03-21-2013, 01:51 AM
| #11 | |
 |  شمس النهار [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] لو عارفه يا شمس النهار [/align][/cell][/tabletext][/align] طلة شعاعك من بدار .. طوت الظلام كشفت ستار خجلن فراشاتنا الكتار طارن بعيد تركن ديار حزن الورد جف الخدار والزهيرات النضار اتلفحن توب الوقار حتى العصافير الصغار ا تلملمن سربين وسار ***** لو عارفة يا شمس النهار كنتى بدلتى القرار وكنتى اخرتى المسار شلتى الصبر والانتظار رغم الصبر كيفنو حار حتىالبلوم من عشه طار شايل الحنين فى كفو نار خايف الضياع خايف الودار لو عارفه يا شمس النهار .. طلة شعاعك من بدار.. طوت الظلام كشفت ستار..
| |
| |
|
03-21-2013, 01:52 AM
| #12 | |
| صدقنى يابا [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] صدقنى يابا .. [/align][/cell][/tabletext][/align] دمعاتى جارية و لسه كابا.. كاسرة زى سيلاً دفر.. دمر شتول نوارو شابا .. قطع حشا الفرع الرطب .. حتحت خضر.. نديانه دابا .. شرد عصافيراَ بنت .. اعشاشها من اخرالسرابا .. صدقنى يابا .. ليلى مفروش الاسى.. ضلى معروش الكآبا.. فاقدة الحنان الفيك رسى.. تايهه زى شفع ضهابا .. شارده فى دروب الشقا .. مقطوعه زى شدرات فى غابا خايفة من صوتا مشا .. باكية الامان الكان سحابا .. صدقنى يابا .. الكون بلاك كاسى الجفا.. مسكون ضنى وممزوج رتابا .. والفرح مرسوم صور.. لا روح ترف لا صوت ربابا .. والبسيمات المحجرة فى الضلوع.. مسجونه فى ضلمة عذابا .. صدقنى يابا .. بتشابا لى الذكرى القبيل.. ارويها بى نفسك شرابا .. القاك فى الحلم الدليل .. والقاك فى الآهه.. هضابا .. تنسج معاى المستحيل .. ارجاك بى قولة حبابا.. افرد ادياتى لشقن .. من الوهن خط الكتابا .. انادى فيك طول الزمن .. حليلو يابا .. حليلو يابا ..
| |
| |
|
03-21-2013, 01:54 AM
| #13 | |
| فى شان ود المك [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] يا عزة .. [/align][/cell][/tabletext][/align] عزك للبلاد شد الرحال سوح شايلاو عصافيرنا المهاجرا .. تهاتى بيه تمرح .. تدودى الكلمه بالاحزان . ومره تعود تنم تصدح .. تناغم الشوق .. تتاتى لفوق .. تبارى الغيم معا وتسرح .. عديلة الليله يابلدى .. عديلة وزين .. شباب اتلم فى المطرح .. قلوبهم عامره بى حبك . كتير القالو فيك يمدح .. زى جنياتنا.. ود المك .. شالك فى حشاه فرح .. نضمك غنوه فى الافواه وشتلك فى البرارى بلح بارى النيل غنا واشراق ضامى الليل بشعرو سبح ليك يا المك .. شوقنلطال فرد جنحيو تياب و طرح وحات البين وضى العين سيرتك فى البلود تشرح وحات البين فراقك شين نارك فى الضلوع تنتح.. ود المك . لزوم الليله نوفيك..شوية حق فشان تفرح .. لزوم الليله نوفيك .. كلمة حق تصون الكان زمان روح قبل ما تبقى احلامنا سراب مدفونه ما تبرح
| |
| |
|
03-21-2013, 01:56 AM
| #14 | |
| أم الزين [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] ضلاله بي طرقه [/align][/cell][/tabletext][/align] مشروره في حيطة متكوله بي مرقه رقراقا بيتاوق بيناغم ألفرقه حداها أم الزين لابساها نص فتقه بلامه في وجيها ملتوقه بي لفقه شايلالا خماره في حليلة متحرقة وقودا في اليدين حازماه بي بتقه جهالا بي غادي تشابا في شفقه تغنى وتهاتي لصغيره بي رقه تحجي يوماتى خايفالو من شرقه مقسومة في العينين ما بتعرف ألمرقه معيشة زى همين تبداها بي طرقه وحليلة في منقد بصلاتها متفرقة قفيفه مقدوده مرقوعه بي ورقه تتناول الفندك تنادى للرفقة كريمه أم الزين بتقسم ألنبقه حنينه للمسكين تسقيه بالبقة دمعاتها جوه العين فرحانة مى حرقه تلولى في الكرعين ما بتعرف النقه تحجي بالوالدين لا صرخة لادقه السمحة نواره مرسومة ألخلقه تتفقد ألجاره بالنية مي زرقة
