زوامل بين بني هلال والعوالق , تجمع عدد من الشعراء الكبار

من , الشعراء , الكبار , تجمع , بين , بني , زوامل , عدد , هلال , والعوالق

زوامل بين بني هلال والعوالق , تجمع عدد من الشعراء الكبار

السلاام عليكماخواني اسمحو لي ان قدم لكم هذه المساجله الشعريه الكبيره التي جمعت شعراء من بني هلال ومنهم الشعراء (ال جرادان) وشعراء من العوالق حصلت في نجران

في زواج ابن حسن بن علي بن منصر الهمامي في عام 1984 التقى عدد من الشعار وهم :
الشاعر محمد علي لزنم من جهة وعبد الله ناصر بن جرادان وحسن بن صالح الطالبي
واحمد بن صالح الطالبي وعبد الله الجعري وعلوي عبد الله من جهة اخرى
وبدأ الشاعر محمد علي لزنم مرحبا بالضيوف يقول :

حيابكم لاحد ماهو حدنا = لاحد محمي بال فيصل بن سعود
ماحدنا من خلف هذاك الجبل = من حيث لا قالوا لها نودي تنود
حيابكم جمعا جمعكم كلكم = يملى السواكن واستند روس الحيود
من قيل ذي حل النهوج الشرقية = من حيث لمات الشوافع والزيود
يأبن جرادان النسي باخص لك = ان عاصمة كشمير تحكمها الهنود
ان باتصدقني انا قلته لكم = وان باتكذب عاد كلا بايعود

حسن بن صالح الطالبي

حيا الله الليلة وجيه اصحابنا = هم ذي يحملها ويوفون الزنود
انتو دفانا في ليالي حاديه = وحنا نفصلها على خمسه بنود

لزنم :

عودوا بلدكم يوم هي نادت لكم = قدام تقفل بابها عسكر جنود
مالا قد الجندي لزامه سنتري = بايغلق ابوابه على اطراف الحدود

حسن الطالبي :

نحن على الميثاق مابا نعذرك = وانتو من الميثاق يا صحابي جمود
نحن على الواحد وقد بانتفق = لما تردون المناطق والوهود

لزنم :

الحق عندك والدعاوي كلها = ما بعذرك لو باتصل لا قبر هود
اشرد وانا بطرد وتالي بزقرك = ماحكوا لكم انا لزقر ذي شرود

أحمد بن صالح الطالبي :

يا راسي الليلة تذكر هاجسك = لا ثور الشمسي وسده بن عبود
ياخال انا باراجعك في زاملك = البرق يلمي والمطر في اكمام سود

لزنم :

انا جيت باصفي حسابي منكم = يأهل الصناديق ذي على سفره وعود
لما تعودوا للحدود الصامدة = من حيث حنات الصواعق والرعود

بن جرادان :

رحب بكم نجران ياهل العاصمة = المملكة ذي عندها كرمة وجود
نحن وياكم عاد نحن في السره = تحت الركب مبعد طلعتوا ع النجود
با بن احمد حسين أنت بداع الملم = لكن لازم تعترف لي بالردود
مدري وش القو لك عيال الرابعة = والثالثة ذي سمها وسط الكبود
والحق ما عندي حقيقة واضحة = شف عاد هنه من على المنهل ورود
يا الهيج لسمر ذي تلاعب ذروتك = مبعد لفيت جنبك اطراف النقود

صالح جحرم :

الله يحيي كل من حيا بنا = يا ذي استندتوا جبل وادي ثمود
نحن زقلتونا في الربع الخلي = حيث الثعالب تخترش هي والفهود

الجعري

الله يحيي كل من حيا بنا = يا ذي تبون الفيد والفلة قصود
اليوم بان الضيق من بعد النسم = والبيت ماكن بالنشامى والعمود

عبد الله جرادان :

انا سلامي تم جبته من عدم = معاد ينكر منه الشخص الجحود
قولوا لبن لزنم خطا رأس القلم = معاد خلانا نجي الديرة وفود

عبد الله بن جرادان :

ما كان بنت العم حطت ثوبها = لنتو حميتوها على الثوب الجرود
ما كان شلو ثوبها خدامها = واليوم يحدوها على ماهو يكود

علوي عبد الله :

يا ذي في الوادي تسمع راعده = هو ما تشوف البرق في الناوة يقود
شليت خوره كلها لا روسها = واليوم في مرخه تطرحها هبود

لزنم :

يا الصقر لا شفت الحبارى كلها = لا تقرب الغربان بو جنحان سود
باتلطمك جنحاتها لا ميحت = ذي تؤخذ اللحمة على عين الحسود

لعزر الهمامي :

حيا الله وجيه اصحابنا = ذي لمها الله بين ذلاح الحيود
لاحد يحانق لختشرنا كلنا = قد سالت الخصفان واصبح بالوهود

حسن الطالبي :

كلمة على قلبي وودي قولها = يا ذي في الوادي تسوون السدود
يحجاني الله ما لحب المعتبة = يا ذي تسوي لي في المهراء حقود

احمد صالح الطالبي :

حيا بكم يا ذي ولبتو عندنا = لكين في لكين ما عدوا نقود
يا الجعري أن الحق ما عنده حنق = ان شي حقيقة شف قبائلنا شرود

لزنم :

