجال امثالك ما بيخلصوا !! ابو ذياب : عمي ابو عصام !! شو انت بتامر احنا طوع امرك !! ابو عصام : بهالوقت هاد بدكم تصبروا علينا شوي !! بس في شي يمكن يحل المشكله ابو ذياب : شو هو ؟؟ ابو عصام : السلاح اللي عنا بالحاره اذا ضل فيها يمكن يوقع بايد الفرنساوي وهيك راح نخسره وما راح نستفاد منه !! لذلك بس يروق الحال شوي وتخف العيون عنا راح ننقله لعندكم !! ولما نجهز بنبلغكم بهالشي ابو ذياب : مثل ما بتامر عمي ابو عصام !! يلا توصيني بشي ؟؟ ابو عصام : دير بالك على حالك وعلى الشباب !! سوريا امانه بايديكم !! ابو ذياب : دعواتك عمي !! يلا بخاطركم !! المشهد السابع عشر / صبحي يتوجه للكاركون توجه صبحي الى الكاركون بعد ان اخبره رستم بان ابو ذراع يريد مقابلته !! رستم يطرق باب ابو عزمي !! ابو عزمي : فوت يا ابني !! رستم : احترامي سيدي!! ابو عزمي : احكي شو عندك ؟؟ رستم : سيدي في واحد اسمه صبحي طالب مقابلتكم !! ابو عزمي : صبحي ؟؟ خليه يفوت !! رستم : امرك سيدي !! احترامي !! وجاء صبحي !!وقال : السلام عليكم ابو عزمي : وعليكم !! خير مين انت وشو بدك ؟؟ صبحي : انا صبحي من حارة الضبع !! ابو عزمي : لك يا اهلين بحارة الضبع واهلها !!شو بدك؟ صبحي : بدي شوف ابو ذراع !! ابو عزمي يخرج عن هدوئه ويتكلم بحديه : ولااااك !! لا يكون مفكر حالك داخل زريبه " ويبدا بالاستهزاء من صبحي " بدي شوف ابو ذراع " هون في احترام ، في ادب !! بتقول لو سمحت !! من بعد اذنك !! دخيل عيونك !! لا وشو بدي شوف ابو دراع ! ما ضايل الا تقلي يا ولد هات ابو ذراع بدي شوفه صبحي : بنعتذر منك !! اللي ما بعرفكم بيجهلكم ابو عزمي : ايوااا !! سمعني لاشوف صبحي : لو سمحت من بعد امرك فيي شوف ابو ذراع ؟؟ ابو عزمي : وحضرتك شو بتكونله لابو ذراع؟؟ صبحي : ابو ذراع بكون صهري !! ابو عزمي : ايوا !! بس الزياره ممنوعه !! صبحي : بس !! فيقاطعه ابو عزمي : لا بس ولا شي !! شو بهيم انت؟؟ عم قلك ممنوعه يعني ممنوعه !! المشهد الثامن عشر /ابو خاطر يزور دكان النحاسه كان كل من خاطر ومعتز وبعض من العمال منهمكون في عملهم لتجهيز طلبية ابو ناجي !! فوصل ابو خاطر!! نهض خاطر من مجلسه وذهب لابيه وقبل يديه وقال : شرف يا بي !! شرف على مكتبك !! المحل نور والله ابو خاطر : الله يرضى عليك يا ابني !! اه احكيلي شلون الشغل ؟؟ خاطر : والله الشغل ماشي عال العال !! وبعدين ابو العز مانو مقصر وباذن الله بتخلص الطلبيه يوقتها !! ابو خاطر : كيفك يا معتز ؟ معتز : الله يديمك عمي ابو خاطر !! الحمد لله تمام !! ابو خاطر : شو يا خاطر !! شايفلي معتز نسي كار النحاس ولا بعده متذكره ؟؟ خاطر : والله يا ابي ابو العز زكرت وبيعجبك !! وهالكار متأصل فيه !! تقول خلق اله !! ابو خاطر : الله يرضى عليكم يا بي !! الله يوفقكم المشهد التاسع عشر / صافي يرى ابو شاكر كان صافي في المطحنه منهمك بعمله !! وكان معه ابو بدر !! وحين التفت صافي الى خارج المطحنه شاهد ابو شاكر !! وكان واقف في احد الاركان وكانه يراقب احدا !! وما هي الا لحظات حتى ياتي احد الزبائن للمطحنه !! ياخذه صافي عل احد الزوايا ويكلمه سرا !! ومن ثم يذهب !! ابو بدر : منو هاد ؟؟ وليش اخذته على جنب ؟؟ صافي : يستر على عرضك ابو بدر !! شي مالك فيه لا تدخل فيه !! ابو بدر : شبك صافي ليش زعلت ؟؟ ويتابع : صافي شو بدي قلك !! صافي : قول !! شو بدك تحكي !! ابو بدر : بتظن انه فريال خانوم كانت تعرف انه مامون بيك داسوس للفرنساوي؟؟ هنا ينظر صافي لابو بدر بعينين غاضبتين ويقول : ولااااا !! من وين جايب هالحكي؟؟ ابو بدر : الله وكيلك مو انا !! بس فوزيه خبرتني بانه فريال خانوم كانت بتعرف انه مامون داسوس !! صافي: ومن وين جابت مرتك هالكلام ؟؟ ابو بدر: نسوان الحاره هيك بيحكوا !! ومنشان هيك ما عم حدا يزورها صافي: ولا ابو بدر !! بتحكي لمرتك تضب لسانها !! واش كان بسمع منك هيك حكي مره ثانيه بقصلك لسانك فهمان ولاااااا ابو بدر : لك شو حكيت انا ؟؟ صافي: ولا !! شو شو حكيت !! من امتى تعودنا نجيب سيرة الحريم على لسانا !! بعدين الكلام اللي بتحكيه كبير !! كبير كثير !! ويا يلك لو حد من الحاره سمعك ! راح يقص لسانك !! المشهد العشرون /ابو عزمي يتمركز في الحاره جاء ابوعزمي ومعه عدد كبير من الدرك ومعهم بعض المعدات الاوليه لتجهيز بيت الادعشري ليكون مقرا جديدا لهم بالحاره !! وحينما كان عمال الدرك منشغلون بتجهيز المكان ذهب ابو عزمي الى وسط الحاره !!وخطب في الجميع !! اسمعوني يا اهل حارة الضبع !! من اليوم وطالع راح تشوفني دايما بوجوهكم !! واياكم تفكروا اني ضيف ثقيل !! او حتى خفيف عليكم !! لا !! انا مو ضيف !! انا راح كون شوكه بحلق كل واحد بيعارضني او ما بنفذ اوامري وياللي بيشرف عندي بالكاركون سواء بالكاركون الرئيسي او حتى هون فبتكون امه داعيتله !! وهنا ياتي ابو عصام ويقول : اسماع ابو عزمي !! هالتهديد والوعيد مردود عليك !! وما في لزوم لكل هالكلام !! ابو عزمي : انت اسماع يا ابو عصام !! حبيت احكي هالكلمتين مشان كل واحد يعرف حده !! ولا يجي حد يلومني على أي شي بيصير بعدها !! ابو عصام : دام انت ورجالك ما اذيتوا حد فما حد راح يتعرضلك انت ورجالك !! بس يكون بعلمك !! اوعك تفكر انه اللي عم تلعي فيه بيخوفنا او بيذلنا !! واش كان سمحنالك تدخل الحاره وتفتح فيها كاركون فمو معنى هالكلام انك تسرح وتمرح على كيفك !! ابو عزمي : اها !! حلو يعني اعتبر هالكلام تهديد ؟؟ ابو عصام : اعتبره مثل ما بدك !! ابو عزمي : ماشي !!ماشي يا حارة الضبع !! راح نشوف المشهد الحادي والعشرون /مكتب الكومندان !! كان الكومندان يكلم المندوب السامي على الهاتف الكومندان : اطمئن سيدي !! الخطه تسير وفق ما خططتم لهه !! نعم !! نعم سيدي !! واحب ان اطمئنكم بان المدعو ابو غالب اصبح في الحاره الان !! وقريبا ستسمعون اخبارا تسركم !!
