لو للفقر يا راعي الفقر ديره!!

للفقر , من , الفقر , يا , ديره!! , راعي

لو للفقر يا راعي الفقر ديره!!

لو للفقر ( يا راعي الفقر ) ديره
ما شفت ساكنها من الناس رجال

كم من غني عاش نفسه فقيره
وكم من فقير مال وقته ولا مال

جعل الغنـــي اللي ذراعه قصيره
لو طال وقته يشتكي قلة المال

وجعل الفقيــــر اللي حلاله لغيره
يغنيه رب الكون وتزين الاحوال

هذي هي الدنيا رحــى مستديره
تمسي على حال وتصبح على حال

اصبر ترى فالصبر حكمه وخيره
وخل الرجى بالله لو الصبر طال

الـسر خـــل الـسر في قاع بيره
ولا تـبيـن ( للـمخالــيق ) مـثقال

اكسب علوم الطيب من دون حيره
واكسب هل الوقفه كريمين الاسبال

عليك باللي مثل شمس الظهيره
ما يقبل الحيله ولا هو بمحتال

واخسر صداقة من حباله قصيره
وراع الخساره جعل ما يذخر عيال

الصاحب الوافي حزام وذخيره
خله على يمناك والخايب شمال

ومن يحقر الفقران ما فيه غيره
كم شيخ قوم مات ما يملك ريال

ترى الجمايل عند اهلها كبيره
لا تفعل المعروف في كف الانذال

واذكر جميل الكفو في كل ديره
ومن يجحد المعروف ما هو برجال.

منقول

جعل الغنـــي اللي ذراعه قصيره
لو طال وقته يشتكي قلة المال

وجعل الفقيــــر اللي حلاله لغيره
يغنيه رب الكون وتزين الاحوال



امين يارب

ويسلم يمينك اخي العزيز ابو محضار على هذا الاختيار
من جد اشتقنا لمشاركاتك ولو كانت منقولة ،،

تحياتي ،،

حبيت اقتبس شي من الابيات يتميز عن غيره
وبصراحه لقيتها متميزه كلها من اول بيت الى آخره

قصيده تقرأها مره ومرات لجمالها شعرا ومعنى ,,

تسلم يمينك ابومحضار وصح لسانك القايل ,,