الغنى والفقر حاجه بيد رب العالميـــن..

العالميـــن.. , الغنج , بيد , حاجه , رب , والفقر

الغنى والفقر حاجه بيد رب العالميـــن..

الغنى والفقر حاجه بيـــد رب العالـــــــمين

الغنى والفقر حاجه بيـــد رب العالـــــــمين= مؤمن بهذي العباره بس ماانتي مؤمــنه

وادري إن المال لبّــى كل شيٍ ترغــــــبين = إلا أنا واحد من الرغبــات غير الممكنـــه

وإن بغيتي تفتنيني مو بمــــــالك تفتـــنين= والدليل إني فقيـــرٍ وانتي اللي مفـــــتنه

وإن قدرتي تشــــــترين رجال لا ما تشترين= واحدٍ مثلي مجرّب ومحكـــوكٍ معدنــــه

وانتي تحسبين نفسك بالغنى اللي تملكين= تملكيني؟ لا تراني ماني من المســكنه

أنتي اللي ملك ليّــــه واسكتي لا تكـــابرين= وحالتك في حال شوفي حال أكبر "مدمنه"

والله إنك مهــما كنتي بالنصــر تتضاهـرين= ألعـــب بقلبك تراني مثل لعب "الدومــــنه"

كنت أحبّك قبل أعرفك يوم شفتك شوف عين= قبل أعرف إن من صفاتك حب ملك السلطنه

إنصدمت من اللي شفت وقلت ياربّي تعين= وانجرح قلبي بيدينك يوم خنـــجرك طعـنه

يوم شفتك في غرورك تسرحين وتمرحين= قلت في نفسي غرورك غير أدفّــعك ثمنه

لو سمحتي وقّـعي هالعقد لو تتكــــرّمين= عقـد تأجيل العلاقه لين (( 600 )) سنـه

يعني يا أغبى غنيّه إفهميها "لا تجين"= ما أبي حـبٍ "مزهمل" والمذلّه "تهدنـه"

قربك الكنز "الرخيص" وبعدك الكنز "الثمين"= والندم عندي على فرقاك جهّزت "كفنه"

كيف أبندم وانتي اللي من يحاول لي يهين= حلم والله حلم إنك تفرضـــين الهيـمـنه

ما دخلتي بالمحبّه في كتاب العاشقين = انتي كتـابٍ قراه القلب سـاعه و اركــنه

واتركي بعض السوالف لنّ بعض المسلمين= داخلينٍ في جهنّم من حصاد الألســـنه

لجل ذلك بختـصر كل الكـــلام بكلمتــين= والمفيد من الكلام يكون أقلّــه أحســنه

الفقر علّمني إني ما اتردّى واستكــين= والغنى اللي عن طريقك جعل ربّي يلعنه

للشاعر المبدع : ثاني الدهمشي