| |
| |
|
03-21-2013, 01:57 AM
| #15 | |
| سكة الزمن الصعب [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] دفرت مشاويري المأرجحه [/align][/cell][/tabletext][/align] بين الأرض وراحة السحب .. زحمت دروب فوق لى دروب مسحت كلامنا ألفى الكتب دمرت سرابات المدن .. غاصت هناك ... تحت الترب .. نزفت شرايين البلد.. قطعت وريد وسط العصب .. ضاقت صدور .. عبرات تزور.. حلقا نشف جف و تعب .. زفرات تمر فوق الحلق .. مأموره تجرح بالغصب .. ساقت خطانا في انحدار.. لى هاوية الخوف والرعب طبعت قوانينها الغلط في صفحة الزمن الكعب.. والليل طويل شايل الوجع.. ضلت خيوط صبحو الدرب.. والنيل هداك صامت حزين عبرات تسد حلقا شرب.. والجوف هضم .. مر السكات .. لمن شبع جوعا ضرب.. ولا الفراق .. الكان حرب من غير سلاح رغم الضرب مدفور تلملم في الخطى.. تتعتر .0 .تصارع الشوق الغلب تتضارا تحبس في الدمع.. السال حنين كيفن سكب يا سكة الزمن الصعب معووجه من أول طريق لا فيكى صحبه ولا رفيق إلا المتل مسيلمه .. ومعروف كلامو بالكضب
| |
| |
|
03-21-2013, 01:59 AM
| #16 | |
| شدر الهشاب [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] شدر الهشاب .. [/align][/cell][/tabletext][/align] اتشابا لي ضل السحاب داير المطر .. خايف اليباب .. شاف ليه غيمه .. قال سراب . ماظن تمطر كوم تراب .. فجأة انهمر ..من غير حساب .. بل الندى وعطر هضاب .. بكت السماء.. رحل الرهاب دنت الطيور من الضباب .. ركت تحت رسمت رحاب رحل اليباس رحل الخراب .. شدر الهشاب فرهد طرب من تانى بى عودة الشباب جدع صميغاتو ورقص.. رقصة غريب عاد للوطن بعد الغياب
| |
| |
|
03-21-2013, 02:01 AM
| #17 | |
| الدنيا حر [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] لمن تكون صافى المطر [/align][/cell][/tabletext][/align] تسقى الحنين غيمات ضهر تجنى الأمر آخر العكر.. مافى مفر .. ما الدنيا حر.. حين تنشتل في قيف بحر للموج رفيق للطين وزر ما تفتكر صفق الشدر عايش معاك فصل العمر ما الدنيا حر.. لازم يجف لونو السمح يصبح كتر .. والضل يهيم تارك الشدر واقف حزين نصو انشطر يمكن يعود بعد الفجر وامكن يكون مر وعبر ما الدنيا حر .. لمن تلم نصين شتر تغزل خيوط صبحت وتر ما تفتكر نسجك غنا لحنك عطر.. ما الدنيا حر وكيف تنتصر وانت النفر وسط الجيوش جاتك دفر مزروع دريبك شوك سدر طعناتو في نص الضهر والدنيا حر .. وكتين يفيض شوقك دفر ضامى الخدار حزمة زهر ضافر النخيل جرتق نضر ما تفتكر الكون حضر والنيل طمح غطى الصخر ما الدنيا حر .. وكتين تصوم كايس الفطر عز الهجير ريقك حجر ما تنتظر فجر القدر ما قال صبر لكن صبر لمن فتر ما الدنيا حر .. ما الدنيا حر الدنيا حر
| |
| |
|
03-21-2013, 02:02 AM
| #18 | |
