انت اخر انسان هاقي منه يصدمني

منه , اخر , انت , انسان , يصدمني , هاقي

انت اخر انسان هاقي منه يصدمني

الصوره اللي بجوالي تعذبني
ياكثر ما جيت ابمسحها واخليها
ياللي جفيت وجفاك المر ذابحني
عقبك وجيه البشر ما ني بدانيها
من يوم حبك غزى القلب وتملكني
قطعت كل العلاقات وطواريها
اقرى رسايلك ودموعي تسابقني
وارد واقرى الرسايل واحتفظ فيها
انت اخر انسان هاقي منه يصدمني
والظاهر ان هقوتي بانت مواريها
لو الوصايا ليا احتديت تنفعني
ياكثر ناس على ذودي بوصيها
ليت الفرح بنك لا جيتته يسلفني
واقاصده راحتي وحقوقه اوفيها
من كثر ما كنت جارحني وظالمني
قمت اعزل جروحك بقلبي واسميها
تدري وش اللي يبكيني ويضحكني
انك محامي قضيتنا وقاضيها
تدري متاك تعرف قدري وتفقدني
لارخصت نفسك لشخص ما يراعيها
بكره الى اهملوك الناس تذكرني
وتقول عزاه عيني من يداريها
مدام غيري على قلبك مشاركني
وش هوله اعلق الامال وابنيها
يكفيني انك رحلت ومنت عايفني
هذا عزا النفس من كثره بلاويها
اهديتلك دموع من طعنتك تحرقني
وانت اللي تستاهل الدنيا وما فيها
واهديتني جرح موجعني وعاجبني
لان الهدايا على مقدار مهديها
صحيح حنا انتهينا بس صدقني
والله ان تبقى هوى روحي وغاليها
مفضوح راعي الهيام ونظرته تغني
ملامحه واضحه في وجه راعيها
لكل داء دواء لو هو متعبني
الا محبتك اعيت من يداويها
ان قلت علمني انسى لا تعلمني
دنياي لامن نسيتك ويش تاليها
فارقتني وضحكتك عيت تفارقني
والله يلعن ابو الفرقا وطاريها
مقدر افكر بغيرك وانت عارفني
عشان حاجه بقلبي مقدر اخفيها
اخاف لاحبني غيرك وعاشرني
يشوف صورتك في عيني ويوذيها
نشدت عنك وسمعت اللي يفرحني
وارتاح صدري من هموم يحاتيها
تبي تعرف وش على الفرقا مصبرني
انك بخير وحياتك مهتني فيها
من يوم غبت والوحده تعذبني
اقرى رسايلك في حرقه والاحيها
اشوف صورتك ودموعي تسابقني
وياكثر ما جيت ابمسحها واخليها

اخاف لاحبني غيرك وعاشرني
يشوف صورتك في عيني ويوذيها

الله على البلاغه في هذا البيت
يعطيك الف عافيه اخي كثير الاسفار
دايما تتحفنا بكل رايع لاعدمتك
ولك كل التقدير

قواك الله وعانك يا كثير هههه

ليت الفرح بنك لا جيتته يسلفني
واقاصده راحتي وحقوقه اوفيها

من يوم حبك غزى القلب وتملكني
قطعت كل العلاقات وطواريها
اقرى رسايلك ودموعي تسابقني
وارد واقرى الرسايل واحتفظ فيها

وش نقول في سيد الحرف والقصيد
اختيارك يفوق الوصف
ليس غريب على شخص بحجم كثير الاسفار ان يختار من اجود الازهار
وينثرها بين جنبات المنتدى
اسعدك الله ايامك ولياليك
خالص مودتي

أبيات جميلة جداً
واختيار أفضل لأفضل عضو بالمنتدى
سلمك الله اخي كثير الاسفار

إقتباس من مشاركة ابو حسين

اخاف لاحبني غيرك وعاشرني
يشوف صورتك في عيني ويوذيها

الله على البلاغه في هذا البيت
يعطيك الف عافيه اخي كثير الاسفار
دايما تتحفنا بكل رايع لاعدمتك
ولك كل التقدير

يعطيك الف عافيه شاعرنا الرائع
شاكر مرورك الاكثر من رائع

إقتباس من مشاركة قلب شبوه

قواك الله وعانك يا كثير هههه

ليت الفرح بنك لا جيتته يسلفني
واقاصده راحتي وحقوقه اوفيها

السوبر يعافيك ربي شاكر مرورك الاكثر من رائع

إقتباس من مشاركة النعيمي

من يوم حبك غزى القلب وتملكني
قطعت كل العلاقات وطواريها
اقرى رسايلك ودموعي تسابقني
وارد واقرى الرسايل واحتفظ فيها

وش نقول في سيد الحرف والقصيد
اختيارك يفوق الوصف
ليس غريب على شخص بحجم كثير الاسفار ان يختار من اجود الازهار
وينثرها بين جنبات المنتدى
اسعدك الله ايامك ولياليك
خالص مودتي

رحنا حطب هههههههههههههههههههههه
يعطيك الف عافيه شاكر مرورك الرائع

إقتباس من مشاركة أبو علي

أبيات جميلة جداً
واختيار أفضل لأفضل عضو بالمنتدى
سلمك الله اخي كثير الاسفار

يعافيك ربي شاكر مرورك الرائع والكريم