سولفو لشاعر ابن فطيس

سوافوالشاعرابن , فطيس

سولفو لشاعر ابن فطيس

سولفوا تكفون لا عاد تسكتون ..
.. قبل لا أهوجس وياتيني بلاي

السكات يزود طعوني طعون ..
.. وتنكسر لا جا على راسي عصاي

سولفوا لو ما بغيتوا اتسولفون ..
.. قبل لا اقعد في الحزن رايح .. وجاي

واضحكوا لو بالعماله تضحكون ..
.. وجاملوني لو يضايقكم حكاي

لي وليفٍ راح جعله ما يهون ..
.. هو دواي وداي .. أو داي ودواي

راح لكن طيف زوله في العيون ..
.. مرةٍ قدامي ومرة وراي

وإن سكتوا جا وهو طيفه يمون ..
.. رحت أهوجس له وأبين له ولاي

مكسب عيوني من الفرقا مزووون ..
.. تمطر لطاريه .. والبرق ؟ أصدقاي

كل ما طروه لو هم يمزحون ..
.. احرموني من غداي ومن عشاي

أدري إنه ما تناسى الود كون ..
.. تسمع إذنه في قفاي اللسن عداي

وكانهم قالوا نسيته يكذبون ..
.. وإلا أنا فيه أمتلك نظرة وراي

كان حبه لي على خبري مصون ..
.. والله ان كني بقدري .. وبغلاي

ذي بقايا الحب وأطلال الجنون ..
.. والله أعلم في ضميره وش بقاي

غير طيعوني ولا عاد تسكتون ..
.. ولا والله إن أسمعكم بكاااي

لا بله السوالف اخرج ههههههههههههه

صح لسانه بن فطيس على القصيدة دائما ما يمتعنا بعذوبة كلماته

وتسلم يمينك على الإختيار الجميل شامخ منيف

الله الله الله صح لسان بن فطيس وتسلم على النقل الموفق وهذه الشيله حق الابيات

الله يسلمك كلي شموخ نورتي المتصفح بمرورك
شكرا شكرا علامرورك الراقي

هلابالاخ العزيزالغالي توفيق عبدالله
اسعدني تواجدك وحضورك اسائل الله ان لايحرمنا منك ومن حضورك
وتسلم علاتحميل الشيله يعطيك العافيه اناكنت بانزلها لاكن ماقدرت
لاكن بيض الله وجهك جيت علامافي القلب
شكراً لك الف شكرتحياتي لك وكن بالقرب دوماً