لاتحرق القلب يالغالي بحسراته

ماتحرق , القلب , بحسراته , يالغالي

لاتحرق القلب يالغالي بحسراته

اطلق سراح الرضى وانعم بلذاته
مافي الزعل خير لاتزعل وتزعلني

.

الحب لا تشتكي وتعد غلطاته
اذكر جميل الغلا واقنع وكلمني

.

القلب لك بالغلا خضرنٍ مساحاته
ترعى النوامي وانا بالبال تشغلني

.

راعي الهوى مايدور غير مشهاته
اعدل معك بالمحبه وانت تظلمني

.

ماهو بقلبي معك يلعب برغباته
ماكنه اليوم من روحي ولا مني

.

لاتاخذ الهاجس الخايف بنياته
حاول تخالف شكوك النفس وافهمني

.

لاتحرق القلب يالغالي بحسراته
ان كان يرضيك زود الشوق فـ مهلني

.

حبي خفايا الحراير من معاناته
ياليتك بـ هم حبي لك تقاسمني

.

لو يدرك اللي يبيه الحي مافاته
لقيتك بحبي الاول تعللني

.

وان كان شككت في قلبي وغاياته
عندك قضاة الهوى والحب حاكمني

ماهو بقلبي معك يلعب برغباته
ماكنه اليوم من روحي ولا مني

الله يعطيك العافيه اخوي كثير الاسفار
اختياراتك رايعه كلك ذوق
ولك تحياتي

إقتباس من مشاركة ابو حسين

ماهو بقلبي معك يلعب برغباته
ماكنه اليوم من روحي ولا مني

الله يعطيك العافيه اخوي كثير الاسفار
اختياراتك رايعه كلك ذوق
ولك تحياتي

يعافيك ربي شاكر مرورك الاكثر من رائع