جروح القلب

القلب , يروي

جروح القلب

شفته بقلبي قبل عيني تشوفه
سبحان من بالحُسن والزين غطاه

ضو القمر بازغ من اعلى عفوفه
والشمس كنها طالعه من محياه

روشا الهدب حورا العيون الهنوفه
والثلج نيران الشفايف تحاواه

لون الغسق والليل كاسي ردوفه
والخشم سيف وشامة الخال تزهاه

له مبسم احلى من عسل في قروفه
كن الوجن من لون جوري مدفَّاه

كذاب لا من قلت كَملت وصوفه
وكذاب لا من قلت مثله ولاماه

يا من لقلبً (ن) ما سلم من سيوفه
من نظرة العينين تتناثر اشلاه

يا زين من يلقي كذا في ضيوفه
يشناه ربه والمخاليق تشناه

قال الهوا والحب هذه سلوفه
درب المحبه لا تساهل بممشاه

المشكله من مر به ما يعوفه
لا واهني قلب الذي مابعد جاه

نفسي على يوم الملاقا شغوفه
تنزف جروح القلب والشوق يحداه

ونا الذي ما يوم قد حس خوفه
ماقد عرفت الخوف من قبل ما القاه

هامه رفيعه والنشاما كتوفه
يوم المعادي خوفها ما حسبناه

افراح قلبي يوم بالعين اشوفه
قلبي يخافه لكن النفس تهواه

والقلب لا شفته تراعد نجوفه
ينسى القلق والخوف والجرح ينساه

نفسي تكلفها همومي كلوفه
وتجرَّع المرَّين بسباب فرقاه

صح الله لسانك ابيات في قمة الروعة
الله يعطيك الصحة والعافية ويسهل امورك ويبلغك مناك ههههه

قول أن شاء الله ،،

تحياتي ،،

يالبييييههه صددق منبع الشعررر انشهددد صحححح الله لسااانك اي هذا الشعر الي احب اشوفه هههههه من زمان ندور


من اجمل ماقرات وياسعدها


شفته بقلبي قبل عيني تشوفه
سبحان من بالحُسن والزين غطاه

ضو القمر بازغ من اعلى عفوفه
والشمس كنها طالعه من محياه

روشا الهدب حورا العيون الهنوفه
والثلج نيران الشفايف تحاواه



وان شاءالله انه يحفق ماتمنيته

صحت ابدانكن وشكراً على مروركن الجميل ةالرائع

احوووووووه عليه

قصيده اقل مايقال عنها فخمه
من شاعر فخم و منبع للشعر

صح لسانك يالفخم

ههههههه حلوه فخم هذي ذكرتني بالاعلامي ماجد عمير كنت حضرت نهائي دوري شهداء المديريه قبل بضع سنوات والتقى بي واخذ معي صوره واصبح ينشرها ويقول انا وشاعرنا الفخم هههههه


سهير الطرف لا اسهر لك طرف وشكراً لك