((العمر ماهو فرصةٍ وحدة ولاهو بفرصتين ))

((العمر , )) , ماهو , بفرصتين , فرصةٍ , وماهو , ويجب

((العمر ماهو فرصةٍ وحدة ولاهو بفرصتين ))

‏​حسب تجارب الأولين :

الأوله
اترك مسافة كافية بينك وبين الآخرين
بعض البشر ودك حدود المعرفة معهم سلام

والثانية
اصمت ولاتحرص على كثر الكلام الصمت زين
اللي سكوته ساتره يمكن يعريه الكلام

والثالثة
إذا تكلمت احذر تكون أطول المتكلمين
السالفة لاطولت يضعف معاها الاهتمام

والرابعة
أمزح ومزحٍ باللسان أخير من مزح اليدين
مزح الرجال العاقله على حدود الاحترام

والخامسة
اضحك ولاتضحك برفع الصوت رفع الصوت شين
من الأدب والذوق عند الضحك ضحكٍ بابتسام

والسادسة
أكرم وبيبان الكرم واجد ولا يحتاج دين
وترى الرجال إكرامها ماهوب في كثر الطعام

والسابعة
احلم ولا تعجل ولا تغضب ولا تشري بدين
وشاور ولو رأيك معك لا شرت عداك الملام

والثامنة
إذا شريت بدين لاتبطي على المتجملين
كلٍ حلاله غاليٍ عنده لو إنه مايسام

والتاسعة
لاجاك مديونك معه بعض الوفى وبعضه لحين
فأستد باللي جاك وش دراك لله الدوام

والعاشرة
ترى التغافل فيه لذه وانشد المتغافلين
وإن جات كلمة توجع أطلقها مع سرب الحمام

والحادية عشر
أرضى ليا جاك الرضى لو العذر ماهو سمين
وترى التسامح ميزة السادة رفيعين المقام

والثانية عشر
أصدق مع نفسك وتلقى نفسك من الصادقين
والنفس خيل أبليس لاتعطيه نفسك واللجام

والثالثة عشر
ليانصحت انصح خفى لاتفضحه فالحاضرين
ترى الرجال يقودها لين الحكي قود الخطام

والرابعة عشر
إذا تسولف عن طموحاتك مع المتفرغين
كنك تسولف للنصارى فالحلال وفالحرام

والخامسة عشر
العمر ماهو فرصةٍ وحدة ولاهو بفرصتين
مع كل مطلع شمس لك فرصة وخطوة للأمام


والخاتمة

لا زالت تعلمنا الليالي والسنين
والعلم خير من الجهل والنور جلاي الظلام

منقووووول

يالله ما احلاهم ... قمه قمه في الروعه والنصح بطريقه جميله جدا


رائع وما ينقل يمني الا ما هو رائع

سلمت

أرضى ليا جاك الرضى لو العذر ماهو سمين
وترى التسامح ميزة السادة رفيعين المقام

إقتباس من مشاركة قلب شبوه

يالله ما احلاهم ... قمه قمه في الروعه والنصح بطريقه جميله جدا


رائع وما ينقل يمني الا ما هو رائع

سلمت

أرضى ليا جاك الرضى لو العذر ماهو سمين
وترى التسامح ميزة السادة رفيعين المقام

قلب شبوة
مرورك هو الأروع والأجمل ، لاعدمناه
والله يسلمك ويعطيك الف عافية