غلاة الجرح ..! جديد وحصري .......!

..! , .......! , الجرح , جديد , غلاة , وحصري

غلاة الجرح ..! جديد وحصري .......!

بيتين جديده على السريع اتمنى ان تنال الاعجاب .,
اقول

اجرح وسوّ اللي تبي فيني تمون
يامرحبا بالجرح جرحك يا هلا

ما دامك الجرّاج فجروحك تهون
جرحتني.. لكن.. بسكين .. الغلا

وان كان ودك تعرف اكثر من تكون
انت الذي اعلنت لك سمع وولا

وانت الوحيد اللي تناظره العيون
ما كنّ غيري وانت حي من الملا

وانت الذي قلبي تولّـيته بهون
وفي وجه غيرك باب قلبي مقفلا

فلا يجيك الشك او لحظة ظنون
طيفك يخاشرني بشربي والكلا

اقسم قسم والله يخون اللي يخون
ان الفكر والقلب من غيرك خلا

الصدر مثل البيد وحضورك مزون
والقلب في غيبتك ما عمره سلا

لانك انت الحب كلّه والشجون
واجمل غرامي انت ياريم الفلا

انت الهلا وانت الغلا يابو العيون
اللي.. هدبها.. من رموشه مثقلا
----
سوالم .,

الله ماروع الكلمااات وما اجمل الطعن بسكين الغلا,,
مراويح اسحااب بالله درك
لاهنت يالغااالي




دمت ودااام عزك يالغااالي

ولو إن ابياتك آثارت الشجون
خلت احساسي ينادي ياهلا

بعض الجروح كنها لمسة حنون
فيها العتب يبين عمق الغلا

والبعض حتى بجراحه يمون
مايوصل الخل وبجروحه يبخلا



صح لسانك أخي مراويح السحاب أبيات في قمة الروعة
كانت مجاراتي لها غصب عني من روعتها طبعا انا مش شاعرة
وما اعرف للوزن واحكامه بس المهم المعنى


تحياتي ،،

صح لسانك يالغالي صح لسانك
ولا تحرمنا من جديدك
لا عدمناك
ودي لك

صح لسانك يا مبدع

صح لسسسسسسسانك شاعر بمعنى الكلمه

صحت ابدانكم وسلم الله ايمانكم جميعا
شرفتوني كل منكم وله مني تحيه وتقدير
كل كلمه وردت من كل منكم هي شرف
ممتن لكم ولحضوركم الكريم .,

انت الهلا وانت الغلا يابو العيون
اللي.. هدبها.. من رموشه مثقلا

احووووووووووه عليه

جويعد الحارثي كم نشتاق لتواجدك
شاعر مبدع بما تعنيه الكلمه




صح لسانك

#نبش