09-11-2011, 04:06 AM | #41 |
| هداج مدري الزمان اللي زبد ثم عربد ولعبت بك امواجه معاليق وحجاج أوهو الحبيب الي نزح عنك وابعد ولك حاجةٍ به وانت ما قلت محتاج أوهو الجسد لا بد يعرق ويبرد دور لروحك لحظة الضعف مخراج يا ضاربٍ في الصخر بذراعٍ اجرد بين بياض العظم ما فاض هداج ويا ضايعٍ في غابة الحبر الأسود ضاع العمر ما جبت حرفين من عاج اشعلت جمرٍ وأحرقك لين رمد واليوم تـبني حوله ضلوعك سياج أرخ الستاير ما بقى كود مشهد كهلٍ كفيف يشعل لغيره سراج
|
|
09-11-2011, 04:08 AM | #42 |
| من زعلك من زعلك في عيونك السود نظره لا شفتها حسيت بالحزن والياس من زعلك طاحت من الليل قمره خلت طريقي من المواعيد والناس لو هو انا .. بالله شوفيني مره وأنا أعتذر للتبر .. للدرللماس أبعتذر لنجومها في المجره وللما القراح اللي شربته من الكاس حبيبتي أرجوك في القلب حسره كافي زعل اشغلتي الفكر هوجاس والله لو تدرين ها الحب جمرة بين الضلوع تشب من حر الأنفاس غديت طفلٍ ضايع فيه عبره محدٍ سأل وشفيه ماقال لا باس وهذا الغرام الله يكفيني شره بعيش أحساسه وباموت أحساس
|
|
09-11-2011, 04:09 AM | #43 |
| الوله يطري عليه الوله .. وأطري على باله يامرحبا لاضوى خلي على بابي هجيت حدب الضلوع ونوخ جماله لاجله بكت دمعتي ولأجله ضحك نابي وكل ما ضحك لي لمحت النور في آماله والى تجهم سترت السقم بثيابي وكل ما شكى من عنى همه وغرباله أقول لعل به جرحٍ من أسبابي طال الحكي ما لقيت الوصل بوصاله لاني حبيبه ولا هو أقرب اصحابي ناديت طاري المحبه مالنا وماله بالحيل أنا وانت ربع وكننا أغرابي يا زين كانك حزين .. فحالتي حاله بكفيك همك وأنا بصبر على مابي لو الشجر له نصيب فـ بارد ظلاله ماحرق القيض جفني وأنت فـ أهدابي
|
|
09-11-2011, 04:09 AM | #44 |
| وما انكر العطر ماانكر العطر .. وحبيبتي ومااجحد النور .. وحبيبتي ومااخفي اشعور إني احب الشمس ولفتاتها إني اعشق الليل ونظراتها ياناس انا معذور في حبيبتي والشمس وماانكر العطر الغت مواعيد النهار .. شمس بدت مثل النهار ريح المطر لون الخضار .. حبيبتي أحلى البياض وأحلى السمار بالحيل مجبور .. ماأخفي شعور إني احب الشمس ولفتاتها إني اعشق الليل ونظراتها ياناس أنا معذور في حبيبتي والشمس وماانكر العطر خليني فـ عيونك هوى .. همس الحنين لا تغمض اعيونك علي .. ولا تكذبين تشرقني الدمعه فـ عيوني تحرقني اللوعه فـ ظنوني ياحبي انا والله ماأخونك وماانكر العطر وحبيبتي
|
|
09-11-2011, 04:11 AM | #45 |
| الوعد باكر الوعد باكر .. و لو تأخرتي ... لا يجي باكر ما أبي باكر بدونك احبسي الفجر فـ عيونك و إن أشغل طيفي ظنونك واعديني بعد باكر ... أنا ظلي تحت شمسك و لو تغــيـــبي ما هو ظلي .. و انتي اسمك في حياتي يهمسه بعضي لكلي .. آه يا ضعفي و غروري اعدلي فيني و جوري و اصدقي .. راعي شعوري و واعديني بعد باكر .. هذا وجهك في عيوني ما رسمته لا وربي .. و اللي يصرخ في ضلوعي هذا صوتك ماهو قلبي .. آه يا شمعة وجودي .. اشعلي نارك في عودي.. اهجري قلبي و عودي و واعديني بعد باكر ..
