غرقان بالوله

بالوله , غرقان

غرقان بالوله

مزاجي لها حبان غرقان بالوله&
وبالي لها عاشق وفكري بها يهيم&
حبيبه على كيفي اميره مبجلة&
لها طيف مايبعد على هاجسي مقيم
اراها بفنجاني عروساً مدللة
وينفح شذاها عطر يدخل الى الصميم
شمه مميز افتتن به ولا اجهله
ريحه بها تأخذ شعوري الى النعيم
عيني تغازل عين دعجاء مكحله
الى عين فوق الوصف ماهي مع الحريم
اضع شفتي فوق الشفاه المعسله
وارشف مدام الذايقه والدوا السليم
دوا انتعش به احتفي به ولا اهمله
ويطرد من الخاطر الاكدار والغريم
اذا مل وقتي بي فمن بايعلله
ومن بايكون في ساعة الوحشه النديم
سوى قهوتي في ساعة الضيق توصله
ومن غير فنجاني من الناس بي عليم
على الكيف مايخلف ولا كان يخذله
وحنّا على ميعاد ميعادنا حميم
فكيف اشكر القهوه بكلمه ومسأله
فشكري باستمرار دايم لها يديم
فهي للمضيف عند ضيفه تجملّّه
وتقديمها للضيف عاده من الكريم
ابورامي

يبدو ان مافيه احد يحب القهوه مثلي