09-04-2011, 03:52 AM | #21 |
| السنابل من يهني السنابل .. في ليالي عرسها كل شعب الجزيرة .. اللي تعب في غرسها يا جزيرتنا بناتك .. ما تناسوا وصاتك .. كافحوا .. واتخرجوا .. وتحت ظلك انتجوا آه كل يومٍ .. في حايتك يا جزيرتنا أمل .. البيارق خضر .. وفصولك ربيع راية التوحيد .. يا عز الجميع يا جزيرتنا بناتك ما تناسوا وصاتك كافحوا .. واتخرجوا وتحت ظلك انتجوا آه كل يومٍ في حايتك يا جزيرتنا أمل ..
|
|
09-04-2011, 03:53 AM | #22 |
| ظما الشمس الله يعلم إني حاولت .. حاولت أسند على كفي السما .. وأناظر الشمس أشرب عن عيونك ظما أشرب ظما الشمس وقلتي عسى ... جفنك عسى مايحترق حاولت ماأغمض عيوني حاولت أنا .. ما نفترق ..آه لو تدرين لوتدرين لاعوّد العاشق حزين يمشي على جفن وجبين عزاه يالقلب الشجاع ضاع الأمل .. وما لك عذر من لمست عيوني الشعاع زندي أنثنى .. ورمحي أنكسر إن لمسني حزنك الطاغي بغطي وجهي الوجل بيدي وجرحيني .. جرحي .. جرحي ثم ابعدي ريحي الصمت بكلام آه .. لو كلمة ملام إرجعي تحت الظلام .. عوَّدي في سنا القلب اللي توه يحترق غمضت أنا عيوني غمضت أنا عيوني ياإنت بنفترق والله يعلم .. إني حاولت
|
|
09-04-2011, 03:55 AM | #23 |
| عض النواجذ أقـوم بجبالٍ ولا أقيم في سفح لو أطعموا لحمي لعوج المخالب يابنت مابه ذنب يصعب على الصفح كود الهوان وعيش سحم الثعالب لاوالذي كرّم جديلك عن النفح العز ماهو بين شـاري وجالب الله خلقنا .. تلفح وجيهينا لفح حر السمايم في عزيز المطالب سوى رضينا أوطفح كيلنا طفح عض النواجذ طبع والطبع غالب
|
|
09-04-2011, 03:56 AM | #24 |
| عاشق هالزمان لا انت حارس للنجوم .. ولا انت غارس للقمر وما انت حابس للسموم .. ولا انت حاسس بالمطر شايلٍٍ هم التراب .. وشايلٍ هم السما وانت يغويك السراب .. وانت يقتلك الظما تحمل هموم وهموم وانت فـي الآخر بشر *** لا انت فارس هالرمال .. ولا نوارس هالبحر أعظم حروبك خيال .. واقصر دروبك سفر شايلٍ هم الصديق .. وشايلٍ هم العدا ليه تمشي والطريق .. كل ما خلص .. بدا وليت به شيٍ يدوم وانت فـي الآخر بشر *** لا انت عاشق هالزمان .. ولا مشانق هالزهر انت تحتاج الأمان .. لو تعانق لك حجر شايلٍ هم الغياب .. وشايلٍ هم اللقا كافي ضيعت الشباب .. لا يضيع اللي بقى ما لأوهامك لزوم وانت في الآخر بشر
|
|
09-04-2011, 03:57 AM | #25 |
| ضيعت الدليل كل ما أقفيت . . ناداني تعال وكل ما أقبلت عزّم بالرحيل وكل ما أجنبت واعدني شمال يا أهل الحب ضيعت الدليل الحقيقة غدت مثل الخيال هو عـدوّي . . وهو أغلى خليل شفت أنا الظلم من بعض الدلال يجرح القلب لو كانه جميل أشهد إن الهوى ما به عـدال هو خلي . . وأنا قلبي عليل وكل ما قلت له يا ابن الحلال المحبة عطا . . وانت بخيل التفت لي وهو عجل وقال لذة الحب في الشي القليل
|
|
09-04-2011, 04:01 AM | #26 |
| ظل و طباشير من روائع البدر اشاره .. تعقد الحاجب نوقف طوابير الليل في الشارع .. ظل .. وطباشير .. ووجيهنا لوح اشاره .. نعقد الحاجب توقف نوافير .. النور .. وتجري نوافير .. ويدور .. الشريط يدور وسيارةٍ قبل الأخير اتعيد نفس الأغنية .. نفس الأغنية .. ويمر الوقت ثقيل .. ثقيل .. على القليل .. من الجلد .. اعد حبات العرق .. في جبهتي .. وفي مرايتي .. يصرخ ولد وينعس كبير .. وسيارةٍ قبل الأخير .. اتعيد نفس الأغنية .. نفس الأغنية .. يصرخ نفير .. اشارة تطلق الحاجب وحبلٍ يلين .. اطلق يدي .. من الشعور .. اني سجين .. اشارةٍ تطلق الحاجب وتركض نوافير .. النور آه .. السؤال .. دربي شمال .. والا يمين .. شمال .. يمين انا وين اروح .. وين اروح .. ظل .. وطباشير .. ووجيهنا لوح ..