|
|
09-11-2011, 04:11 AM | #46 |
| يا طفلة تحت المطر ياطفلة تحت المطر ... تركض واتبعها بنظر .. تركض تبي الباب البعيد .. تضحك على الثوب الجديد ابتل وابتل الشعر ... لو رميتي شالك الدافي على متن السما .. دفيت الشمس في فصل الجليد .. لو نثرتي صوتك الحاني .. على صدر الضما أنبت العشب وأخضرالجريد ..
|
|
09-11-2011, 04:14 AM | #47 |
| ما ينقش العصفور الصدق .. ما ينقش العصفور .. في تمرة العذق .. وما وشوش الدبور .. زهرة الرمان .. والصدق .. ما زاعت أ رض جوفها بركان وما يحفر الأظفر في جلدة المجدور وش يخفي الإنسان .. الطيب .. المغرور عضيت أنا اجساد الحروف الواضحه .. يا اخت الطريق .. عضيتها صدق الشفاة الناضحه شهد وشري .. وكان الحديث .. جرح ٍ طري .. مضمد بالياسمين كان الحديث .. ما هو الحديث اللي تبين .. وش اللي تبين الصدق.. ؟ وش الصدق ؟!غير الدفا والنور .. وما يقتل الإنسان الطيب .. المغرور لو قلت لك .. إني ضعيف .. هش ٍ كما ورق الخريف .. أو قلت لك إني أخاف .. أبكي .. واخفي عبرتي .. واني لبست .. ثوبي .. عقالي وغترتي .. با أجامل الليل .. والجفاف بيعجبك .. هذا الصدق .. وهذا العفاف .. ؟! بهديك أنا يا مهرتي .. سرج ٍ حرير وقلادة ذهب .. وأبا أشتري سيف ٍ رهيف .. لو ما بقى عندي ثمن .. نصف الرغيف .. اللي يسد الجوع .. والجوع .. صدق .. الجوع .. صدق .. وما سواه .. يا اخت الطريق .. كذب .. كذب .. كذب
|
|
09-11-2011, 04:15 AM | #48 |
| نور الصبايا .. عذب الشفايا عـذب الشـفايا ..معـسل الـريـق مـاذيـق نجـل العــيـون .. معـذب القـلب بالشوق نور الصبايا ..شـوف رسـمه تـشافـيق متعـب ..لعـوب ..وظايـم الضـد بـرفوق يبهج شـبابه عـثـرته للعشاشـيـق يضحك ..وأنا قلـبي من الصـد محروق لا ..يا ذهـب ..ومـخـبّـىٍ بـالصـناديـق لا له ثـمن يشـرى ..ولا هـوب مسـروق مثل الثريا نـوف ..مالك تلاحـيق ومضـوي شعاعـك في سما كل مخلوق ملكـتـنـي .. وأدمى هـواك الـمعـالـيـق وأنا ..مليـك بجرحه قـول معـتـوق
|
|
09-11-2011, 04:16 AM | #49 |
| ما بقالي قـلب يشفع لك خطيّه ذوبـته اجروح صدّك والخطايا صاحبي بالله ... لا تعـتب عليّه العَـتـب ما عاد تاسَعه الحنايا كلّ جرحٍٍ فات لي منك هديّه وش بلاك اتخاف من ردّ الهدايا الله أكبر ... كيف مالك مقـدريّه وكل ما تحمله من هـمّي بقايا لا تمنّيني ... سَرَاب المهـمهـيّه الـقـرَاح اليوم ...ما يروي ظمايا وان غَدى للحب في قلبك شظيه وش يقـول اللي غدى قلبه شظايا
|
|
09-11-2011, 04:17 AM | #50 |
| يا زمن صدفة ولا قلبي يحب الموعد اللي تركته للزمان صدفه ولا عيني تحب الدمعة اللي يمنيها الهوى بعطفه وانا مابي.. حصاد الموسم المرجي ولا أظن الأمل ينجي حطام المركب الغرقان كفايه توعد الولهان فاكر يا زمان يا زمان صدفه حبيبي عمرنا لحظات نعديها ولا ندري ويكفينا الذي قد فات كفاية يا بعد عمري وانا مابي .. حصاد الموسم المرجي ولا أظن الأمل ينجي حطام المركب الغرقان كفايه توعد الولهان فاكر يا زمان يا زمان صدفه |
|
Bookmarks |
Currently Active Users Viewing This Thread: 1 (0 members and 1 guests) | |
| |