صباح الورد والعنبر وريح العود والريحان

الغنج , الورد , صباح , والريحان , والعنبر , نريد

صباح الورد والعنبر وريح العود والريحان

صباح الورد والعنبر وريح العود والريحان
صباح احلا من الدنيا ليا طابت لياليها

صباح الطله الحلوه وغره تشغل الحيران
تداعب خدك الناعم وتغري ناظري فيها

حبيبي شعرك الثاير عجز في رسمه الفنان
يحاول يرسم اخصاله ولكن من يضاهيها

حبيبي ياهنا عمري اذوب بطرفك النعسان
واهيم بعالم اهدابك وتتعبني موانيها

جمالك صعب تفسيره وصعب يدركه انسان
حشى ماشفت انا مثلك بهالدنيا ومافيها

ملكني بالهوى حسنك وطبعك ياعذب الخلان
ولك دايم بنات الفكر اسرحها وضويها

يلوموني على حبك واقول من لامني غلطان
الايالايمي لحظه قبل كلمتك تبديها

قبل لاتنهي حكمك ويظهر بالحكم نقصان
تكرم ناظر عيونه تمعن في معانيها

وابيك تناظر واشفاته وصبح يعتلي الحجان
واذا شفته مشى مقفي بهالشارب تروح فيها

اي والله عجز فيه رسمه الفنان .. كان شعره كما العبيد مفلفل


الحب يسدح الواحد ي عزب .. ﻻعذبك الله قول امين ..

استمر ونشوف نهايتها ..

وش معك يا عذب ههههه

عالعموم أبيات حلوه كالعاده

إقتباس من مشاركة عايش مطنش

اي والله عجز فيه رسمه الفنان .. كان شعره كما العبيد مفلفل


الحب يسدح الواحد ي عزب .. ﻻعذبك الله قول امين ..

استمر ونشوف نهايتها ..

شكرا عايش على مرورك ونهايتها زينة انشاء الله

إقتباس من مشاركة قلب شبوه

وش معك يا عذب ههههه

عالعموم أبيات حلوه كالعاده

الاحلى مرورك من هنا يا سوبر تحياتي