03-21-2013, 02:40 AM
| #31 | |
 |  سلام من البلد [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove indigo;"][cell="filter:;"][align=center] سلام.. [/align][/cell][/tabletext][/align] اغرف من بحر الكلام .. اغلا الحروف انسج سلام... فى ثوب موشح بالمحنه والوئام.... واقلع من قيف الجرف شتلات غرام ... اجدع فى الثوب القبيل ... ارسم طيور.. فوق الغمام ... حاضنه الحنين .. حاضنه الوله .. شوق وابتسام ... وارسل تحايا معبقه بالمشاعر والهيام ... مليانه بى ريق الاهل.. نفس الاهل بتقول كلام ....وتقول سلام من الشرق... اهل الدرق .. شوقا الف .. طبعا ولف.. مرحب دبايوا يا كرام .. من الغرب اهل الطرب اهلا حبابكم باحترام ... من الشمال صفق الشدر ... صوت الوتر... ريحة التمر.. تقلد تطايب فى انسجام ... ومن الجنوب نغما طروب.. سكسك يكشكش فى فرح ... يجرى ويجوب.. كل الشوارع والدروب ... و يقول سلام بدل الحروب ... ومن البطانه الداره بالضرع الحلوب بيتين شعر تصدح تدوب ... جنيات تدوبى .. تسرح.. تنم ترسم جمال ساعة الغروب واقيف هناك وسط الاهل .. و ريحة البخور.. اكتب سطور .. تعبر جبال تعبر بحور .. تحمل تحايا من شهور زى دهور ... من قلبا سعيد مليان سرور .. مليان حبور... لى ناس عزاز قلوبا نور .. ووجوها نور ... ضيا متل بدر البدور... ولهيجا زى نفس الزهور ... اتمنى من ربى الشكور ... يصل السلام مرسال محبه .. ولى الاحبه ..الف ورده ... و زحمة من باقات عطور ... ا لف ورده وزحمة من باقات عطور ..
| |
| |
|
03-21-2013, 02:42 AM
| #32 | |
| يا منصرا فى بطن الواطه [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] يا منصرا فى بطن الواطه [/align][/cell][/tabletext][/align] كايسه المهله .. ويا منفدعه فى رمض الرمله حارسه النخله.. ترمى الضل البارى الغيمه.. وتسقى الشتله الراجيه نسيمه.. تلولى الرطب الضاحك ديمه.. يغازل القيف دوباى ترنيمه.. تقالدى الزير التحت النيمه يناغم الغائب وايدو كريمه وتشفى النفس الديمه سقيمه يا منفرا … حيلك ساند ساق القمحه وخاتف لونك بريق اللوحه لافحه حنين اشواق منشرحه فارده جمالك موج فى طرحه يا منجدعه… لمى كبارك ولولى صغارك بارى النيل اسقيه خدارك شدى الوتر الغنى شعارك ضوى الليل النصو نهارك بردى جوف الفات من دارك بين البين والريد مقدارك لمى الفضل انفضى غبارك ردى الدين لى روحك وجارك من الضيم والوجع البارك شيلى الشين للنهبوا خيارك حررى صوتك فجى مسارك ضمى صفوفك اطلقى عيارك بين البين والحق الزارك بين جمرين حرقوه نوارك ورغم البين بنشوفو نضارك فى كل جبين يلالى فنارك بين لحظه وحين نجنيها ثمارك باخلاص ويقين نصون اسرارك شوق وحنين نضمو قرارك عديلة وزين نجيك و نبارك عديلة وزين بالفرحه نشارك
| |
| |
|
03-21-2013, 02:47 AM
| #33 | |
| صباحك [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] يصابح وشك الدنيا.. [/align][/cell][/tabletext][/align] وصباحى معاك نغم صوتك .. يرتل زى وليد خلوه .. محكر فيك فى جوفك.. بسيمتو تهش تفرحنا.. تمتع ديمه بى شوفك.. تقشقش دمعتى ا لحارة .. شعر كلماتو بى حروفك.. قصص مرويه بى شوقنا.. خيوط الوانها من طيفك.. تقرب فى مسافا تنا .. نهار قعداتو فى جروفك.. مياهو الجاريه من نيلنا.. حصن حارساهو بى سيوفك.. يصابح وشك الدنيا ... وصباحى معاك نغم صوتك.. يداعب زى حجول طفلة ... تبرعم ورده لى قطوفك .. تهم فرحانه لى جيتك .. تحن مشتاقه لى كفوفك .. فروع متكيه خجلانه.. تقالد ديمه فى قيوفك .. غيوم مطوية تتقدل .. ترف نديانه لخريفك.. يصابح وشك الدنيا.. وصباحى معاك نغم صوتك..
