ماجيت لك من منتدى واشتكي صد

مايجب , من , منتدى , لك , شي , واشتكي

ماجيت لك من منتدى واشتكي صد

يا ود كل الناس .. والناس لك ود
عطني ودادك .. كان تبغى ودادي





ماجيت لك رقم ٍ واكمل لك العـدّ
ماجيت لك توّي مع الشعـر بادي





ماجيت لك من منتدى واشتكي صد
ماجيت لك شاعر مع النـت غادي





جيتك بحـَر يغلب على جزره المد
هادي .. ولو يكثر به الموج هادي





جيتك مـلـكـ مشـاعـره مالها حــد
جيتك مـلـكـ باسلوب ماهو بـ عادي





جيتك مـلـكـ ماله خصيم ٍ ولا نـد
جيتك مـلـكـ يحـب صفح الايادي





عندي مبادي .. عنـّهـا ما اتـردد
وانا افتخر لا قلت.. عندي مبادي





صادق واشوف الصدق لابدّ.. لابدّ
عنيد .. لو يرفض رفيقي عنادي





شفاف .. ما احـب المجامل مع الرد
طبعي كذا واضح.. صريح.. وحيادي





امزح بوقت المزح .. والجد.. له جد
وارفض ابالـغ.. لـو يطول ابـتـعادي





اعيش فالحاضر.. وعيني على الغد
لون الأمل وردي .. ولا هو رمادي





افتح عيوني .. والنظر فوق يمتد
هذا الفضا .. كله حدود لـ بلادي





يا ود .. ما كل البشر.. تفهم الود
يا ود تبغى الصدق.. ودك مرادي

روووووعه

تسسسلم اخي كثير الاسفار على النقل

افتح عيوني .. والنظر فوق يمتد
هذا الفضا .. كله حدود لـ بلادي

الله عليك كثير الأسفار .

امزح بوقت المزح .. والجد.. له جد
وارفض ابالـغ.. لـو يطول ابـتـعادي


دائما مبدع ورائع ومميز في اختياراتك

اعيش فالحاضر.. وعيني على الغد
لون الأمل وردي .. ولا هو رمادي



اختيار رائع جدا سلمت كثير الاسفار

يا ود .. ما كل البشر.. تفهم الود
يا ود تبغى الصدق.. ودك مرادي
ابيات جميله شكرا