ما بانواس انكرت صوته ما طلع = ما طاع يتكلم ونحن في الوجود
ان با يكلمني انا با كلمه = وان ما يبا ريته قفا سبعة نجود

حسن الطالبي :

لحنا في الوديان ..... واحده= واخوه سوى لاجات لمات الحشود
والعفو لاشي زاد ولا قصر = واحد من الريمه وواحد من زبود

لزنم :

يانيم كم لك نيم من تحت الدفا =لحنا سهرنا وان ثر العالم رقود
اليوم باريض وباخذ راحتي = مانا وخصمي قفا الهده سدود

حسن الطالبي :

الهرج واحد والمواجع واحده =والفايده ماشي معانا يالشدود
وانتوا معاكم بنت في راس امجبل= وش بايوطيها في رجيلي لكود

لعزر الهمامي :

حيابكم في شف عوجان الرجب =ياذي عمتوا بين لخشام الدناه
واليوم في وادي وسيعه جنبه =تسقون عاشعابه وبره عالسناه
جزعه علىالدنيا وخلا القربعه =مهما جنا الانسان بايلحق جناه

لزنم :

حيابكم ياذي ولبتوا عندنا =مااتحكم الباني على رؤس البناه
هذه السنه ياغاره الله منها =ماحد عرف وين المحبه والشناه

بن جرادان:

حيا الله بذي حي زامله =ذي لاهوى يفحس عزيري للفناه
لاتخالفت لتلام في روس العمل =شف عادمولى مصر يغلب عالقناه

لزنم:

حيابكم ياذي ولبتو عندنا = مالاح برقه في شخاليل العناه
الليله الكسران لمو كلهم =ذي قطبوهم من تعاشير الرماه

احمد بن صالح الطالبي:

حياالله بذي عاده وجد =حيا الله الماجود ذي عاده يجد
ياذي تفكون القيود الصعديه =لامكنوها بالمسامير الحدد

عبدالله بن ناصربن جرادان

مبخوت تضربني بنادق واجده *** لكن رشاشك يجي ضربه ربد
لاانته تبانا عل العوايد لوله *** مـانا بامجــبور ولا بوعــبد

علوي بن عبدالله بن جرادان :

مبخوت لعزر عولقي بن عولقي = لكن انا ماعل من جد الحرد
هو مادرى ان لزنم عدو اصحابهم =وان المكاوي له في الغارب جدد

مبخوت لعزر الهمامي

حيا بكم ياذي ولبتوا عندنا *** يا ذي مواكـبكم على قــبلي زبد
ماعاد بصحبكم وانكرصاحبي *** والدّين ماسامح لحقي مستعد

لزنم :

مبخوت لعزر عولقي بن عولقي =يابن اليهود المقرده وابن القرد
لاتنكر الماجود وانته تعرفه-=ولا وردنا من يبا الصافي يرد

لزنم:

اناعولقي عفريت وامي جنيه = وانا بن الشيطان وابليس الرجيم
ان حد هرش في القاع بسوقه دلا= وان حد جرى سقتاه في الليل الظليم
من قال جده خير من جدي كذب =كذاب لايوم الصراط المستقيم
في الظاهره ليه قسم خيره قسم = والاخره باحل جنات النعيم
وانتوا قسمكم في جهنم كلكم = في نار حمرا يوم تتظرم ظريم
ماجنه الفردوس قسم العولقي = لاحد قربها يامسلم ياسليم

الطالبي:

الله يحي كل من حيا بنا =ماسال سيله وانذلح من كل صيم
هو ماتشوفون الزوافي حضرت=ماتعر ف الدمام يامولي القصيم

جحرم:

الله يحي كل من حيا بنا =باقول ياحيا بذي جالس وقيم
يالزنم ان يباتنشدك وانت احك لي=هو ماعرفتواحسن ذي جابت فطيم

بن جرادان :

الله يحي كل من حيا بنا =حيا بذ ي طارش وذي عندي مقيم
انته قبيلي صلب وامك جاريه=لاتحسبك شي مقدمي دوله زعيم

علوي بن عبدالله بن جرادان:

الشك ماشي شك فيكم كلكم =ياذي تنحيتوا بصلاح العميم
هو مادريتوا نا في الوادي سوى=ماشي فرق في الغر والسود البهيم

الجعري:

الله يحي كل من حيا بنا =لزنم زقر بالحبل والشين الرميم
ساعه يهاجمنا وساعه مننا =ذي مايخاف الله في حق اليتيم

لزنم:

انا مع يهاجس يسقيني عسل = واسقيه من عنبا على سكر وليم
اقرا كتاب اعجم ولاحد يفطنه=وان حد قرا في كتابنا ماقال ميم

علوي عبدالله بن جرادان:

لزنم مدلي في شروع القبيله =ويحسب الجعري من اصحابه يتيم
اومايحسبنه بن منصر ذي اعترف=ذي يحمل الميله وواجه بن نهيم

بن جرادان:

حيا الله بذي وحي زامله =هو ذي زواملهم يرقمها رقيم
ملا قد الله مد بك من بيننا=ابشر بضرب الليل والورد الصميم

لزنم:

اناحلالي بين ساخط وامجبل =هذاجبل ماهزه السيل الهميم
حتى الزلازل يوم جت ماهزته=واحلف لهم يالشاه بالله العظيم

وفي الختام لكم مني اجمل التحيه