وش عذرك

عذرك , وش

وش عذرك

وش عذرك؟

لا غبت عني وانا مشتاق وش عذرك
يوم انت حالف بربك .. ما تخليني !!

نذر على رقبتي .. ونذرا مهو نذرك
انك ما حسيت في شوقي ولا فيني

مسافة الشوق .. لـ المشتاق تختصرك
وتوزعك في حشاي .. وفي شرايني

غطت ثلوجك طبوعك واختفى جمرك
ما عادك اللي ليا من غبت .. يدعيني

افكر اختبرك .. واخاف لـ اختبرك
اخاف باقي غلاك .. يطيح من عيني

تعال بين الضلوع العوج .. شف قدرك
قصر من الحب .. يبنى لك ويبنيني

ما ودي اقول في بعدك .. غريب امرك
ودي لو اسمع صدا ( يا من يراعيني )

اعتبرك الروح .. ولا شتبغي اعتبرك
ما دمت يا اغلى الخلايق مني وفيني

انا اكثر انسان .. قدرّ قلبك وطهرك
وانت اكثر انسان فاهمني ومغنيني

مأسور بالحب .. لكن افتخر بأسرك
كبلت قلبي قبل لا تكبل ايديني

فالليله المظلمه .. يكفي سنا بدرك
وفالليله البارده .. قربك يدفيني

قدلي وانا احاولك وآقف على نهرك
ارويتني مره .. وناظرك ترويني

لقاك وحكاك والجو ان خذا عطرك
ثلاثة اشياء .. تقتلني وتحييني

خذني من الناس .. وادخلني وسط صدرك
لا تخلي البعد ياتي بينك .. وبيني

تقول لي يا فديت عيونك وشعرك
وقصايدي فيك .. ذكراها مشقيني

ماني بهتم .. ( كم عمري , وكم عمرك )
عطني سنينك وانا بهدي لك .. سنيني

كم لي وانا احتاج لك واشتاق وانتظرك
واتذكر آخر لقا وايديك بايديني

يا كبر تقديرك بقلبي .. وكبر اجرك
لا جيتني بالوصال وشافتك عيني
[منقوله

رووووووووووووووعه يمامه صح الله لسان القايل وشكرا علا النقل ولاختيار

روعه اختيارك عجبني حيل

افكر اختبرك .. واخاف لـ اختبرك
اخاف باقي غلاك .. يطيح من عيني

إقتباس من مشاركة شامخ منيف

رووووووووووووووعه يمامه صح الله لسان القايل وشكرا علا النقل ولاختيار

العفو

كم أسعدني مرورك الرئع

إقتباس من مشاركة قلب شبوه

روعه اختيارك عجبني حيل

افكر اختبرك .. واخاف لـ اختبرك
اخاف باقي غلاك .. يطيح من عيني

كم يشرفني أن ذوقي عجبك

أشكرك ع المرور المميز

عذره انه ماله عذر ..

رائعه جدا . انتقاء أنيق . ذوق راقي .
يعطيك العافيه اليمامه

اكيد تعب من كثرالخبه وانفض فواده

يعطيك العافيه اخت اليمامه ع النقل الرايع

تحياتي لك

يابوحسين الي مايستفيد من المشي ماتضره الجلسه

إقتباس من مشاركة طاش ماطاش

عذره انه ماله عذر ..

رائعه جدا . انتقاء أنيق . ذوق راقي .
يعطيك العافيه اليمامه

الذوق مرورك المميز

مشكور لاهنت

إقتباس من مشاركة ابو حسين

اكيد تعب من كثرالخبه وانفض فواده

يعطيك العافيه اخت اليمامه ع النقل الرايع

تحياتي لك

يعافيك ربي

الروعه طلتك لاهنت