| |
| |
|
05-10-2014, 02:44 PM
| #9 | |
| رد : مسلسل باب الحارة الجزء السادس الحلقة السابعة في الحلقة السابقه وضع الفرنساوي عينيه على بيت الادعشري ليكون مقرا جديدا للكاركون في حارة الضبع !! حيث قام ابو عزمي بزيارته الاولى للحاره وكاد ان يتعارك مع معتز لولا تدخل ابو عصام والذي اعتقل بدوره لوقت قصير حيث اتضح ان هناك داسوس في حارة الضبع بناء على الحوار الذي دار بينه وبين ابو عزمي!! من ناحية اخرى اخذ النمس يفكر بجديه بضرب حارة الضبع من خلال خاطر حيث انه يفكر بتخريب عمله وافساده ولا زال يفكر بطريقة تساعده للدخول الى الحاره التي منع من الدخول اليها !! من ناحية اخرى عاد ابو غالب الى الحاره بظروف غامضه حيث قام الفرنساوي بالتضيق عليه واجبره عل العوده على حد تعبيره !! وقد حاول صبحي زيارة ابو ذراع في سجنه بطلب منه عن طريق رستم لكن ابو عزمي رفض الزياره !! ومن جهة اخرى تقابل ابو عصام مع ابو ذياب وتباحثا بامر السلاح وكيفية مساعدة الثوار !! اما ابو شاكر فقد تم اطلاق سراحه واوكل اليه الكومندان مهمة جديده !! وقد رآه صافي صدفة امام مقر عمله حيث اتى رجل غريب لزيارته وحدثه صافي سرا بامر ما !! فمن يكون الرجل الذي قابله صافي؟؟ وهل اخبره صافي بانه راى ابو شاكر؟؟ لنتضح حقيقة كل شيء عبر هذه الحلقه ونرى ما الذي سيفعله ابو عزمي بالحاره بعد ان استقر بها باب الحاره " الجزء السادس " الحلقه السابعه " المشهد الاول / مكتب الكومندان !! كان الكومندان يكلم المندوب السامي على الهاتف الكومندان : اطمئن سيدي !! الخطه تسير وفق ما خططتم له !! نعم !! نعم سيدي !! واحب ان اطمئنكم بان المدعو ابو غالب اصبح في الحاره الان !! وقريبا ستسمعون اخبارا تسركم !! المشهد الثاني / الغوطه يصلهم خبر عن ابو شاكر !! ابو ذياب : متاكد انه ابو شاكر ؟؟ احد الرجال : أي !! اللي وصللنا الخبر متاكد 100% ابو ذياب : حلو كثير !! معناها يا رجال بدي اثنين ابضايات يروحوا معي اليوم المساء !! بدنا نصفي حسابنا مع هالواطي !! المشهد الثالث /ابو غالب في حارة الضبع دخل ابو غالب الى حارة الضبع بعد فترة غياب طويله !! ابو مرزوق : يا ريان احمر يا ريان !! تفضل ابو عمر !!احطلك شوية بطاطا على شوية فواكه ؟؟ ابو عمر : لا يسلموا ايديك ما بدي ابو مرزوق : أي بتوفر !! يا ريان احمر يا ريان وياتي ابو غالب : السلام عليكم !! ابو مرزوق : وعليكم الس!!! اهلييييييييييييييين ابو غالب !! معقول هاد انت؟؟ ابو غالب : بالمهلي !!شلونك ابو مرزوق !! ابو مرزوق : والله بنحمد الله !! شو ايمتى رجعت ؟؟ ابو غالب : والله مبارح !! ابو مرزوق : أي الف الحمد لله على السلامه ابو غالب : الله يسلمك !! ويتابع : شو !! سمعت انه الحكيم ابو عصام طلع عايش ورجع للحاره !! ابو مرزوق : أي والله !! الحمد لله اللي رجعلنا اياه سالم !! ابو غالب : ماشي ابو مرزوق خليني روح سلم عليه ومن بعدها اشربلي كاسة شاي عند اخي ابو حاتم !! ابو مرزوق : أي الله معك !! وبعد ان يذهب ابو غالب يقول ابو مرزوق : العمى !! شو جابه هاد بهالوقت !! شكلها المشاكل راح ترجع !! الله يجيرنا !!! ويصيح : يا ريان احمر يا ريان !! المشهد الرابع / بيت ام بشير ام بشير : شو يا ام زكي !! جميله ولاده ؟؟ ام زكي : أي لا بعدها !! بس الظاهر عن قريب راح تولد !! ام بشير : والله فكرتها ولاده !! لانها كانت تتوجع كثير !! ام زكي : هاد كله وهم !! لانها ناطره المولود فكل ما توجعت بتفكر حالها بدها تولد !! ام بشير : متاكده يا ام زكي ام زكي : شبنا ام بشير !! عم قلك لسه ما حان الوقت !! وبعدين خليها تتفتل بالديار وتتمشى !! كل ما مشيت بيسهل عليها الولاده !! ام بشير : الله يطمنك يا ام زكي !! ام زكي : ان شاء الله بتقوم بالسلامه !! وهلا قومي اعمليلي فنجان قهوه !! حاكم مادري ليش هافه على نفسي كثير هالقهوه بهاليومين !! المشهد الخامس / بيت ابو عصام طرق احدهم الباب ام عصام : دلال شوفي مين على الباب دلال : امرك يامو !! تذهب دلال لتفتح الباب : ميين رجل غريب: يا اختي هون بيت الحكيم ابو عصام؟؟؟ دلال : ايوا مين حضرتك ؟ الغريب: دخلك بنته دلال موجوده؟؟ دلال : أي انا دلال خير؟؟ الغريب : العمر الك يا اختي !! ام ابراهيم عطتك عمرها بالحج دلال تصرخ : ولييييي !! المشهد السادس / قهوة ابو حاتم جاء حدو ومعه كأسا من الشاي وقال : شرف عمي ابو غالب !! ابو غالب : يسلموا !! دخلك ابو حاتم !! منو هاد ؟؟ ابو حاتم : هاد حدو من حارة المسكي !!صرله مده بيشتغل بالقهوه !! بس زكرت وابضاي وبيرتكن عليه ابو غالب : وبلا صغره !! وينه مسلم ؟؟ يطأطيء ابو حاتم راسه ويقول بحزن : مسلم عطاك عمره !!استشهد وهو عم يدافع عن الحاره ابو غالب : لا حول ولا قوة الا بالله !! الله يرحمه ! ويتابع : ابو حاتم ما لازم تزعل عليه !! مسلم مات موته بتشرف !! لازم تفرحله ابو حاتم : أي والله عم تحكي درر يا ابو غالب !! لك على فكره !! بشوف لسانك متغير !! خير شو القصه !! ابو غالب : والله يا ابو حاتم السفريه الاخيره علمتني اشياء كثير !! واكتشفت انه محبة الناس هي راس مال الرجال وبدونها ما بيقدر يعيش !! ابو حاتم : كلامك مدوزن وعلى التمام !! بس ما قلتلي شو ناوي تعمل ؟؟ ابو غالب : قبل كل شي نويت افتح صفحه جديده وبيضه مع حارة الضبع !! ومن بعدها بدي شوف شي قرنه اترزق فيها !! ابو حاتم : راح ترجع للبليله ؟؟ ابو غالب : هيك شي !! بس مو مثل اول ابو حاتم : ما فهمت عليك ابو غالب : بكره بتشوف !! يلا هلا اسمحلي !! ابو حاتم : بكير ابو غالب !! ابو غالب : لا معلش بدي روح اتيسر !! ابو حاتم : الله معك !! وبعد ان يذهب يقول في سره " معقول يا ابو غالب راح تتغير ؟؟ ولا راح تجيبلنا وجع الراس مثل اول ؟؟ المشهد السابع / مقتل ابو شاكر تسلل ابو ذياب وبعض من رجاله الى المنطقه التي كان فيها ابو شاكر !! وكمنوا له في احد الازقه وما ان خرج حتى احاط به رجال ابو ذياب !! فتقدم ابو ذياب نحوه ابو شاكر : مين انتوا !! ابو ذياب : والله زمان يا واطي !! " ويكشف عن وجهه " ابو شاكر : ابو قاعود ؟؟ ابو ذياب : لا مو ابو قاعود ؟؟ ابو ذياب يا قليل الوجدان والنامو س !! ومن ثم يطلقوا النار عليه ويفروا هاربين !! ويسقط ابو شاكر مضرجعا بدمائه المشهد الثامن / بيت فريال خانوم !! ام زكي : شبك فريال !! ليش مانك على بعضك !! فريال : والله مقهوره كثير !!كل ما اتذكر هذا الواطي مامون وشلون كان بيبتي بحس حالي بدي طق ام زكي : شبك انتي الثانيه !! ما حلك تنسي هالقصه فريال : وكيف بدي انساها؟؟ !! لك اذا انا نسيتها الحاره ما راح تنساها !! ام زكي : أي لا !! انتي عم تبالغي كثير!! ما عاد حدا بالحاره يحكي عنه او يجيب سيرته فريال : لكان شو بتفسري قطيعة نسوان الحاره لالي ؟؟ ام زكي : شلون يعني؟؟ فريال : من بعد هديك الحادثه ما عاد وحده فيهم دقت باب بيتي !! ام زكي : أي لا !! اكيد عم تتوهمي !! ما انتي شفتي شلون الحاره كانت والظروف اللي مرت فيها الحاره ! فريال : ام زكي !! لا تجدبيها علي !! لكان كيف انتي بتيجي تزوريني ؟؟ وبعدين ليش نسوان الحاره ما بيبطلوا يروحوا عند ام عصام وام حاتم وام بشير ؟؟ ام زكي : ومين حكالك هالشي ؟؟ فريال : انتي يا ام زكي !! المشهد التاسع / دلال حزينه ام عصام : طولي بالك يا بنتي !! هيك نصيبها !! ادعيلها بالرحمه دلال : ااااخ يامو !! شو كانت متمنيه تشوف ابراهيم الصغير !! ولي عليها مرة عمي !! الله يرحمها !! ام عصام : لا حول ولا قوة الا بالله !! هيك الله كتب !! والحمد لله على كل شي !! المشهد العاشر /حملة تفتيش !! خرج ابو عزمي من مكتبه بعد مكالمه تلفونيه قد جائته !! وجمع الدرك من حوله واتجه الى وسط الحاره !! واتجه الى دكان ابو عصام !! ابو عصام : خير ابو عزمي شو في؟؟ ابو عزمي : جاي اقش !! ابو عصام : تقش دقنك؟؟ أي اقعد ارتاح ابو عزمي : لا !! بدي قش الحاره !! ابو عصام : ما فهمت عليك !! ابو عزمي : اجتنا اخباريه بانه الحاره فيها سلاح وبدي فتش بيوت الحاره بيت بيت !! ابو عصام : لا هالكلام ما في منه بنوب !! وكله تبلي بتبلي !! " ويرتفع الصراخ فيما بينهما فيتجمع كل رجال الحاره !! ابو عزمي : ابو عصام !! رفضك لامر الكاركون بيأكد انه الحاره فيها سلاح ابو عصام : لا !! هالكلام مو صحيح بنوب !! هي الحاره قدامك فتشها مثل ما بدك !! ابو عزمي : أي شو عليه !! طبعا راح فتشها وراح ابدا ببيتك !! ابو عصام : أي شرف " ويتجهون نحو بيته !! المشهد الحادي عشر / قلق الحاره ابو حاتم يقرب صافي نحوه ويقول : صافي !! السلاح بعده ببيتك ما؟؟ صافي : أي لكان عمي ابو حاتم !! ابو حاتم : العمى !! صافي : لا تخاف عمي ابو حاتم !! حتى لو دخل ابو عزمي للبيت ما راح يطلع معه شي ابو حاتم : الله يجيب العواقب سليمه ! ومن بعدها ياتي ابو عزمي ويامر رجاله بان يفتشوا الحاره بيتا بيتا !! وتبدا عملية التفتيش !! المشهد الثاني عشر / ام جوزيف جاءت ام جوزيف لبيت ام عربي وكان هذا الحوار ام جوزيف تخاطب حسنيه : ليك بنتي !!انا مبارح كنت بحارة الضبع !! وعن قريب راح تتزوجي من صبحي حسنيه : خالتي ام جوزيف انتي بتعرفيه لصبحي ؟؟ ام جوزيف : والله يا بنتي انا ما بعرفه !! بس اللي بعرفه انه زكرت وابضاي وبينشد فيه الضهر ام عربي : ما عرفتي وين بدها تسكن ؟؟؟ يعني عنده بيت ولا راح تعيش عند حماتها ام جويف : والله اللي عرفته انه ابوه وامه متوفين وعنده اخت متزوجه !! يعني وحداني واله بيت بحارة ابو النار !! فالله يرضى عليك يا بنتي بتدي بالك على جوزك وعلى بيتك !! وشو ما حكالك بتقوليله امرك ابن عمي ! قلك هذا اللبن ابيض بتحكيله ابيض !! قلك اسود بتحكيله اسود !! حسنيه : ماشي خالتي ام جوزيف !! ام جوزيف: ايوا !! بدي اياك ترفعي راسي !! وحطي ببالك انا ما بجوزك أي جوزاه ! يعني لولاي وثقانه من اهل الحاره وهالشب ولا كان ما زوجتك اياه ام عربي : الله يخليلنا اياك يا خاله ام جوزيف !! المشهد الثالث عشر/ استمرار التفتيش !! اتي ابو عزمي وسط الحاره !! وووجه كلامه الى الحاضرين ابو عزمي : انت وين بيتك عبدو : ليك بالقرنه الثانيه !! ويخبر بعض العساكر : روحوا معه لعند بيته وفتشوه ابو عزمي : وانت وين بيتك ؟؟ صافي " يرتبك " : ب ! ب !! بطراف الحاره !! ابو عزمي : امشي قدامي ورجيني وين بيتك تظهر حالة القلق على ملامح كبار الحاره !! ويمضي ابو عزمي مصطحبا بعض العساكر وصافي لبيته المشهد الرابع عشر /الغوطه !! ابو ذياب : قسام ! شو اخبار السلاح ؟؟ قسام : عنا نقص بالسلاح !! والفشك اللي عنا بيكفينا لمواجهتين او ثلاث مع الفرنساوي !! ابو ذياب : مو مشكله !! السلاح عن قريب بيجي !! والقياده وعدتنا بتامين الفشك خلال اسبوعين !! المهم بتحرصوا على السلاح منيح !! قسام : امرك اخي ابو ذياب !! المشهد الخامس عشر /العثور على السلاح ببيت صافي !! استمر التفتيش ببيت صافي في كل ناحية في بيته!! ولحظات حتى يكتشف احد العناصر مكان تواجد السلاح احد العناصر : سيدي !! وجدنا السلاح !! ياتي ابو عزمي مسرعا ويتامل السلاح وفي عينيه نشوة النصر !! ويتابع : شو اسمك ولا ؟؟ صافي: صافي سيدي ؟؟ ابو عزمي : وشو هاد اللي ملحوش ببيتك ؟؟ صافي : سيدي !! وو وو والله ما بعرف ابو عزمي : اخراس " ويصفعه على وجهه !! اشحطوه لهالواطي لبره !! وحرزوا على السلاح !! المشهد السادس عشر / كارثه على حارة الضبع خرج ابو عزمي لوسط الحاره !! ابو عزمي : مشان تعرفوا انا ما بنتبلا على حدا !!وهي شوفة عينكم لقينا السلاح ببيت صافي !! واكييد !! اكيد السلاح مو لصافي لوحده ! يعني راح نعرف كل واحد اله علاقه بهالسلاح وراح نشحطه للكاركون !! الصدمه تظهر على اهل حارة الضبع ولا يتكلمون بحرف واحد ابو عزمي : ويكون بعلمكم !! ما راح اشحط صافي للكاركون الرئيسي !! لاا! راح نحقق معه ونسجنه هون بالحاره بالكاركون الجديد !!منشان يكون عبره لغيره !! والله وقعتوا وما حدا سمى عليكم يا حارة الضبع المشهد السابع عشر /الاخبار تاتي للكومندان !! الكومندان يتكلم على الهاتف الكومندان : مين؟؟ ابو شاكر؟؟؟؟ ويقف من مكانه !! ويقول : وين لقيتوه ؟؟ ويصرخ : اغبياء !!وما عرفتوا مين وراء هالقصه؟؟ ممم !! ماشي ماشي !!شوف شغلك " ويغلق الهاتف " ومن ثم يقول : بسيطه يا ابو ذياب انت والمخربين اللي معك !! عن قريب راح يجي يومكم !! وهنا يدخل الملازم فادي فادي : احترامي سيدي الكومندان : شو في فادي ؟ فادي : اجتنا هاي الرساله من مكتب ابو عزمي !! يقرا الكومندان الرساله وتظهر السعاده عليه ويقول : حلو !! حلو كثيركثير !! كل شي ماشي مثل ما بدنا المشهد الثامن عشر / قضية الداسوس تثار مره اخرى يقف الجميع في المضافه بحيرة من امرهم ابو جاسم : العمى !! شو عرفهم انه في سلاح بالحاره؟؟ ابو بشير : شلون قدروا يوصلوله !! ما صافي حكالنا انه المخبا امن كثير ابو عصام : هاللي صار اليوم بياكد انه في داسوس بالحاره !! لكان و خبرهم بكل هالشي؟؟ ابو حاتم : مين بدو يكون هااااد !! ما حدا غريب دخل علينا لنشك بامره !! معتز : امبلا !! ابو غالب!! ابو عصام : لالا يامعتز !! صحيح ابو غالب كان مشكلجي بس ماله خوان بنوب !! بعدين الداسوس من جوات الحاره !! عبدو : وشلون بدنا نعرف انه من برات الحاره او من جواتها عمي ابو عصام ؟؟ ابو عصام : باينه ما بدها تنين يحكوا فيها ! الداسوس من جواة الحاره !! ابو حاتم : العمى !!بس طول عمرنا ما خبرنا انه داسوس يطلع من حارتنا !! كل الدواسيس اللي كانوا بالحاره كانوا من برات الحاره !! ابو عصام : يظهر هالداسوس قاعد بالحاره من زمان ومعشش فيها وما حدا دريان عنه !! ابو بشير : شو بدنا نعمل هلا؟؟ عصام : يا جماعه وصافي شو !! بدنا نتركه هيك ؟؟ والله بكره بيعدموه !! ابو عصام : لازم نهرب صافي باسرع ما يمكن !! ابو جاسم : نهربه؟ شلون؟؟ ابو عصام : لازم نهربه قبل ما يخرجوه من الحاره !! طول ما هو بالحاره فينا نسوي شي !! لكن اذا سركنوه منها فراح تكون الشغله صعبه المشهد التاسع عشر /حوارات نساء الحاره تجمعت نسوة الحاره في بيت ام عصام ام زكي : مسكين صافي والله وقعت في راسه ام عصام : شو عرف الدرك بانه السلاح في بيت صافي ام بشير : عم يقولوا انه في داسوس بالحاره !! ام زكي : شو بدي قول يا جماعه !! فريال خانوم عتبانه كثير عليكم !! ام بشير : وليش عتبانه الست ام توفيق؟؟ ام زكي: أي ما عاد حدا زارها ولا قلها كيف حالك ؟؟ ام بشير : دخلك !!ومين هاي اللي بدها تروح لعند منها بعد اللي صار ام زكي : شو قصدك ام بشير !! ام حاتم : ام بشير معها حق !! يعني وحده كان زوجها عميل للفرنساوي وكان راح يخرب الحاره فوقاني تحتاني !! شو بدو يقولوا عنا الناس لو رحنا لبيتها !! ام زكي : حرام عليكم تظلموا الحرمه !! كلكم بتعرفوا انه مو بس هي اللي انضحك عليها !! كل الحاره انضحك عليها ام بشير : مزبوط يا ام زكي !! بس هي كانت على ذمته !! يعني كان لازم هي تعرف من اول يوم لانه كان بيتها المشهد العشرون /ابو جودت في حارة الضبع وصل ابو جودت لحارة الضبع وذهب عند ابو مرزوق ابو جودت : مرحبا ابو مرزوق ؟ ابو مرزوق : اهلين ابو جودت !! شو وين هالغيبه !! ابو جودت : والله عم ادور هون ولا هون بدي افتحلي شي مصلحه !! ابو مرزوق : مصلحة شو ؟؟ ابو جودت : لسه والله ما بعرف !! بس معي قرشين وبدي افتحلي شي محل اترزق بفيه بالحلال ابو مرزوق : معقول؟؟ معقول انت ابو جودت ؟؟ والله شغله ما بتتصدق !!يعني لا تواخذنا ابو جودت : لالا !! صدق اخي ابو مرزوق !! ما في شي بيضل على حاله !! ويتابع : أي شو بدي قول !! سمعت انه رئيس الكاركون الجديد وصل !! شلونه معكم !! يقترب ابو مرزوق من ابو جودت : لك العمى !! شو هااااد !! هاد بلوه مصبره !! ما تشوفه الا بيزعق وبيصرخ !! ابو جودت : انت بدك تحكيلي !! ابو عزمي منو هين بنوب !! معناها لازم روح سلم عليه !! يعني مو حلوه اجي للحاره وما امر اسلم عليه !! ابو مرزوق : تسلم عليه !! أي روح !! روح الله معك وبعد ان يذهب يقول ابو مرزوق : أي صدق المثل " الدبان ما بيلتم الا على الوسخ المشهد الحادي والعشرون / حارة ابو النار ابو غالب : عرفت يا عقيد شو صاير بحارة الضبع ؟؟ ابو النار ينظر لابو غالب بنظرة غضب : ابو غالب؟ شبنا ؟؟ ما حلك تنسى هالعاده؟؟ ابو غالب : الله يسامحك يا عقيد !! انت فهمتني غلط !! انا سبق وحكيتلك اني تغيرت !! ابو النار : لكان شو بدك بحارة الضبع الا وتجيب سيرتهم !! ابو غالب : بس اللي صاراليوم شي كبير يا عقيد !! وما حلوه واحد مثلك ما يعرفه ابو النار : خير شو صاير ؟؟ ابو غالب : الدرك كمش صافي !! ولقيو ببيته سلاح كثير !! ابو النار : شووووووو !! عم تحكي جد؟ كمشوا السلاح بالحاره؟؟؟؟
