ابكي وعيني تسهر النوم ياريم

النوم , ابكى , بشهر , ياريم , وعيني

ابكي وعيني تسهر النوم ياريم

كان الشاعر الكبير بندر بن سرور العتيبي في احد السجون وكان جالس في احد الممرات وفي ذلك الوقت مرت طفلة اسمها ريم وامها دخلين لزيارة سجينهم والشاعر سمع صوت الاطفال فتذكر ابنائه فدمعت عينيه فراته (ريم) فقالت ريم لامها يمه الرجل يبكي فنهرتها امها
وعندها كتب الشاعر هذه القصيده

ابكي وعيني تسهر الليل ياريم
مدري بلاها الشوق والا الظليمه
ياريم دمع العين مدري على الريم
والاعلى قلبن تواكل صميمه
تقول لاطمني على نوبها سيم
ابكي وعندي لازرق الدمع قيمه
ويمكن يكون الدمع للعين تكريم
ويمكن يكون الها عذاب وحريمه
والله يا لولا دمعتن كنها الديم
رحت ضلوعي من عذابي حطيمه
ودام البكا ياريم مافيه تحريم
يا عنك والله لارخص الدمع شيمه
وابكي على حالي من الوجد واهيم
لين الزمن يخلف عليه نسيمه
ابكي حياتن صافيه مابها غيم
وين المحبه والقلوب السليمه
ابكي قهر وابكي من الغبن والضيم
وابكي من طعونن بقلبي قديمه
غدر الزمن خلى بوجهي مراسيم
ومايذبح الرجال مثل الهزيمه
بعض المصايب شرها ياكل الهيم
وشلون بكبود الرجال الكريمه
وبعض المصايب يخلفن المفاهيم
تبغى على ماقيل صبر وعزيمه
مظلوم بالدنيا وغيري مظاليم
من عرض ناسن لبسوهم جريمه
ماعاد ابي من سود الايام تعليم
عقب العذاب اللي كلاني جحيمه
ولو تصفي الدنيا علي الملا زيم
ماعاد ادور من وراها غنيمه

صح بوح شاعرها اليمه جداً اشكرك جداً ابورامي

تجلب الجميل والراقي استمررر
طبت بخير وعافيهه

الله الله
إيداع لا يوصف..
صح لسانك أبورامي..
ويعطيك العافية..
لا عدمنا جديدك..

صح لسانك لا عدمنا جديدك

ويمكن يكون الدمع للعين تكريم
ويمكن يكون الها عذاب وحريمه


صح لسان الشاعر أبيات روعة
وتسلم ابو رامي على حسن الاختيار

صحت ابدانكم وسلمتم

.