| |
| |
|
03-21-2013, 02:50 AM
| #34 | |
| الهم جفل [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] عتمة الليل الطويل… [/align][/cell][/tabletext][/align] الهم جفل .. كايس الدليل.. وا لخوف ر كع سارج ضهور النيل صهيل صوتا غريق.. ما بنسمع ناغم طيور وقت المقيل رقراق غشيم شب و طلع ضرضر نهاراتنا القبيل رمضا دفر لا بنوطى لا بنجمع عب البكانات السبيل طعما كتر لا بنشرب لا بنبلع طال الشديرات النخيل يتم عصيفيرا وقع شرد جهال تحت الضليل وجع الفريق جوه الضلع ودر حجيواتنا الشليل شلهت صغير يا دوب رضع شتت بلود شد الرحيل سفرا غريب ما بنجمع زرع الفراق هجرا طويل لا بنطرح لا بنقلع ما بنحسب شهرو الدخيل ما بنكسر زمنو الفجع ما بنجمع شوقو البهيل ما بنستر صوتو الفزع وما بنستر صوتو الفزع
| |
| |
|
03-21-2013, 02:52 AM
| #35 | |
| صرخة حق لك جبار [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] اصل الوجعه هم كفار [/align][/cell][/tabletext][/align] القتل العمد مع الاصرار دسو رؤسهم طلقوا عيار ريحة الغدر الفيها الضار طعم الظلم والظالم فار صاري الخوف فى كفو شعار عارف ناسو لفيف اشرار فيه الخائن والجبار وفيه الحاقد والثرثار لفحوا الضى العالى فنار دفنوا البسمه هدموا جدار كسروا رقاب اسيادا جسار لا بيهابوا الضربة ولا الاضرار سدوا الفرقة وزالوا دمار شدوا ضهورهم للاعمار دفروا الضيم مسحوهو غبار روهو ترابك دم اطهار دفنوا شهيدا كان مغوار معز والصادق يا ستار وشيخ الدين الفج النار صغيرنا فقيرى مع الابرار يا كجبار ... انتى الهيبه وهم العار انتى كرامة وهم فجار لن نحتار ... ولن نختار غير الضربة الفيها الثار ولن نتوارى خلف ستار لن نتخاذل ولن نحتار نرفع صوتنا عالى جهار يا كجبار .. انتى جدودنا الديمه كبار انتى جذورنا انتى وقار انتى الجيل الربى صغار انتى المرأة الحاضنة الدار انتى شموخنا والثوار انتى تراثنا والاحرار انتى حضارة غناك مسدار انتى النيل الشال اسرار انتى خدارنا والنوار انتى نخيلنا الكلو نضار بيه عريسنا اتجرتق وسار يا كجبار لسه عيونا حارسة ديار ولسه قلوبنا مولعه نار فينا الشرف الغطى بحار وفينا الوهب الروح للجار فينا وفينا كم اخيار لن نبكيك .. ولن نرثيك .. ولن نحتار لن نوفيك غير الثأر لن نتخاذل ولن نحتار ولن نختار غير الثأر
| |
| |
|
03-21-2013, 02:54 AM
| #36 | |
| عديلة و زين [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px groove indigo;"][cell="filter:;"][align=center] يا ود مساحات البلد .. مفروش ارض معروش سحاب.. مبلول مطر راوى الجرف.. كاسر السراب.. معقود جواك اخضر رضاب.. مزروع مجدع فى التراب.. نواره تفتح كل باب.. مليانه بى دغش الرزاز.. رويانه بى نفس العزاز.. ممطوره بالبلد الهشاب.. طارح الحنين عبر السنين.. وارث الدوايه مع الكتاب.. مشتول مكشح فى الدروب.. ممزوج مدمدم بالضباب.. مدفون جوار عمق الفرح.. مبسوط محكر فى الهضاب.. ***** يا ود مساحات الاهل.. مرشوش عطر مربوط هلال.. جرتق موشح بالبرش.... مرصوص سبح حزمة جمال.. سايقنو لى ست الحسن .. مليانه حنه وكوم خصال .. ديسا مكحل بالسواد .. خدا مورد بالدلال .. مسكونة بى ضحكة صغار.. منسوجة بى صافى الزلال .. معروفه بى خاطر الكبار .. مرسومة فى واحة ظلا ل .. سمحة و عديلة و زين .. عزة قبيلة و فا لـ ....
| |
| |
|
03-21-2013, 02:55 AM
| #37 | |
| ما تتخبأ [align=center][tabletext="width:70%;background-image:url('http://www.hreeb-bihan.com/vb/backgrounds/14.gif');border:10px double indigo;"][cell="filter:;"][align=center] ما تتضارا [/align][/cell][/tabletext][/align] امرق بره اكسر حاجز الصمت الحرا.. وكورك فينا.مليون مره. بى الصاراهو دواخلك.. جوه... وبره على النبره وشيل العبره انفض غبار السمح الجوه .. وازرع فرحك فينا وما تتضارا.. تكبر شدره .. تطرح ثمره تشيل اليابس .. تطفى الجمره **** شتت لونك فى لوحات الزمن الاغبر .. لون بيه الفاضل منو.. يمكن يكبر ويمكن يظهر .. وتانى نجيبو نلون صورته وامكن يبهر .. لامن طيفك يظهر وينضر.. يشيل الحزن الساكن دارنا وليه يكسر .... وانضم تانى الفرح الاخضر لحن نغم الشجن الباكى .. دندن نغمو الفيك متحكر وما تتضارا امرق بره اكسر حاجز الصمت الحرا وكورك فينا مليون مره
| |
| |
|
03-21-2013, 03:06 AM
| #38 | |
| العيون [ALIGN=CENTER][TABLETEXT="width:70%;background-image:url('http://www.hreeb-bihan.com/vb/backgrounds/14.gif');border:10px inset deeppink;"][CELL="filter:;"][ALIGN=center] . [/ALIGN][/CELL][/TABLETEXT][/ALIGN]  العيون الفيهن نعاس هن اساس معنى الجناس هن يثيرن فى الناس حماس هن يقودو الزول لى الجنون
| |
| |
 |
| Bookmarks |
| الكلمات الدلالية (Tags) |
| الجندي , السودان , اسلام , ديوان , شاعرة |
| Currently Active Users Viewing This Thread: 1 (0 members and 1 guests) | |
| |