| كيـف بتنكر [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] الله اكبر .. الله اكبر [/align][/cell][/tabletext][/align] كيف بتنكر . ما الاماكن والمعالم واقفه تظهر. والمساجد والمآذن .. والمصليين البتذكر.. والعيون الشاربه .. من طرف البحور الجاريه تعبر.. كيف بتنكر . الدريبات البتحفر.. طمى الجروف الدافق اخدر . والنفوس الراويه .. من بطن العقول الما بتودر . والقلوب الضاويه .. بى رعشة شعاعا .. الكان بيجهر. والمطيرات والبروق .. الشاقه نص الليل تنور . كيف بتنكر . فى سمانا وفى ضحانا .. و رجعة نهارتنا التحمر . كيف بتنكر . والجدود الا نحنت . . تحضن .. ترابنا الفيه نكبر . والملامح فى عيونا .. وفى وجوها اشكال تسطر . هيبة قبيله . . وملحمة .. تاريخ بلادى اللونو اخضر . علما برفرف فى سماها .. الاصلو زاهر وديمه انضر . والنزيف المن شهيدنا .. قبره طاهر مسك و عنبر . والدموع الناخره .. لى خد البنيات البتصبر . والشقوق مدفونه عمرا .. ذكريات اياما تمطر . كيف بتنكر . الحنين الكان رضعنا .. وبيه نعمر وكيف بنغزر . والنفير الفى فريقنا .. وفى بيوتنا وفى شوارعنا .. بتكبر . الله اكبر .. الله اكبر كيف بتنكر وليه بتكفر .. الا ماك اغبش وماك من قبايل حاره تنتر . بالسيوف تضرب تحارب .. والنياب بتصك تكشر . وكيف بتنكر. بالله اذكر .. بالله كبر .. الله اكبر .. الله اكبر . .
| |
| |
|
03-21-2013, 02:04 AM
| #19 | |
| الزمن الفلانى [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] قبضة الزمن الفلانى.. [/align][/cell][/tabletext][/align] وكم تاشرات منو تانى سافرت خترت بعيد.. بالاحاجى و بالاغانى دمدمت غيم البلد . . كومت فرحتنا فى آخر ثوانى لملمت بسمات تأمل بى شروقا الاولا نى .. هاجرت .. واتهجرت مدفوره بى شوق الامانى لى ضل نهاراتا شتر ممزوجه لونا .. برتكانى.. فرفرت خايفه فى قلب المطارات والموانى معصورة بى خاطر الامل لى رجعة فى عتمة زمانى تضارا منو . . وتانى ترجع ليه تانى مسكونه بى فتر المسافات والدريب الكان بعانى ركنت مشاعرا المحبوسه . . بالوجع المكانى وانتكت تنفض غبارا الكان مكندك بالمعانى . سكتت تعدد فى سنين . . مشلوله بالصمت المحجر زى اوانى مضروسه بى هم السكات نضما كتر كيفن ضنانى والآهه فى نص الهجير والخوف ضرير المنو دانى ختم الحروف لناخره فى عضم الشديرات بالتهانى يا زمانى الكان فلانى ضرضر عريسا .. كان مجرتق.. بالتراب الاسمرانى ..
| |
| |
|
03-21-2013, 02:07 AM
| #20 | |
| عز الظلام [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] عز الظلام .. والليل هجع .. [/align][/cell][/tabletext][/align] تطعن همومك زى سهام .. جوه الضلع .. تحسب تعدد في الايام .. كم يوم طلع .. تهمس مواويل الغرام.. والكون سمع حتى الودع وصلوا الكلام جلس استمع .. ودع السماء تحت الغمام ابيض نصع.. مرات يشع .. مرات يفر زى الحمام.. مرات يحن جاييك رجع مرات يقيف سارق السمع شايل معاك خوف الضلام .. منك دنا جالس ركع.. كيمان نجوم زى الخيام تحلف تقول في منتجع صمت السماء وهمس الأنام لولايو زى طفلا رضع .. نفس الزهر لحظة وئام ودع خلاص صوت الوجع تبداها بى حرف السلام تسرح تهيم زى طيف فزع لى زول هناك شايلو المنام ساند على حيل انفدع وانت في ليلا بهيم . تتوهم الغفوة وتقع سارح مع الحلم النعيم تترجى ضيا لو طلع تترجى ضيا لو طلع | |
| |
 |
| Bookmarks |
| الكلمات الدلالية (Tags) |
| الجندي , السودان , اسلام , ديوان , شاعرة |
| Currently Active Users Viewing This Thread: 1 (0 members and 1 guests) | |
| |