|
|
09-05-2011, 09:02 PM | #27 | |
تخيل تاقف على طرف الهدب ما تلمحك عيني عاتبتك أكيد من العتب ما كان يعنيني سلم أبرّد السلام .. وهذا ترى كلّ الكلام اللي بقى بينك وبيني .. تخيّل اليوم مشتاق لسما .. للشمس والأرض البعيد اليوم ولغيرك أنا يطرى على بالي القصيد اشتقت للقلب الخلي .. وش همي لو تعتب عليّ جيتك أنا بليلة ألم .. قلبي على كفي همست لي روح يا غريب .. الشوق ما يكفي سلم أبرّد السلام .. وهذا ترى كلّ الكلام اللي بقى بينك وبيني .. تخيّل من وين .. ومنين ومتى بالله ذكرني .. جيتك أنا فليلة شتا .. تهزني ريح الشمال .. تهزني محتاج أنا لبسمة وشال .. محتاج لك .. تركتني لبرد الطريق وأنا على بابك أتذكر إنّك قلت لي .. بالله وش جابك .. ودعتني قبل السلام .. وهذا ترى كلّ الكلام اللي بقى بينك وبيني .. تخيّل
| ||
|
09-09-2011, 07:15 PM | #28 | |
شاعر كبير وغني عن التعريف شكرآ اخي بيحان على ما اخترت من روئع هاذا الشاعر دمت ودام عطأك وجهدك متميز ومشكور...
| ||
|
09-11-2011, 03:52 AM | #29 |
| ناقش الحنا ناقش الحنا على الكف الحزين .. ناثرٍ شعره على شمس الجبين والعيون السود ذبح العاشقين انا دخيل الله .. وانا الجريح والله لا تناظرني بجفا لا .. لا يا حسين الوصف .. وش ذنب القلوب .. ما تعرف العطف يالقاسي اللعوب علّ ماجا منك تكفير الذنوب انا دخيل الله .. وانا الجريح والله لا تناظرني بجفا لا .. لا زاهيٍ بالورد .. خدك يافتون والعطر دمي .. من رماح العيون احترق قلبي مثل عود الدخون انا دخيل الله .. وانا الجريح والله لا تناظرني بجفا لا .. لا
|
|
09-11-2011, 03:53 AM | #30 |
| يا حمام ناح يا حمامٍ ناح هيج شجوني .. في هزيع الليل .. سهرت عيوني ناحت الورقا في ليل .. ذكرت قلبي الرحيل آه .. يا ويل المفارق .. ضاع في ليل المفارق .. والذي صبره قليل لا يفارق .. أول الغربه شجون .. باقي الغربه ظنون آه .. يا قمر الغريب .. ساعة الظلما تغيب .. والذي دمعه قريب .. لا يفارق .. ليل .. يا ليل الدموع .. يا ترى كيف الرجوع .. آه .. يا ظلم المسافر .. لو عن الغربه نسافر والذي قلوبه شموع ..لا يسافر .. |
|
Bookmarks |
Currently Active Users Viewing This Thread: 1 (0 members and 1 guests) | |
| |