| |
| |
|
05-10-2014, 02:48 PM
| #10 | |
| رد : مسلسل باب الحارة الجزء السادس باب الحاره " الجزء السادس " الحلقه التاسعه المشهد الاول /النمس يتسلل الى الحاره كان المساء !! وانتظر النمس اللحظه المناسبه وتسلل عبر قنوات جر المياه !! ووصل الى الفتحه التي تطل على بيت ام زكي !! والتي يعرفها جيدا ! فقد سبق ان دخل الى الحاره منها في ايام الحصار !! كان النمس معه حبلا ليساعده في الصعود من الفتحه فقام بتغطية وجهه !! وبعد ان تمكن من الصعود سمعت ام زكي صوتا ام زكي : بسم الله الرحمن الرحيم !! مين ؟؟ اختبأ النمس في احد اطراف البيت !! وانتظر تقدم ام زكي والتي كانت خائفه !! وبلحظة قام بالسيطره عليها وتوثيقها وتكميم فمها !! خرج النمس خلسة الى الحاره متجها الى دكان ابو خاطر !! ودخل المحل من غير ان يحس عليه احد !! المشهد الثاني / اكتشاف الاقتحام !! وصل خاطر الى دكان ابيه باكرا !! وما ان وصل حتى اصابته الدهشه !! لقد راى الدكان مشرع الابواب !! خاطر : العمى !! شو هااد ؟؟ مين فاتح الدكان ؟؟ اقترب خاطر اكثر فاكثر ودخل المحل فوجد ان محتويات المحل تم العبث بها وكذلك تم اتلاف الكثير من البضائع الموجوده في المحل !! خاطر : وليي !! شو هاد ؟؟ مين اللي عمل هيك؟؟ وخرج من المحل واخذ يصرخ : يا اهل الحاره !! الحقوني يا جماعه ! انخرب بيتي يا ناس !! وصار الناس يتوافدون من كل ناحية وجهه ! والصراخ قد عم ارجاء الحاره !! خرج ابو عصام واولاده وابو حاتم !! وكل رجال الحاره وتجمعوا عند محل ابو خاطر !! ابو عصام : شو في ؟ شو في يا جماعه ؟؟ خاطر : انخرب بيتنا يا زعيم !! انخرب بيتي واخذ يبكي !! ابو عصام : وحد الله خاطر شو صاير ؟؟ ابو مرزوق : في واحد ابن حرام كاسر باب المحل ونزع كل الشغل بالمحل !! معتز : الله اكبر ! منو هاد ؟؟ منو الواطي اللي عمل هيك ؟؟ وتحدث الشوشره في هذه اللحظه !! ابو عصام : بس !! كل واحد يتيسر على شغله ! ويتابع : خاطر ابو حاتم ابو جاسم !! وكل عضاوات الحاره الحقوني على المضافه !! وهنا ياتي ابو عزمي ورجاله فيقول : شو في ؟؟ لشو كل هالعياط !! معتز : انت ما دخلك شي ما بيخصك !! ابو عزمي : ولاك !! كيف بتحكي معي هيك ولا !! انا اللي دخلني ولازم اعرف شو صاير !! ابو عصام : ما في شي !!عرضيه !! واحد كان بدو يسرق محل ابو خاطر !! بس ما قدر يسرق شي !! يعني ما صار شي ابو عزمي : ايوا !! حرامي داخل للحاره وبوجودي وبتقول ما صاير شي ابو عصام : اخي !! هي اللي عنا !! وشو بدك اعمل !! ويتابع !! يلا يا رجال الحقوني !! المشهد الثالث/ زوجات عصام فايزه : شيه !!شو اللي عم يصير!! من وين عم تيجي المصايب ؟ هدى : لكان يا بعدي !! من وقت اللي تزوجت فريال خانم العميل مامون بيك ما وقفت المصايب !! وصارت تيجينا كوام كوااام لطفيه : وليه !! ما بسمحلك تحكي هيك عن امي !! هدى : نعم يا بعدي أي لكان دافعي عن امك وجوزها الخاين !! لطفيه تشتاط غضبا وتهجم على هدى لتضربها بينما تتكفل فايزه بحل النزاع لطفيه وهي تبكي : انا بفرجيك يا هدى !! بس يجي عصام راح يكون اله شغل ثاني معك !! المشهد الرابع/ اجتماع المضافه بشان السرقه ابو بشير : منو هالواطي ياللي عمل العمله ؟؟ ابو حاتم : علي ما علي ما خرج هالشي الا من ابو عزمي وجماعته !! ابو عصام : لالا ما بظن الكاركون يفكر يعمل هيك عمله !! خاطر : اللي عمل هالعمله كان قاصد يخرب بيتي !! ابو جاسم : العمى !! وليش انت بالذات !! خاطر : يا جماعه انا مواعد احد التجار اني سلمه طلبيته اليوم !! وصرلي اسبوعين عم جهزله فيها وانا واخي معتز !! والرجال كان حاطط علي شرط باني لو ما اوفيت بالموعد لازم ادفع ثمن البضاعه !! مثل مانكم شايفين !! ما فيي سلمه البضاعه لانه كل الشغل انتزع !! ابو عصام : وكل الله خاطر !! وكل الله الا ما نلقى حل !! خاطر : انو حل هاد !! بيتي انخرب واللي صار صار !! ابو مرزوق : والله يا جماعه انا بقول انه ما عمل هالعمله الا ابو غالب !! ابو بشير : ابو غالب؟؟ ابو مرزوق : اي ابو غالب !! لكان مين اله مصلحه يعمل هيك عمله ؟؟ ابو حاتم : والله يمكن يكون كلام اخي ابو مرزوق صحيح !! خوش انه هالشي ما صارالا بالوقت اللي اجى سكن فيه ابو غالب بالحاره !! ابو عصام : وحدوا الله يا جماعه !! ابو غالب ما اله مصلحه يعمل هالشي !! ما تظلموا الرجال !! الشيخ عبد العليم : يا جماعه !! بالأول خلونا نعرف اذا كان اللي عمل هالعمله من الحاره ولا برات الحاره !! ابو جاسم : وشلون بدنا نعرف يا شيخي ؟؟ الشيخ عبد العليم : اسالوا الحارس ابو فارس !! الا ما يكون يعرف شي !! ابو عصام : يا بي عصام !!الله يرضى عليك جيب ابو فارس من محرسه على الحارك عصام : امرك يا بي !! المشهد الخامس / صافي في الغوطه ابو ذياب : والله اهلين بصافي صافي : الله محييك ابو ذياب !! ابو ذياب : شو كيف حاسس هلا؟؟ صافي : الحمد لله !! بس راح اطق لحد ما اعرف شلون عرف الدرك انه السلاح ببيتي وقدروا يكتشفوا المخبأ !! ابو ذياب : حدا بيعرف بالمخبأ غيرك ؟ صافي: لكان !!عبدو ومعتز ابو ذياب : صافي !! اوعاك تشك بشباب حارتك !! صافي: لالالا اعوذ بالله !! بس والله شي بطير العقل !! المشهد السادس/المضافه ابو فارس : يا اسيادنا !! مبارح طول الوقت وانا ناطر على باب المحرس وما فارقته بنوب بنوب !! يعني لو شي واحد غريب فات للحاره كنت راح حس عليه !! ابو عصام : يعني ما شفت حدا دخل من برات الحاره ؟؟ ابو فارس : اعوذ بالله !! انا باكدلكم انه ما في حد دخل من برات الحاره ! وما فارقت المحرس لوش الصبح !! ابو حاتم : معناها كلام ابو فارس بياكد انه الفاعل من جوات الحاره !! وهو واحد من اثنين !! اما ابو غالب او ابو عزمي ورجاله !! ابو عصام : لا يا جماعه !! انا ما بظن انه ابو غالب عمل هالشي !! لك ما اله مصلحه !!!بعدين الرجال دوبه داخل الحاره يعني لو كان قاصد الشر كان على الاقل استنى شوي لبين ما نطمن له !! ابو بشير : انا برايي يا جماعه نجيب ابو غالب ونساله !! ابو عصام : لا !! لا يا ابو بشير !! بخاف لو جبناه نعمل شوشره واذا كان ابو غالب مظلوم ينقلب ضدنا !!وبعدين ما بدنا نزعل ابو النار منا ! خاطر : والعمل هلا يا عمي ابو عصام !! يعني بدنا نضل ساكتين ابو عصام : هلا ما فينا نعمل شي لبين ما نلاقي شي خيط يدل على الفاعل !! الا ما يكون اللي عمل هالعمله غلط غلطه !! وراح نكشفه بعون الله المشهد السابع/ صبحي يحضر شقيقته وابنائها احضر صبحي شقيقته شفيقه واولادها الى الحاره بعدما طلب ابو ذراع ذلك !! وتوجه بها الى بيت فريال خانوم !! فريال خانوم : اهلين اختي شفيقه فوتي فوتي تفضلي !! صبحي : خالتي ام النوفيق !! الله يرضى عليك اختي امانه برقبتك فريال : بعهد الله يا اخي !! صبحي : يلا بخاطرك خالتي !! بخاطرك ! المشهد الثامن/ قهوة ابو حاتم ابو مرزوق : فكرك مين اللي عمل هالعمله ؟؟ ابو حاتم : والله شي بيحط العقل بالكف !! بس بتعرف؟؟ مبارح اجت ببالي فكره ابو مرزوق : شو هي ؟؟ ابو حاتم : والله يا خوفي انه اللي عمل هالعمله هو نفسه الداسوس اللي حكى عنه ابو عصام؟ ابو مرزوق : معقول هالشي؟؟ ابو حاتم : ليش لا !! واحد عوايني مع الفرنساي اكيد من مصلحته يعمل مشاكل بالحاره ! ابو مرزوق : بس والله انا ما دخلت راسي يكون اللي عمل هالعمله من جوات الحاره ؟؟ ابو حاتم : بس ابو فارس قال انه ما في حد دخل الحاره !! يعني مو معقول يفوت الحاره ويخرج منها بدون ما يحس عليه ابو فارس ابو مرزوق : دخلك !! شو اخبار صافي ؟ ابو حاتم : الحمد لله انه هلا بامان من وقت اللي صار برات الحاره ابو مرزوق : ما لاحظت شي عمي ابو حاتم؟؟ ابو حاتم : شو هو؟؟ ابو مرزوق : يعني ظنيت انه ابو عزمي يقلب الحاره فوقاني تحتاني لما يعرف انه صافي هرب !! بس شوفت عينك ما عمل شي !! ابو حاتم : هي اللي خايف منه انا !! بخاف يكون عم يدبر لشي كبير !! منشان هيك ضل ساكت !! ابو مرزوق : شو قصدك عمي ابو حاتم ؟؟ ابو حاتم : والله ما بعرف يا ابو مرزوق !! راسي بدو ينفجر وما عم اقدر اوصل لشي ! لاني مالي قادر اعرف مين الداسوس ومين اللي خبرعن صافي ومين اللي دخل عل دكان ابو خاطر !! وليش ابو عزمي لهلا ساكت !!! المشهد التاسع/الكاركون ابو ذراع لا زال يفكر ويفكر !! مر رستم عليه !! ابو ذراع : دخلك !! ما عم شوف ابو عزمي !! ليش ما عم يقعد بالكاركون ؟؟ رستم : ليش انت ما عرفت؟؟ ابو ذراع : شو صاير ؟؟ رستم : الفرنساوي فرض على الحاره انه يفتحوا كاركون فيها !! وابو عزمي بيقضي معظم وقته بالكاركون بحارة الضبع ؟؟ ابو ذراع : شو !! كاركون بحارة الضبع؟؟ رستم : أي !! ولعلمك !! الكاركون هو بيت عمك الادعشري !! ابو ذراع : شووووووو !! لك شو عم تحي انت ؟؟ رستم : مثل ما عم قلك !! ابو ذراع : يا باطل يا باطل !! ليش ما حكيتلي انه ابو عزمي بيضل بحارة الضبع رستم : دخلك شو راح تفرق معك ؟ ابو ذراع : لك كيف ما راح تفرق معي !! بتفرق كثير !! انت نسيان انه عيالي بحارة الضبع ؟؟ رستم : العمى على هالقصه !! وشو فيها يعني !! لشو كل هالقد خايف من ابو عزمي !! ويتابع !! والله عم حس انه ابو عزمي ماسك عليك شي ممسك وعم يهدد عيالك !! ابو ذراع يتلبك : ها !! شو !! لالالا مافي شي ما في شي !! ويقترب منه رستم ويقول له : ابو ذراع !! اتاكد اذا في شي وبقدر اساعدك راح ساعدك !!صدقني !! بس انت افتح قلبك واحكيلي شو في بينك وبين ابو عزمي !! ابو ذراع : خلصنا رستم !!ما في شي !! شوهي سيره؟ رستم : أي براحتك !! بس وقت اللي بتحب تحكي انا موجود !! وتاكد مهما كان اللي بتحكيه راح يضل سرك ببير وما راح ابو عزمي يعرف شي بيناتنا المشهد العاشر /نساء الحاره !! تجمعت نسوة الحاره عند ام عصام ! " ايه !!!! ام زكي بالصوره مع انها مجهولة المصير !! يلا هو ابو ديبو احسن منها لما ظهر بعرس خاطر مع انه كان محبوس ليليتها ؟؟ ام عصام : يا جماعه ما حدا فيكم شاف ام زكي؟؟ ام بشير : لا والله !! والله قلت يمكن تكون عندك ام عصام : يعني مالها بالعاده تغيب عن هيك جمعات !! بوران :وخصوصي لما يكون في الموضوع كبه !!يعني ام زكي ما بتفوت هيك اكلات !! فوزيه : اكيد بتكون عندها ولاده برات الحاره !! ام عصام : دخلك يا ام بشير!! شو اخبار جميله !!ما ان اوان ولادتها ؟؟ ام بشير : والله من كم يوم كانت ام زكي عندي وحكتلي انه ولادتها قربت !! ام عصام : على حسب حسبتي بهاليومين جميله بتولد !! ام بشير : ان شاء الله بتجيبلنا الصبي !! فوزيه : الله يقومها بالسلامه يارب ! المشهد الحادي عشر / بيت فريال فريال : شفتي يا شفيقه شو صار فيني ؟؟ والله بدي موت قهر من اللي صار شفيقه : الله يكون بعونك !! اي والله ما بتستاهلي !! هيك حظك ونصيبك !! بس الحمد لله انه انكشف على حقيقته واخذ جزاته فريال : وانتي !! شو عامله بعد اللي عمله جوزك !! شفيقه : والله يا اختي ام التوفيق من وقتها وانا مكركبه !! وقت اللي حكولي انه ابو ذراع قتل العقيد ما صدقت فريال : بس لا تواخذيني جوزك اعترف بهالشي ! وقال انه قتله بالغلط وقت اللي .." وتصمت " !! شفيقه : وقت اللي شو ؟ فريال : استفغر الله العظيم !! يا رب سامحني شفيقه : احكي !! وقت شو ؟ فريال : يعني وقت اللي كان سكران !! فهو فكره حرامي وقتله !! شفيقه : اعوذ بالله !! ابو ذراع ما بيعمل هيك !ومن وقت اللي تزوجني عمره ما رجع للحرام !! ابن عمي بريء وما بيعمل هيك عمله فريال : العمى !! عم قلك هو اعترف بعظمة لسانه !! شفيقه : والله لو شفت ابو ذراع بعيني ما بصدق انه يعمل هيك عمله !! فريال : طب بلا مؤاخذه ولا تفهميني غلط !! ليش ابو ذراع طلب من اخوك صبحي يجيبك للحاره شفيقه : والله ما بعرف !!لهلا ما عم لاقي جواب !! بس يمكن خاف علينا نضل لوحدنا !! فريال : خاف عليكم من شو ؟؟ شفيقه : يعني !!ولاد الحرام كثار !! وانا حرمه لوحدي بالبيت وولادي بعدهم صغار !! يمكن مشان هيك !! المشهد الثاني عشر / ابو عزمي يبدا التحقيق !! جاء ابو عزمي ورجاله الى وسط الحاره !!ووصل الى دكان ابو مرزوق !! فاشار اليه وقام رجاله باعتقاله ابو مرزوق : لوين ماخذيني !! شو عملت انا !! شو في؟؟ ابو عزمي : اخراس !! ولا كلمه !! اشحطوه للكاركون !! ومن ثم يامر عناصراخرين باعتقال ابو ديبو !! وايضا حدو !! ومن ثم اتي الدور على عصام !! كذلك بشير !! وحتى ابو بدر لم يسلم من الاعتقالات !! المشهد الثالث عشر / الخبر يصل لابو عصام كان ابو عصام خارج الحاره !! وحين اتى اقبل عليه خاطر مسرعا خاطر : عمي ابو عصام !! الحاق ابو عصام : خير شو في ؟؟ خاطر : ابو عزمي شحط نص رجال الحاره للكاركون !! ابو عصام : العمى ليش شو صاير ؟؟ خاطر : والله ما بنعرف ! ابو عصام : ودخلك وين معتز؟؟ خاطر : راح هو وابو حاتم والشيخ عبد العليم لعند ابو عزمي بالكاركون !! ابو عصام : ماشي ماشي !! بصير خير !! بمعيتك حطلي هالشنطه بالدكان لبين ما اوصل ابو عزمي المشهد الرابع عشر / الكاركون في وسط الحاره وصل ابو عصام للكاركون ووجد كل من ابو حاتم والشيخ عبد العليم امام الكاركون !! ابو عصام : خير شو صاير يا جماعه ؟؟ الشيخ عبد العليم : والله ما بنعرف شي !! ابو عصام : ولشو انتوا واقفين هون ؟؟ ابو حاتم : ابو عزمي رافض يستقبلنا !! ابو عصام : العمى !! ويوجه خطابه لاحد العناصر : اسماع !! قول لسيدك ابو عزمي رجال حارة الضبع طالبين يشوفوك !! ياتي ابو عزمي : اها !! الزعيم ابو عصام وصل !! ابو عصام : ممكن نعرف ليش لاحش الشباب عندك بالكاركون ؟؟ ابو عزمي : هن سببين !! هروب صافي والسطو على محل ابو خاطر !! ابو عصام : والشباب اللي عندك شو دخلهم ؟؟ ما الهم يديه بالموضوع وما بيعرفوا شي ابو عزمي : اها !! وهن وكلوك تحكي باسمهم !! وانت شو عرفك ؟؟ ابو عصام : انا بعرف رجال حارتي !! ما فيهم واحد بيرضى بالشينه او الزاحله !! وما ممكن يكون واحد من اللي عندك عمل هيك عمله ابو عزمي : معناها واحد ثاني مو من اللي عندي !! مين هو ؟؟ ابو عصام : ابو عزمي !! انت شو اللي بدك اياه بالضبط !! ابو عزمي : ما راح اطلق سراحهم لبين ما اعرف جواب عن اسئلتي !! فلا تتعبوا حالكم وتيسروا على بيوتكم بلاش الحشكم معهم ابو عصام : امشوا يا جماعه !!الظاهر الحكي ما بينفع معه !! ويذهب في طريقه فيصرخ ابو عزمي : عندك انت واياه !! ويتابع !! ودخلك !! وشو اللي بينفع معي !! ابو عصام : اسماع يا با عزمي !! اذا حل الليل وما صاروا الشباب ببيوتهم ما راح تمر هالليله على خير !! ابو عزمي : اسماع انت يا ابو عصام !! اياك ثم اياك تفكر اني مثل ابو جودت !! واذا كان هو بيخاف اذا حد فيكم رفع صوته عليه ! فانا بالعكس !! عم دور على حد يرفع صوته علي !! بتعرف ليش؟ ابو عصام : ليش دخلك ؟؟ ابو عزمي : مشان امسحه عن وجه الارض المشهد الخامس عشر /ام جوزيف في الحاره !! ام جوزيف : معقول كل هالشي صاير بالحاره؟؟ ام عصام : أي والله يا ام جوزيف !! ام جوزيف : وما حسنتوا تعرفوا مين الليعمل كل هالشي ام عصام : والله يا اختي ام جوزيف الحاره مقلوبه وما حد عرفان شي !! بس عم يقولوا انه الفاعل من جوات الحاره !! ام جوزيف : يا عذرا !! ومنو هالواطي هاد !! ام عصام : والله ما حد قدر يوصل لشي !! ام جوزيف : دخلك يا ام عصام !! وينها ام زكي؟؟ رحت على بيتها دقيت البيت بس ما كان حد بيرد !! ام عصام : العمى !! هالمخلوقه صرلها من مبارح ما بينت !! ما شفتها الا اولت مبارح !! ام جوزيف : العمى وين راحت ؟؟ ام عصام : يمكن راحت لبرات الحاره بكون عندها ولاده او هيك شي !! ام جوزيف : بس على علمي ام زكي ما بتغيب عن الحاره اكثرمن نص يوم !! يعني ما بتبات برات الحاره !! ام عصام : والله الغايب عذره معه !! وبكره بتبين وبنشوف وين كانت بهاليومين ! المشهد السادس عشر / الافراج عن شباب الحاره !! كان ابو عصام بحيرة من امره ومعه الشيخ عبد العليم وابو حاتم في المضافه !! وياتي معتز فورا : يا بي !! الشباب طلعوا من عند ابو عزمي !! وينهض ابو عصام !! وفورا يدخل الشباب للمضافه ابو عصام : الحمد لله على السلامه يا رجال !! ابو حاتم : العمى شو كان بدو منكم ابو عزمي !! ابو بدر ينظر الى من حوله ويقول : والله ما بنعرف !! الشيخ عبد العليم : شلون !! شلون ما بتعرف يا ابو بدر !! ليش انت ما كنت معم ؟؟ ابو ديبو : كلام ابو بدر مزبوط !! احنا لهلا ما بنعرف ليش شحطونا للكاركون !! ابو حاتم : شيه !! يعني ما حد سالكم او تعرضلكم بشي؟؟ حدو : ابدا عمي ابو حاتم !! بس ابو عصام : بس شو احكي حدو حدو : بس قبل ما يفرجوا عنا !! ابو عزمي قلنا اوعكم تفكروا اني جبتكم منشان محل ابو خاطر !! ان شاء الله بينحرق هو واللي فيه !! ابو حاتم : العمى !! هو هيك حكى ؟ بشير : أي وقلنا كمان ! انا جبتكم هون بس مشان اذل الحاره !! مشان تعرف الحاره من صغيرها لكبيرها !! انه اللي بدو اياه هو اللي راح يصير وما في أي كلمه بالحاره اعلى من كلمته !! ابو مرزوق : وقال كمان لو بدي اعرف وين صافي ومين اللي هجم على محل ابو خاطر كان عرفت من اولها !! بس يصطفل صافي ومعه خاطر !! الاثنين ما بيهموني بشي !! واللي بدي اياه من صافي حصلت عليه ووجوده عندي وعدمه واحد بالنسبه الي !! وقال كمان بتبلغوا كبيركم بانه باشاره مني بخرب الحاره وبقلبها فوقاني تحتاني !! فما يحاول حد يلوي ذيله معي !! ابو عصام والشيخ عبد العليم وابو حاتم ينظرون لبعضهم والصدمه باينه عل وجوههم وفي هذه اللحظه !! ياتي عصام لابيه مسرعا ابو عصام : خير يا بي شو في كمان ؟؟ عصام : يا بي !! هاد اللي اسمه ابو ناجي اجى للحاره ونيته محل ابو خاطر !! الظاهر جاي ليستلم البضاعه !! ابو عصام : لا حول ولا قوة الا باللله !! شرفوا معي يا رجال !! المشهد السابع عشر /النمس ونشوة النجاح جلس النمس في بيته مبتهجا بالانتصار الذي حققه في حارة الضبع !! واخذ يقول : يا سلاااااام عليك يا نمس !! اكيد هلا بتكون الحاره مقلوبه فوقاني تحتاني !! أي لكان !! خليهم يدوقوا !! لكان انا يوقفوا بوشي ويحرموني من اني صير غني ومريش؟؟ !! بس !! بس والله يا نمس الفصل اللي عملته مع الحرمه منو حلو بنوب !! اخص عليك يا نمس !! وبعد تفكير !!يتابع !! بس شو اعمل !! هي اللي طلعت بوشي وما كان بايدي حل ثاني !! يا ترى شو صايرهلا بحارة الضبع؟؟ اكيد بكون ابو ناجي وصل وبدو يستلم البضاعه !! ويضحك ويقول : أي خليه يستلم بضاعه منزوعه !! لاقوم اشربلي كاسة شاي خليني مخمخ وافكر شو بدي اعمل !! وقبل ان ينهض من مكانه يتذكر شيئا ويقول : ولي على هالنسوه !! العمى !! نسيت فك الحبل !! شلون فاتتني هاي !! الحبل بعده بالبير !! تضرب يا نمس شو انك غبي المشهد الثامن عشر / المضافه ابو ناجي : انا يا جماعه هيك ورطت !! ليش خاطر يربطني معه بالطلبيه !! اذا كان هو مو قد الحمل ليش يحمله !! ابو حاتم :يا اخي ابو ناجي !!خاطر عمل بالاتفاق اللي صار معك !! بس ولاد الحرام دخلوا على الدكان ونزعوله كل الشغل !! يعني الشي مو بايده !! ابو ناجي : ولا بايدي !! انا شو ذنبي !! هيك راح ينخرب بيتي بالسوق !! ابو عصام : وهلا شو اللي بدك اياه عمي؟؟ ابو ناجي : بظن يا جماعه اني حطيت شرط على خاطر لو ما جهز الطلبيه بالموعد المحدد!! وصدقوني انا مو غرضي المصاري !! بس هدول المصاري راح اشتري فيهم أي بضاعه جاهزه من أي محل لبين ما اسلك التجار اللي وعدتهم بالبضاعه واللي بعض منم دفعلي رعبون مشانها !! ابو عصام : أي عمي !! حقك بتاخذوا على دوز باره !! خاطر : عمي ابو ناجي !! امهلني يومين وانا بدبرلك المبلغ !! ابو ناجي : والله يا ابني بعتذر منك !! بس ما فيي !! راح امهلك لحد العصر !! المشهد التاسع عشر / ابو غالب في القهوه كان ابو حاتم وابو غالب في القهوه ابو غالب : لا حول ولا قوة الا بالله !! مسكين خاطر والله ما بيستاهل !! ابو حاتم : أي شو عليه !! بس اللي عمل هالعمله الا ما ينمسك !! موهيك ابو غالب ؟؟ ابو غالب ينظر لابو حاتم ويقول : ابو حاتم !! كانك بنظراتك هاي عم تشك فيني !! ابو حاتم يشرب الارغيله بعمق ويقترب من ابو غالب ويقول : اش كان الحرامي من جواة الحاره فكرك مين بكون؟؟ خوش انه الشي ما صار الا بعد فوتك للحاره !! ابو غالب يقف ويصرخ : لااااااااااااا انا ما بسمحلك تحكي عني هيك !! اقسملك بالله العظيم اني !! وهنا يمسك به ابو حاتم ويقول : لك خلصنا !! اقعود !! شو انت زعلت !!! عم نمزح معك يا رجال !! ابو غالب : مزحك تقيل يا ابو حاتم !! بس يكون بعلمك سواء كان الحكي اللي بتحكيه مقصود او غيرمقصود بس والله العظيم وربي يشهد علي اني ما لي يديه بكل هالقصه بنوب !! وانا تغيرت كثير ورجعت للبلد منشان افتح صفحه جديده واترزق !! ابو حاتم : ودخلك !! هيك سكنت بالحاره وبعدها شو عم تفكر تعمل؟؟ ابو غالب : عم فكر افتح محل حمصاني !! بس ما معي مصاري يكفوا !! وهنا ياتي ابو جودت وقد سمع كلام ابو غالب ويقول : انا مستعد شاركك بالمحل يا ابو غالب !! | |
| |
|
| Bookmarks |
| الكلمات الدلالية (Tags) |
| مسلسل , الحارة , الجزء , السادس , باب |
| Currently Active Users Viewing This Thread: 1 (0 members and 1 guests) | |
| |
